စုပေါင်းပိုင် အဆောက်အအုံ(ကွန်ဒို)ဥပဒေပြဋ္ဌာန်းပြီး ၂ နှစ်ခန့်အကြာ ၂၀၁၇ ဒီဇင်ဘာ ၁၄ ရက်တွင် ဆောက်လုပ်ရေးဝန်ကြီးဌာနက ကွန်ဒိုနည်းဥပဒေကို အတည်ပြုကြောင်း မြို့ပြနှင့်အိမ်ရာဖွံ့ဖြိုးရေးဦးစီးဌာန အိမ်ရာဖွံ့ဖြိုးရေးဌာနခွဲမှ ဒုတိယညွှန်ကြားရေးမှူးတစ်ဦးက ပြောကြားသည်။
နိုင်ငံသားများ မြေယာပိုင်ဆိုင်ရောင်းဝယ်ခွင့်၊ တည်ဆောက်သူက ၂၅ ရာခိုင်နှုန်းအထိ ပိုင်ဆိုင်ခွင့်၊ နိုင်ငံခြားသားများ ၄၀ ရာခိုင်နှုန်းအထိ ဝယ်ယူ၊ အမွေဆက်ခံ၊ ရောင်းချပိုင်ခွင့်ပြုထား သည့် ကွန်ဒိုနည်းဥပဒေကို ဝန်ကြီးဌာနက အတည်ပြုခဲ့ပြီး နိုင်ငံတော်အဆင့် အတည်ပြုနိုင်ရန် တင်ပြထားကြောင်း ၎င်းက ပြောသည်။
ကွန်ဒိုနည်းဥပဒေအတည် ပြုခြင်းနှင့်ပတ်သက်၍ ဆောက် လုပ်ရေးလုပ်ငန်းရှင်များ၊ ပညာ ရှင်များနှင့်ဆောက်လုပ်ရေးဝန်ကြီးဌာနမှ တာဝန်ရှိသူများ ဒီဇင်ဘာ ၁၁ ရက်က ရန်ကုန်မြို့၌ တွေ့ဆုံဆွေးနွေးခဲ့သည်။
‘‘သူတို့က နည်းဥပဒေကို ချ ပြတယ်။ နည်းဥပဒေပြီးရင် အမိန့် ညွှန်ကြားချက်တွေအတွက် ကျွန် တော်တို့ဘက်ကလည်း လိုအပ်တာတွေ တင်ပြထားပါတယ်’’ဟု မြန်မာနိုင်ငံဆောက်လုပ်ရေးလုပ်ငန်းရှင်များအသင်း တွဲဖက်အတွင်းရေးမှူး ဒေါက်တာဉာဏ်သစ်လှိုင်က ပြောသည်။
ကွန်ဒိုနည်းဥပဒေပြဋ္ဌာန်းပြီး နောက် တိုက်ခန်း၊ အိမ်ရာအဆောက်အအုံဆိုင်ရာ ဥပဒေနှင့် Apartment Law တို့ကို ဆက်လက်ပြဋ္ဌာန်းရန် မြို့ပြနှင့် အိမ်ရာဖွံ့ဖြိုးရေးဦးစီးဌာနက စီစဉ်နေသည်။
ကွန်ဒိုနည်းဥပဒေပြဋ္ဌာန်းနိုင် ခြင်းသည် အရောင်းအဝယ်အေး နေသည့် ကွန်ဒို တိုက်ခန်းဈေးကွက်အတွက် အခွင့်အလမ်းကောင်းတစ်ခုဖြစ်ကြောင်း အိမ်ခြံ မြေအကျိုးဆောင်အချို့က ပြော သည်။
နိုင်ငံခြားသား ၄၀ ရာခိုင်နှုန်း ပိုင်ဆိုင်ခွင့်ပေးထားသည့် ကွန်ဒို ဥပဒေအတွက် အသေးစိတ်အ ချက်အလက်များပါဝင်သည့် နည်းဥပဒေပြဋ္ဌာန်းနိုင်ခြင်းက ဆောက်လုပ်ရေးလုပ်ငန်းများအတွက် အခွင့်အလမ်းကောင်းတစ်ခုဖြစ် ကြောင်း မြန်မာနိုင်ငံ လိုင်စင်ရကန်ထရိုက်တာလုပ်ငန်းရှင်များ အသင်းအထွေထွေအတွင်းရေး မှူး ဦးလားဇာက ပြောသည်။
‘‘ဈေးကွက်ပိုပြီး လှုပ်ရှားလာ မယ်။ ရောင်းဝယ်ငှားတွေ အခု အခြေအနေထက် အနည်းငယ်ပို လာမယ်’’ဟု iMyanmarHouse.com (အိုင်မြန်မာဟောက်စ်ဒေါ့ကွန်း) မှ မန်နေဂျင်းဒါရိုက်တာ ဦးနေမင်းသူက သူ၏အမြင်ကို ပြောသည်။
မြန်မာနိုင်ငံတွင် စီးပွားရေး လာရောက်လုပ်ကိုင်နေသည့် နိုင်ငံခြားသားအချို့က ကွန်ဒိုဝယ်ယူ လိုသော်လည်း နည်းဥပဒေမရှိသေးခြင်းကြောင့် စောင့်နေသည့် အခြေအနေတွင် ရှိကြောင်း ၎င်းက ဆိုသည်။
‘‘သေနေတဲ့ အိမ်ခြံမြေဈေး ကွက်အတွက်တော့ ဒီနည်းဥပဒေ က အသက်စဝင်ဖို့အတွက် တွန်းအားတစ်ခု ဖြစ်နိုင်တယ်’’ ဟု မဏ္ဍိုင်အိမ်ခြံမြေအကျိုးဆောင် ကုမ္ပဏီ မန်နေဂျင်းဒါရိုက်တာ ဦးသန်းဦးက ပြောသည်။
လက်ရှိ အိမ်ခြံမြေဈေးကွက် သည် အရောင်းနည်းပြီး ဈေးကျ နေကြောင်းနှင့် ကွန်ဒိုနည်းဥပဒေ ပြဋ္ဌာန်းပြီးလျှင် ကွန်ဒိုအရောင်း အဝယ်တက်လာသကဲ့သို့ သာမန်အိမ်ခြံမြေဈေးကွက်လည်း မြင့်တက်လာနိုင်ကြောင်း ဦးသန်းဦးက ပြောသည်။
ကွန်ဒိုနည်းဥပဒေပြဋ္ဌာန်းပြီး ကွန်ဒိုအရောင်းအဝယ်မြင့်တက် လာပါက လက်ရှိ ဈေးနှုန်းများဖြင့်သာ အရောင်းအဝယ်ဖြစ်နိုင်ကြောင်း ဦးနေမင်းသူက သူ၏ အမြင်ကို ပြောသည်။
လက်ရှိ ကွန်ဒိုတိုက်ခန်းဈေး သည် ၂၀၁၃ အိမ်ခြံမြေဈေးကွက် ကောင်းချိန်က ဈေးနှုန်းနှင့် နှိုင်း ယှဉ်ပါက တစ်ခန်းလျှင် ၂၀ ရာခိုင်နှုန်းမှ ၃၀ ရာခိုင်နှုန်းအထိ ဈေးကျဆင်းခဲ့သည်ဟု ၎င်းကပြောသည်။
၂၀၁၅ ဇန်နဝါရီ ၂၂ ရက်က ကျင်းပခဲ့သည့် ပြည်ထောင်စု လွှတ်တော် အစည်းအဝေးတွင် စု ပေါင်းအဆောက်အအုံဥပဒေ (ကွန်ဒိုဥပဒေ)အပေါ် အပိုဒ်လိုက် ဆွေးနွေးကာ ဥပဒေတစ်ခုလုံးကို အတည်ပြုလိုက်ပြီး ပြည်တွင်းရှိ ကွန်ဒိုအဆောက်အအုံတစ်ခု၏ အခန်းများအနက် ၄၀ ရာခိုင်နှုန်းကို နိုင်ငံခြားသားများအား ရောင်းချခွင့်ရှိသည်ဟူသော အချက်အပါအဝင် အတည်ပြုခဲ့သည်။
Credit: 7Daydaily
