ထားဝယ် မြစ်ကမ်းနဖူးတစ်လျှောက်ရှိ ဆိပ်ကမ်းသာလမ်း ဖွံ့ဖြိုးတိုးတက်ရေး စီမံကိန်းကို ၂၀၁၈ ခုနှစ်အတွင်း စတင်နိုင်မည်ဖြစ်ကြောင်း တိုင်းဒေသကြီး လျှပ်စစ်နှင့် စွမ်းအင်ဝန်ကြီး ဦးကြည်လှိုင်က ပြောကြားသည်။
စီမံကိန်းအား အပိုင်းလိုက် လုပ်ဆောင်သွားမည်ဖြစ်ပြီး ဆိပ်ကမ်းသာလမ်း မြောင်းပုလဲချောင်းတံတားမှ ကမ်းနားဈေး (အာဇာနည်လမ်းထောင့်) အထိ ပေ ၁၄၀၀ အား ၂၀၁၈ ခုနှစ်အတွင်း အကောင်အထည်ဖော်သွားမည်ဖြစ်ကြောင်း ဦးကြည်လှိုင်က ပြောသည်။
“ယာယီပုံကြမ်းတော့ ရှိပြီပေါ့၊ မြိတ် (ကမ်းနားလမ်း) ပုံစံမျိုးပဲပေါ့။ ၂၀၁၈ ထဲမှာတော့ ဖြစ်(လုပ်ငန်းစတင်) နိုင်မယ်” ဟု ဝန်ကြီး ဦးကြည်လှိုင်က ပြောသည်။
လက်ရှိတွင် တိုင်းစည်ပင်မှ လုပ်ငန်းစီမံချက် အစီရင်ခံစာ ရေးဆွဲနေကြောင်း ဝန်ကြီးက ပြောသည်။
စီမံကိန်းတွင် လက်ရှိ ဆိပ်ကမ်းသာလမ်း (၁၈ ပေ အကျယ်) အား ၃၆ ပေ အကျယ် ကွန်ကရစ်လမ်းအဖြစ် တိုးချဲ့ခြင်း၊ မြစ်ကမ်း ကျောက်စီနံရံ တည်ဆောက်ခြင်း၊ ကမ်းနဖူးလက်ရန်းနှင့် ၆ ပေအကျယ် လူသွားပလက်ဖောင်း တည်ဆောက်ခြင်းတို့ပါဝင်ရန် လျာထားရေးဆွဲကာ တိုင်းအစိုးရအဖွဲ့သို့ တင်ပြထားကြောင်း တိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူးက ပြောသည်။
ကမ်းနဖူးနှင့် လူသွားပလက်ဖောင်း၊ ဆိပ်ကမ်းသာလမ်းကြား ကွက်လပ်မြေနေရာအား အပြောင်ရှင်းမြေဖို့ကာ အများပြည်သူနှင့် သက်ဆိုင်သောနေရာအဖြစ် ချန်ထားနိုင်ရေး လျာထားကြောင်း ညွှန်ကြားရေးမှူးက ပြောသည်။
ယင်းဆိပ်ကမ်းသာလမ်း ဖွံ့ဖြိုးမှု ရေရှည်တည်တံ့ရေးအတွက် စီမံကိန်းအား ကျွမ်းကျင်အင်ဂျင်နီယာတို့၏ ဒီဇိုင်းဖြင့် ပြုလုပ်သင့်ကြောင်း ထားဝယ်မြို့ မြို့မိမြို့ဖတစ်ဦးဖြစ်သူ ဦးထွန်းကြည်က ပြောသည်။
“ရည်ရွယ်ချက် ကောင်းတယ်၊ တဖြည်းဖြည်းလုပ်သွားမယ့် သဘောပေါ့၊ အဓိကကတော့ ဒီဇိုင်းကောင်းဖို့လိုတယ်၊ ပြီးရင် ကျူစီ (Quality Control) အတိုင်း မှန်မှန်ကန်ကန်လုပ်ဖို့ လိုတယ်”ဟု ဦးထွန်းကြည်က ပြောသည်။
Credit: The Voice
