စစ်တွေမြို့တွင် ဖော်ဆောင်မည့် ဒေါ်လာ ၁၀ သန်းတန်အိမ်ရာစီမံကိန်းရှိ မြေကွက်များကို ၂၀၁၈ ဇန်နဝါရီ ၆ ရက်၌ စတင် ရောင်းချမည်ဖြစ်ကြောင်း စီမံကိန်း စတင်မိတ်ဆက်သည့် iMyanmarHouse.com (အိုင်မြန်မာဟောက်စ်ဒေါ့ကွန်း) အုပ်ချုပ်မှု ဒါရိုက်တာ ဦးနေမင်းသူက ပြော သည်။
အဆိုပါစီမံကိန်းတွင် ရခိုင် ပြည်နယ်အစိုးရက ရှယ်ယာ ၃၀ ရာခိုင်နှုန်းပါဝင်ပြီး ကိုရီးယားနိုင်ငံ မှ BXT International ကုမ္ပဏီနှင့် အကျိုးတူပူးပေါင်းဆောင်ရွက် ခြင်းဖြစ်ကြောင်း ရခိုင်ပြည်နယ် အစိုးရလျှပ်စစ်၊ စက်မှုနှင့် လမ်းပန်းဆက်သွယ်ရေးဝန်ကြီး ဦး အောင်ကျော်ဇံက ပြောသည်။
‘‘ ရခိုင်အစိုးရက စိုက်ထုတ် တာ လုပ်ပိုင်ခွင့်ပေးတာရယ်၊ MICကျလာရင် အောင်မြင်အောင် လုပ်ဆောင်နိုင်ဖို့ လိုအပ်တဲ့ ဥပဒေ၊ နည်းဥပဒေကူညီပေးဖို့ပါ။ လိုအပ်တဲ့ ငွေကြေးအားလုံးက ကုမ္ပဏီ က စိုက်ထုတ်တာပါ ’’ဟု ၎င်းက ဆက်လက်ပြောသည်။
အဆိုပါစီမံကိန်းသည် ကစ္ဆပနဒီမြစ်ကမ်းကို မြေဖို့ပြီး မြေဧက၉၀ ကျော်တွင် အကောင်အထည် ဖော်သည့်အိမ်ရာစီမံကိန်းဖြစ်ပြီး ယခင်အစိုးရလက်ထက်တွင် ခွင့်ပြုခဲ့ကာ ၂၀၁၆ မတ်လတွင် ရင်းနှီးမြှုပ်နှံမှုကော်မရှင်ထံမှ ခွင့်ပြုမိန့်ရခဲ့သည်ဟု ၎င်းက ပြောသည်။
ယင်းစီမံကိန်းနှင့်ပတ်သက် ပြီး ပွင့်လင်းမြင်သာမှုမရှိသော ကြောင့် ယခင်အစိုးရလက်ထက် တွင် ဒေသခံအချို့က ကန့်ကွက် ခဲ့ကြောင်း ဝံလက်ဖောင်ဒေးရှင်း ဒါရိုက်တာ ဦးခိုင်ကောင်းစံက ပြောသည်။
‘‘အခုတော့ စစ်တွေလူထုက မြို့ပြဖွံ့ဖြိုးဖို့အတွက် လိုအပ် တယ်ဆိုပြီး မကန့်ကွက်ကြတော့ ဘူး။ ဒါပေမဲ့ ဒေသအတွက် အကျိုးအမြတ်ဘယ်လောက်ရမယ် ဆိုတာကို သိချင်နေကြတယ်’’ဟု ၎င်းက ဆက်လက်ပြောသည်။
အဆိုပါစီမံကိန်းသည် လက် ရှိတွင် မြေယာပြုပြင်မှု ၅၀ ရာခိုင် နှုန်းပြီးစီးနေပြီး ၂၀၁၈ ဒီဇင်ဘာတွင် လုပ်ငန်းများပြီးပြတ်မည်ဟုဆိုသည်။ စီမံကိန်းတွင် မြေဝယ်ယူလိုသူများသည် တစ်စတုရန်းပေကို ကျပ်သောင်းဂဏန်းက စတင် ဝယ်ယူနိုင်ကြောင်း ကုမ္ပဏီက ဆိုသည်။
ယင်းစီမံကိန်းသည် ရခိုင် ပြည်နယ်အတွင်း လက်ရှိအစိုးရ လက်ထက်တွင် ပထမဦးဆုံးအ ကောင်အထည်ဖော်မည့် အိမ်ရာစီမံကိန်းဖြစ်သည်။ စီမံကိန်းအ ကောင်အထည်ဖော်မည့် ကိုရီးယားကုမ္ပဏီသည် မြန်မာနိုင်ငံသားကုမ္ပဏီအဖြစ် မှတ်ပုံတင် ထားကြောင်း BXT International ကုမ္ပဏီဥက္ကဋ္ဌ မစ္စတာ စတီပင် ပက်ခ်က ပြောသည်။
အဆိုပါစီမံကိန်းကို Sittwe Waterfront မြို့သစ်စီမံကိန်းဟု ခေါ်ပြီး စီမံကိန်းတွင် စုပေါင်းအိမ် ရာ၊ အလယ်အလတ်ရှိ ကွန်ဒိုမီနီယံများ၊ ဂိုဒေါင်နှင့် ပို့ဆောင်ရေး ဆိုင်ရာဝန်ဆောင်မှုများ၊ ကုန်သွယ်မှုစီးပွားရေးဇုန်၊ ငါးစက်ရုံ များနှင့် အပန်းဖြေနေရာများပါဝင် မည်ဖြစ်သည်။
BXT ကုမ္ပဏီသည် ကိုရီး ယားနိုင်ငံ ဘူဆန်မြို့က အဝေးပြေးကားဝင်းကို တည်ထောင်ခဲ့ပြီး ဖိလစ်ပိုင်နိုင်ငံ စမုမြို့တွင် ကြယ်ငါးပွင့်ဟိုတယ်တစ်လုံးနှင့် အပန်း ဖြေနေရာတစ်ခုကိုလည်း တည်ဆောက်ခဲ့ဖူးသည်ဟု ယင်းကုမ္ပဏီဥက္ကဋ္ဌက ပြောသည်။
Credit: 7Daydaily
