ခရီးသည် ဝင်ရောက်မှုများလာသည်နှင့် အမျှ မွန်ပြည်နယ်တွင် ဟိုတယ်နှင့်ခရီးသွား လာရေးလုပ်ငန်းများ နှစ်စဉ်တိုးတက်လာရာ ဟိုတယ်နှင့် တည်းခိုရိပ်သာထပ်မံတည်ဆောက် နိုင်ရန်လုပ်ငန်းလိုင်စင် ၁၁ ခု လာရောက် တင်ပြထားကြောင်း မွန်ပြည်နယ် ဟိုတယ်နှင့် ခရီးသွားလာရေးညွှန်ကြားမှုဦးစီးဌာနမှ သိရ သည်။
လက်ရှိတွင် သထုံခရိုင်၌ ဟိုတယ်နှင့် တည်းခိုရိပ်သာ ၁၈ လုံးနှင့် မော်လမြိုင်ခရိုင် တွင် ၃၅ လုံးအထိ ရှိနေကြောင်း သိရသည်။
''ခရီးသွားတွေ တိုးလာအောင် အဓိကက တော့ ဝန်ဆောင်မှုအပိုင်းပေါ့။Service (ဝန်ဆောင်မှု) ကောင်းမှပဲ ဧည့်သည်က ထပ် တလဲလဲ လာချင်မှာပေါ့။ ဝန်ထမ်းတွေ ဝန်ဆောင်မှုအပိုင်းမှာ အရည်အသွေးမြင့် အောင် ကျွန်တော်တို့ သင်တန်းတွေပေးတယ်။ အခုလက်ရှိကတော့ ကျွန်တော်တို့ဆီက လိုင် စင်ခွင့်ပြုချက်ရထားတဲ့ ဟိုတယ်တွေလည်း ရှိသလို ဆောက်လက်စ ဟိုတယ်တွေလည်း ရှိပါတယ်။ လိုင်စင်ခွင့်ပြုချက်တင်ပြထားတဲ့ ဟိုတယ်နဲ့ တည်းခိုခန်းတွေလည်း ရှိပါတယ်။ နောက်ဆိုရင် ပိုပြီးတော့ တိုးလာမှာပါ'' ဟု မွန်ပြည်နယ် ဟိုတယ်နှင့် ခရီးသွားလာရေး ညွှန်ကြားမှုဦးစီးဌာန ဒုတိယညွှန်ကြားရေးမှူး ဦးသန်းထွဋ်ခိုင်က ပြောဆိုသည်။
ဆောက်လုပ်ခွင့်လိုင်စင် တင်ပြထားသည့် ဟိုတယ်နှင့် တည်းခိုခန်း ၁၁ လုံးမှာ မော်လ မြိုင်မြို့တွင် New Mawlamyine ဟိုတယ် နှင့် ၁ဝ ထပ်ခွဲဟိုတယ်၊ မုဒုံမြို့နယ်တွင်Golden ဟိုတယ်နှင့် မိုတယ်မုဒုံ၊ သံဖြူဇရပ် မြို့နယ်တွင် စက်စဲကမ်းခြေဟိုတယ်၊ ကျိုက်ထို မြို့နယ်တွင် ဝင်းတည်းခိုရိပ်သာနှင့် အခြား ဟိုတယ် တစ်လုံး၊ သထုံမြို့နယ်တွင် သုဝဏ္ဏ ဘုမ္မိဟိုတယ်၊Sundayဟိုတယ်၊ မြနဒီတည်းခို ရိပ်သာနှင့် ပေါင်မြို့နယ်တွင်Daimond Angle တို့ဖြစ်ကြောင်း ယင်းဌာနမှ သိရသည်။
ဈေးမြင့်နေ
ပြည်တွင်းဟိုတယ်ခများသည် အိမ်နီးချင်း နိုင်ငံများနှင့် နှိုင်းယှဉ်ပါက ဈေးအမြင့်ပိုင်းမှာ ရှိနေပြီး နိုင်ငံခြားခရီးသွားဧည့်သည်အချို့ ဝေဖန်မှုများရှိနေသည့်အပေါ် မွန်ပြည်နယ် ဟိုတယ်နှင့်ခရီးသွားလာရေးညွှန်ကြားမှု ဦးစီးဌာန ဒုတိယ ညွှန်ကြားရေးမှူး ဦးသန်း ထွဋ်ခိုင်က ''သူတို့ဆီမှာကInvestment (ရင်းနှီးမြှုပ်နှံမှု) များတယ်။ အခန်းတွေဆို လည်း အများကြီးပဲ။ အဲဒီ့အတွက် 5 Star ဟိုတယ်တောင်မှ ဒေါ်လာ ၅ဝ/၆ဝ ဒီလောက် နဲ့ တည်းခိုလို့ရတယ်။ ဒီမှာကတော့ အခန်းတွေ ကလည်း နည်းတော့ ၁ဝ ခန်းလောက်ပဲ တည်းတဲ့သူရှိလည်း မီးတွေဘာတွေဆိုရင် အကုန်ထွန်းထားရတာတွေရှိတယ်။ စရိတ်တွေ ခံရတော့ အဲဒီစရိတ်တွေ ဝင်သွားတာပေါ့'' ဟု ပြောဆိုသည်။လက်ရှိ မော်လမြိုင်မြို့နယ်တွင် ပြည်တွင်း ပြည်ပခရီးသွားဧည့်သည်များက ငွေမိုးဟိုတယ် နှင့်Strand ဟိုတယ်တို့မှာ အများဆုံး တည်းခို ကြကြောင်း သိရသည်။
Credit: Myanmar Times
