မန္တလေးမြို့တော်အတွင်း သတ်မှတ်အခွန် နှုန်းထားများအတိုင်း ကောက်ခံနိုင်ရန် နေအိမ်အဆောက်အအုံများစာရင်း ပြန်လည်ကောက်ခံမည်ဖြစ်ကြောင်း မြို့တော်စည်ပင်သာယာရေး ကော်မတီထံမှ သိရသည်။
မန္တလေးမြို့တော်အတွင်း အိမ်များ ပြောင်းလဲဆောက်လုပ်ထားသော်လည်း အခွန်ပေးဆောင်ရာတွင်မူ ယခင်အတိုင်း ပေးဆောင်နေသည့်အတွက် အခွန်ငွေ ဆုံးရှုံးနေရကြောင်း၊ စည်ပင်သာယာရေး ကော်မတီအနေနှင့် အဆောက်အအုံအလိုက် သတ်မှတ်ထားသည့် အခွန်နှုန်းထားများ ကောက်ခံနိုင်ရေး စာရင်းပြန်ကောက်ရန် စီစဉ်ခြင်းဖြစ်ကြောင်း မြို့တော် စည်ပင်သာယာရေး ကော်မတီဝင် ဦးကျော်ဇောအောင်က ပြောကြားသည်။
“ကျွန်တော်တို့က အိမ်ခွန်နှုန်းထား တိုးကောက်မှာ မဟုတ်ဘူး။ ကျွန်တော်တို့က ခြောက်လတစ်ကြိမ်ကောက်တဲ့အခါမှာ အရင်က နံကပ်အိမ် ဆောက်ထားပေမယ့် သွားကောက်တဲ့အချိန်မှာ အာစီတိုက်ဖြစ်နေတယ်။ အဲ့ဒီလို ပြောင်းဆောက်တာကို အရင်က မကြပ်မတ်ခဲ့ဘူး။ ဒါကိုသတ်မှတ်နှုန်းထားအတိုင်း ရအောင်ကောက်ဖို့ လုပ်တာပါ”ဟု ၎င်းက ရှင်းပြသည်။
အဆောက်အအုံများ ပြောင်းလဲဆောက်လုပ်ရာတွင် စည်ပင်သာယာရေး ကော်မတီထံ ခွင့်ပြုချက်တင်ပြကာ ဆောက်လုပ်ရသော်လည်း စည်ပင်သာယာရေး ကော်မတီ အခွန်ဌာနအနေနှင့် ဝန်ထမ်းအားနည်းခြင်း၊ စည်းကြပ်မှု အားနည်းခြင်း၊ အိမ်အရောင်းအဝယ်ပြုလုပ်ရာတွင် အိမ်ရှင်အမည် မပြောင်းလဲခြင်း စသည်တို့ကို အခွန်ဌာနကမသိခြင်းတို့ကြောင့် အခွန်ငွေများ အလိုအလျောက် ဆုံးရှုံးနေကြောင်း မြို့တော်စည်ပင်သာယာရေး ကော်မတီထံမှ ထပ်မံသိရသည်။
စည်ပင်သာယာရေး ကော်မတီအနေနှင့် နံကပ်အိမ်၊ အာစီတိုက် စသည်ဖြင့် အမျိုးအစားခွဲခြားထားပြီး လမ်းကျဉ်း၊ လမ်းကျယ်၊ လမ်းမကြီး စသည်ဖြင့် နေရာအလိုက် အခွန်နှုန်းထားများ သတ်မှတ်ထားခြင်းဖြစ်သည်။
လက်ရှိတွင် မန္တလေးမြို့တော် စည်ပင်နယ်နိမိတ်အတွင်းရှိ မြို့နယ်ခြောက်ခုအတွင်း နံကပ်အိမ်မှ အာစီတိုက်များအဖြစ် ပြောင်းလဲဆောက်လုပ်ထားသော်လည်း စည်ပင်သို့ အခွန်ပေးဆောင်ရာတွင် နံကပ်အိမ်အတွက် သတ်မှတ်ထားသည့်နှုန်းအတိုင်း ပေးဆောင်နေသည့် အိမ်တစ်ထောင်ကျော်ရှိနေရာ နှစ်စဉ် ကျပ်သိန်းတစ်ထောင်ခန့် အခွန်ငွေဆုံးရှုံးနေကြောင်း ဦးကျော်ဇောအောင်က ထပ်လောင်းပြောကြားသည်။
Credit: The Voice
