ဘာစီလိုနာ တိုက်စစ်မှူး လူးဝစ်ဆွာရက်ဇ်သည် လီဗာပူးမှ ပြောင်းရွှေ့လာမည့် ဖိလစ် ကော်တင်ဟိုအတွက် နေအိမ်တစ်လုံး ဝယ်ယူပေးလိုက်ကြောင်း အင်္ဂလန်အခြေစိုက် သတင်းဝက်ဘ်ဆိုက်တစ်ခုတွင် ဖော်ပြသည်။
ဆွာရက်ဇ်နှင့် ကော်တင်ဟိုတို့သည် လီဗာပူးအသင်းဖော်များ ဖြစ်ခဲ့ကြပြီး အလွန်ခင်မင်ခဲ့ကြသူများ ဖြစ်ကြသည်။ကော်တင်ဟိုသည် ဘာစီလိုနာသို့ ပေါင် ၁၄၅ သန်းဖြင့် ပြောင်းရွှေ့လာကာ ကွင်းလယ်ကစားသမားအဖြစ် တာဝန်ယူသွားမည် ဖြစ်သည်။
ကက်စ်တယ်ဒီဖဲလ်အရပ် ဆင်ခြေဖုံးဒေသတွင်ဖြစ်ပြီး တန်ဖိုးကြီးဇိမ်ခံလူနေအိမ်တစ်လုံးဖြစ်သည်ဟုသိရပြီး မည်သည့်နေအိမ်ဖြစ်သည်ဟူ၍မူ အတိအကျ မသိရသေးချေ။အသက် ၂၅ နှစ်သာရှိသေးသည့် ဘရာဇီးကြယ်ပွင့် ကော်တင်ဟိုသည် နူးကမ့်သို့ ရောက်လာပါက နေအိမ်ရှာဖွေရန် ခေါင်းကိုက်ရမည်ဖြစ်ရာ ယခုတွင်ကား ကြိုးကြာနီ လက်တွဲဖော်ဟောင်းဆွာရက်ဇ်ကို ကျေးဇူးတင်ရတော့မည် ဖြစ်သည်။
ကော်တင်ဟို မရောက်လာမီတွင် ကော်တင်ဟိုရောက်ရှိလာပါက မည်သည့်ဟိုတယ်တွင် ထားသင့်သနည်းဟု ဘာကာဥက္ကဌ ဂျိုးဆက် မာရီယာ ဘာတိုမူက ဆွာရက်ဇ်ကို ခေါ်ယူမေးမြန်းခဲ့သည်ဟု ဆိုသည်။
အသက် ၃၀ နှစ်ရှိပြီဖြစ်သော ဥရုဂွေးတိုက်စစ်မှူး ဆွာရက်ဇ်က ပြန်လည်ဖြေကြားခဲ့ရာတွင် “ဥက္ကဌကြီးခင်ဗျာ..ဟိုတယ်မလိုအပ်ပါဘူး။ ကျွန်တော် သူ့အတွက်အိမ်တစ်လုံး ဝယ်ထားပြီးပါပြီ”ဟု ဖြေကြားခဲ့သည်။
ယခုနေအိမ်တည်ရှိရာဒေသတွင် ဆွာရက်ဇ်ကိုယ်တိုင်လည်း နေထိုင်လျက်ရှိသည့်အပြင် ဘာစီလိုနာတိုက်စစ်မှူး လီယိုနယ် မက်ဆီလည်း နေထိုင်လျက်ရှိသည်ဟု ဆိုသည်။
ပင်လယ်ကမ်းခြေသို့ လမ်းလျှောက်သွားရုံဖြင့် ရောက်ရှိနိုင်ပြီး နူးကမ့်ကွင်းသို့မူ မော်တော်ကားဖြင့် ၄၉ မိနစ် ခရီးခန့် ဝေးကွာသည်။
ဆွာရက်ဇ်သည် ဘာစီလိုနာသို့ ပြောင်းရွှေ့ပြီးနောက် လအနည်းငယ်အကြာ ၂၀၁၄ ခုနှစ်၊ ဒီဇင်ဘာလတွင် ယင်းဒေသ၌ နေအိမ်တစ်လုံးကို ပေါင် ၂ ဒသမ ၆ သန်းဖြင့် ဝယ်ယူကာ အခြေချနေထိုင်ခဲ့သည်။
ကော်တင်ဟိုသည် စပိန်သို့ ဇနီးဖြစ်သူ အေနီ၊ သားသမီးများဖြစ်သည့် မာရီယာ၊ ဖိလစ် ဂျူနီယာတို့ကို တစ်ပါတည်း ခေါ်ဆောင်လာမည် ဖြစ်သည်။
“ကျွန်တော်သွားမယ့်နေရာနဲ့ပတ်သက်ပြီး မသိသေးပါဘူး။ ဒါပေမယ့်စိတ်ကူးကိုကြိုက်ပါတယ်။ ဒါက ကြင်နာမှုပြတဲ့သဘောပါ။ ပုံတွေတော့တွေ့ပြီးပါပြီ။ ရင်သပ်ရှုမောဖွယ် မြင်ကွင်းတွေပါပဲ။ ဒီိနေအိမ်ကို ကြည့်ဖို့ မိသားစုနဲ့အတူ သွားနေပါတယ်။ လူးဝစ်က ကျွန်တော်တို့ကို ကူညီလိမ့်မယ်ဆိုတာ ကျွန်တော်သိပါတယ်” ဟု ကော်တင်ဟိုက ပြောကြားသည်။
ရွှေဘောလုံးဆု ၅ ကြိမ်ရ ကစားသမားဖြစ်သည့် ကော်တင်ဟိုသည့် ယခုအခါ ကမ္ဘာကျော်ကြယ်ပွင့် ၂ ဦးနှင့် အတူလက်တွဲကစားရတော့မည်အပြင် အိမ်နီးချင်းများလည်း ဖြစ်လာတော့မည် ဖြစ်သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
