ကမ္ဘာကျော်ဟဲဗီးမက်တယ်တီးဝိုင်းကြီးဖြစ်သော Metallica မှ လိဒ်ဂစ်တာသမား Kirk Hammett ၏ နေအိမ် ယခုတိုင်ရောင်းမထွက် သေးသောကြောင့် ဒေါ်လာတစ်သန်းဈေးလျှော့ကာ ဈေးကွက်တင်လာသည်။
Kirk Hammett ၏ နေအိမ် ယခင်က ဈေးကွက်တင်ခဲ့ပုံကို iMyanmarHouse.com ဝက်ဘ်ဆိုက်ကြီးတွင် ရေးသားတင်ပြခဲ့ဖူးရာ ဖတ်ရှုလိုသူများအနေဖြင့် https://www.imyanmarhouse.com/news/read/574807 အင်တာနက်လင့်ခ်တွင် ဖတ်ရှုနိုင်ပါသည်။
Metallica သည် အမေရိကန် ဟဲဗီးမက်တယ်ဝိုင်းကြီးဖြစ်ပြီး အမေရိကန်ပြည်ထောင်စု၊ ကယ်လီဖိုးနီးယားပြည်နယ်၊ လော့စ်အိန်ဂျလိတွင် စတင်ဖွဲ့စည်းခဲ့ခြင်း ဖြစ်သည်။
ဒရမ်မာ လားစ်အူရစ်နှင့် ရှေ့ထွက်အဆိုတော် ဂျိမ်းစ် ဟက်ဖီးတို့က ၁၉၈၁ ခုနှစ်တွင် ကမကထပြု တည်ထောင်ခဲ့ကြခြင်း ဖြစ်၏။Metallica သည် စတူဒီယိုအယ်လ်ဘမ် ၁၀ ခု၊ live show အယ်လ်ဘမ် ၄ ခု၊ အခြားသူများ၏ သီချင်းများကို ပြန်လည်သီဆိုထားသည့် cover အယ်လ်ဘမ်တစ်ခု၊ ဂီတဗွီဒီယို ၃၉ ခုနှင့် ဆင်ဂယ်လ် ၃၇ ခု ထွက်ရှိခဲ့ပြီး ဖြစ်သည်။
ဂီတ၏ အကယ်ဒမီဆုဖြစ်သော Grammy Awards ၉ ကြိမ်ရရှိခဲ့ပြီးဖြစ်ကာ နောက်ဆုံးစတူဒီယိုအယ်လ်ဘမ် ၆ ခုသည် ထွက်ရှိခဲ့သည့် အခါတိုင်း Billboard 200 တွင် နံပါတ်တစ်နေရာ အမြဲချိတ်ဆွဲခဲ့သည်။
Metallica သည် ကမ္ဘာ့ဂီတသမိုင်းတစ်လျှောက် စီးပွားရေးအရလည်း အအောင်မြင်ဆုံး တေးဂီတဝိုင်းများတွင် တစ်ခုအပါအဝင်ဖြစ်ခဲ့ပြီး ကမ္ဘာတစ်ဝန်းတွင် တေးအယ်လ်ဘမ်ချပ်ရေ သန်း ၁၂၀ ကျော် ရောင်းချခဲ့ရပြီးဖြစ်သည်။
Rolling Stone မဂ္ဂဇင်းကြီးကလည်း Metallica ကို သမိုင်းတစ်လျှောက် အကြီးမြတ်ဆုံးအနုပညာရှင် ၁၀၀ စာရင်းတွင် ထည့်သွင်း ဖော်ပြခဲ့သည်။
ယခုရောင်းချမည့်နေအိမ်မှာ ဆန်ဖရန်စစ္စကိုတွင် တည်ရှိပြီး နီယိုးကလပ်စစ်ကယ်ဗိသုကာဟန်ဖြင့် ဆောက်လုပ်ထားခြင်းဖြစ်သည်။
အိပ်ခန်း ၄ ခန်း၊ ရေချိုးခန်း ၄ ခန်း၊ စံမီဧည့်ခန်း၊ ညစာစားခန်း၊ မိသားစုခန်းမ၊ ကြီးမားကျယ်ပြန့်သော မီးဖိုဆောင်၊ ခရုပတ်လှေကားနှင့် ဆင်ခြေလျှောပန်းဥယျာဉ်များ ပါဝင်သည်။
၁၉၂၂ ခုနှစ်တွင် ဆောက်လုပ်ခဲ့ခြင်းဖြစ်ပြီး နေအိမ်အကျယ်အဝန်း ၃၈၈ စတုရန်းမီတာကျယ်ဝန်းကာ မူရင်းမီးလင်းဖိုတစ်ခု ပါဝင်သည်။
ပထမဆုံးစတင်အရောင်းဈေးကွက်တင်သည်မှာ ၂၀၁၆ ခုနှစ်အတွင်းဖြစ်ပြီး ထိုစဉ်က ဈေးခေါ်ခဲ့သည်မှာ ကန်ဒေါ်လာ ၁၆ သန်း ဖြစ်သည်။
နောက်ပိုင်းတွင် ရောင်းမထွက်သောကြောင့် ဒေါ်လာ ၂ သန်း ဈေးလျှော့ချပေးလိုက်ပြီး ကန်ဒေါ်လာ ၁၄ သန်းဖြင့် ပြန်လည်ဈေးကွက် တင်ခဲ့သော်လည်း ယခုတိုင်ရောင်းမထွက်သေးချေ။
ထို့ကြောင့် ထပ်မံ၍ ဒေါ်လာတစ်သန်းဈေးလျှော့ပေးကာ ကန်ဒေါ်လာ ၁၃ သန်းဖြင့် အရောင်းဈေးကွက်တင်လာခဲ့ခြင်း ဖြစ်သည်။
Sea Cliff Avenue ဟုအမည်ပေးထားသည့် ယင်းနေအိမ်၏ ကြမ်းခင်းဧရိယာမှာ စတုရန်းပေ ၄၁၈၀ ရှိသည်။ကြီးမားသည့်ပြတင်းပေါက်များ၊ ခရုပတ်ဟန် လှေကား၊ မီးလင်းဖိုများစွာ၊ ဂရုတစိုက်မွမ်းမံထားသည့် ပန်းဥယျာဉ်များ ပါဝင်ကာ Pacific Union International ကုမ္ပဏီမှတစ်ဆင့် ဈေးကွက်တင်လာခြင်း ဖြစ်သည်။
အဆိုပါနေအိမ်ကို Kirk Hammett ဝယ်ယူခဲ့သည်မှာ ၂၀၀၅ ခုနှစ်တွင်ဖြစ်ပြီး ကန်ဒေါ်လာ ၅ ဒသမ ၇ သန်းပေးခဲ့ရကြောင်း အိမ်ခြံမြေ မှတ်တမ်းများတွင် ဖော်ပြသည်။
Kirk Hammett သည် ဆန်ဖရန်စစ္စကိုသားတစ်ဦးဖြစ်ပြီး ယခုအခါအသက် ၅၅ နှစ်ရှိပြီဖြစ်ပြီး Metallica အဖွဲ့ကြီးတွင် ဂစ်တာသမား၊ တေးရေးအဖြစ် ၁၉၈၃ ခုနှစ်ကတည်းက ပါဝင်ခဲ့ခြင်းဖြစ်သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
