ကမ္ဘာကျော် အက်ရှင်သရုပ်ဆောင်မင်းသားကြီး အာနိုးရှဝါဇနက်ဂါနှင့် ဇနီးဖြစ်သူ မာရီယာ ရှရိုင်ဗာတို့သည် ကလေးငယ်များ နေထိုင်ရန်အတွက် အမေရိ ကန်ပြည်ထောင်စု၊ လော့စ်အိန်ဂျလိစ်မြို့တွင် နေအိမ်လိုက်လံ ရှာဖွေလျက်ရှိကြောင်း architecturaldigest တွင် ဖော်ပြသည်။
အာနိုးနှင့် မာရီယာ ရှရိုင်ဗာတို့သည် ၁၉၈၆ ခုနှစ် တွင် လက်ထပ်ခဲ့ကြပြီး ယခု ၂၀၁၇ ခုနှစ်အတွင်း ကွာရှင်း ပြတ်စဲထားသည်။
ကွာရှင်းပြတ်စဲထားစေကာမူ သားသမီးများအနက် နှစ်ဦးအတွက် ၎င်းင်းတို့၏ နေအိမ်များအနီးတွင်ရှိသော နေအိမ် တစ်လုံးလုံး ၀ယ်ယူပေးရန် စီစဉ်လျက်ရှိပြီး ယခုအခါ နေအိမ် ၂ လုံးကို စိတ်ဝင်စားလျက်ရှိသည်ဟု ဆိုသည်။
တောင်ကယ်လီဖိုးနီးယားတက္ကသိုလ်မှ မကြာသေးမီကမှ ကျောင်းပြီးခဲ့သည့် သားဖြစ်သူ ပက်ထရစ် (အသက် ၂၃ နှစ်) နှင့် စာရေးဆရာမလုပ်နေသူ ကက်သရင်း (အသက် ၂၇ နှစ်) တို့အတွက် နေအိမ်ဝယ်ယူပေးရန် စီစဉ်နေခြင်း ဖြစ်သည်။
ပက်ထရစ်သည် တေလာဆွစ်ဖ်၏ ချစ်သူဟောင်းလည်း ဖြစ်၏။ မာရီယာ ရှရိုင်ဗာသည် ယခုအခါ လော့စ်အိန်ဂျလိမြို့၊ ဘရန့်ဝုဒ်အရပ်တွင် နေထိုင်လျက်ရှိပြီး ပက်ထရစ်၊ ကက်သရင်း တို့နှင့်အတူ လော့စ်အိန်ဂျလိစ်မြို့တစ်ခွင်တွင် နေအိမ်လိုက်လံ ရှာဖွေလျက်ရှိသည်။
ရှာဖွေခဲ့သော နေအိမ်များအနက် နေအိမ်နှစ်လုံးနှင့် အရောင်းအ၀ယ်တည့်လုနီးပါးအထိ ဖြစ်ခဲ့သည်။ နေအိမ်တစ်လုံး မှာ ကန်ဒေါ်လာ ၂ သန်းပေါက်ဈေးရှိပြီး တခြားတစ်လုံးမှာ ကန်ဒေါ်လာ ၃ သန်း ဈေးခေါ်၏။ လက်ရှိ ရှရိုင်ဗာနေထိုင်သော နေအိမ်၏ တန်ဖိုးမှာ ကန်ဒေါ်လာ ၁၂ သန်း ဖြစ်သည်။
ယင်းနေအိမ် ၂ လုံးမှာ လော့စ်အိန်ဂျလိစ်မြို့၊ Pacific Design Centre အနီးတွင်တည်ရှိပြီး နာမည်ကျော် West Hollywood နှင့်လည်း နီးစပ်သည်။
ယခုအချိန်အထိမူ မည်သည့်နေအိမ်ကိုမျှ ၀ယ်ယူဖြစ် သေးခြင်းမရှိချေ။
ရှေရီ မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးရေးသားဖော်ပြသည်။
Credit: iMyanmarHouse.com
