ကမ္ဘာကျော်မျက်လှည့်ဆရာကြီး ဒေးဗစ်ကော့ပါးဖီး၏ နေအိမ်မှာ အမေရိကန်ပြည်ထောင်စု၊ ဒုစရိုက်မြို့တော်ဟု အမည်ပြောင်ပေးကြသော လာ့ဗီးဂပ်စ်မြို့တွင် တည်ရှိသည်။
ဒေးဗစ်ကော့ပါးဖီးသည် အဆိုပါနေအိမ်ကို လာ့စ်ဗီးဂပ်စ်တွင် အမြင့်မားဆုံးစံချိန်တင်ဈေးပေးကာ ဝယ်ယူခဲ့ခြင်းဖြစ်ပြီး ကန်ဒေါ်လာ ၁၇ ဒသမ ၅၅ သန်း ပေးခဲ့ရသည်။
ဒေးဗစ်ကော့ပါးဖီး၏ အမည်ရင်းမှာ ဒေးဗစ် ဆက်သ် ကော့ထ်ကင်းဖြစ်ပြီး ၁၉၅၆ ခုနှစ်၊ စက်တင်ဘာလ ၁၆ ရက်တွင် မွေးဖွားခဲ့ပြီး ဖော့ဘ်မဂ္ဂဇင်းကြီးက သမိုင်းတစ်လျှောက် စီးပွားရေးအရ အအောင်မြင်ဆုံး မျက်လှည့်ပညာရှင်အဖြစ် ဖော်ပြခဲ့သည်။
မျက်လှည့်နယ်တွင် နှစ်ပေါင်း ၄၀ ကျော် ကျင်လည်ခဲ့ရာ၌ ဂင်းနက်စ်စံချိန် ၁၁ ခု တင်နိုင်ခဲ့ပြီး Hollywood Walk of Fame တွင် ဖော်ပြခံရသူတစ်ဦးလည်း ဖြစ်ခဲ့သည်။
ပြင်သစ်အစိုးရကလည်း သူရဲကောင်းဘွဲ့ပေးအပ်ခဲ့သည့်အပြင် အမေရိကန်ကွန်ဂရက်စာကြည့်တိုက်က ရှင်သန်ဆဲဖြစ်သော ဂန္ထဝင်တစ်ဦးအဖြစ် သတ်မှတ်ခြင်းခံထားရသည်။
ဒေးဗစ်ကော့ပါးဖီးသည် မျက်လှည့်ပွဲကြီးများတွင် လက်မှတ်စုစုပေါင်း ၃၃ သန်းကျော်ရောင်းချခဲ့ရပြီး ကန်ဒေါ်လာ ၄ ဘီလီယံကျော် ရရှိခဲ့ရာ ကမ္ဘာပေါ်ရှိ မည်သည့်တစ်ဦးတည်း တင်ဆက်ဖျော်ဖြေသူထက်မဆို များပြားသည့်ဝင်ငွေလည်း ဖြစ်သည်။
လာ့စ်ဗီးဂပ်နေအိမ်တွင် ရေကူးကန်၊ နိုက်ကလပ်၊ ရုပ်ရှင်ရုံ၊ အိပ်ခန်း ၈ ခန်း၊ အားကစားလေ့ကျင့်ရေးခန်းမ၊ ဝိုင်သိုလှောင်ခန်းနှင့် ဂေါက်ရိုက်လေ့ကျင့်ခန်းမတို့ ပါဝင်ပြီး လာ့စ်ဗီးဂပ်၏ ဘီလျံနာတန်းဟု ခေါ်ကြသော Enclave Court အရပ်တွင် တည်ရှိသည်။
စုစုပေါင်းအကျယ်အဝန်းမှာ စတုရန်းပေ ၃၁၀၀၀ အထိ ကျယ်ဝန်းပြီး ၄ ထပ်အဆောက်အအုံမှာ ပင်မနေအိမ်အဖြစ် ပါဝင်ပြီး ဧည့်ဂေဟာအိမ် ၂ လုံးလည်း ပါဝင်သည်။
ဒီဇိုင်နာ စကော့ဒေးလ်က ဒီဇိုင်းရေးဆွဲဆောက်လုပ်ပေးခဲ့ခြင်းဖြစ်ပြီး စတီးနှင့် ကွန်ကရစ်များကို အဓိကအသုံးပြုကာ တည်ဆောက်ထားခြင်း ဖြစ်သည်။
နေအိမ်တည်နေရာမှာ ဒေးဗစ်ကော့ပါးဖီးကဲ့သို့ အကျော်အမော်တစ်ဦးအတွက် အလွန်အရေးကြီးလှပြီး privacy ရှိခြင်းကြောင့် နေအိမ်ကို ချက်ခြင်းသဘောကျသွားကာ ဇနီးဖြစ်သူ ခလို ဂေါ့စလင်းနှင့်အတူ ဝယ်ယူခဲ့ခြင်းဖြစ်သည်ဟု ဆိုသည်။
နေအိမ်ဈေးမှာ အလွန်များပြားလှသော်လည်း ကန်ဒေါ်လာ သန်း ၈၀၀ ခန့် ချမ်းသာကြွယ်ဝသည့် ဒေးဗစ်ကော့ပါးဖီးအတွက် မမှုလောက်သည့်ပမာဏသာဖြစ်လေသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
