မန္တလေးတိုင်းဒေသကြီးအတွင်း စစ်တပ်မှ သိမ်းဆည်းခြင်းကို ခံခဲ့ရသည့် တောင်ယာမြေများမှ မြေဧကပေါင်း သုံးသောင်းကျော်ကို ပြန်လည် စွန့်လွှတ်ပေးပြီးဖြစ်ကြောင်း မန္တလေးတိုင်းဒေသကြီး စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ဝန်ကြီးဒေါက်တာစိုးသန်းက ပြောကြားသည်။
ဒီဇင်ဘာလ ၁၂ ရက်နေ့က ကျင်းပပြုလုပ်ခဲ့သည့် ဒုတိယအကြိမ် မန္တလေးတိုင်းဒေသကြီးလွှတ်တော် အဋ္ဌမပုံမှန် အစည်းအဝေး (ဆဋ္ဌမနေ့)တွင် မြစ်သားမြို့နယ် မဲဆန္ဒနယ်မြေ အမှတ် (၁)၏ တိုင်းဒေသကြီး လွှတ်တော်ကိုယ်စားလှယ် ဦးမင်းအောင်က တပ်သိမ်းစွန့်လွှတ်မြေများအား သက်ဆိုင်သူ မူလပိုင်ရှင်များ လက်ဝယ်သို့ အမြန် ပြန်လည်ရောက်ရှိအောင် မည်သို့ ဆောင်ရွက်ပေးနိုင်မည်ကို သိရှိလိုကြောင်း မေးမြန်းရာတွင် ၎င်းက ပြန်လည် ဖြေကြားခဲ့ခြင်း ဖြစ်သည်။
“ပိုင်ဆိုင်ကြောင်း အထောက်အထားများ ခိုင်လုံအောင် ပြသနိုင်သူတွေကို အမြန်ဆုံး ပြန်လည် ရရှိရေး ဆောင်ရွက်လျက် ရှိပါတယ်။ အကြောင်း အမျိုးမျိုးကြောင့် သက်သေ အထောက်အထား ခိုင်လုံအောင် ပြသနိုင်ခြင်း မရှိပေမယ့် အများက ကြည်ညိုလေးစားပြီး ရပ်မိရပ်ဖများက ထောက်ခံတယ်ဆိုရင်လည်း ယာယီ လွှဲပြောင်းပေးပြီးတော့ ပိုင်ဆိုင်မှု ရှိမရှိကို စစ်ဆေးပါတယ်။ မှန်ကန်မှု မရှိဘူးဆိုရင် ပြန်လည် သိမ်းဆည်းသွားပြီး မှန်ကန်တယ်ဆိုရင် ပိုင်ဆိုင်ခွင့် အမြန်ဆုံးရအောင် လုပ်ထုံးလုပ်နည်းနှင့်အညီ ဆောင်ရွက်ပေးနေပါတယ်”ဟု ဒေါက်တာ စိုးသန်းကဆိုသည်။
ပြန်လည်စွန်လွှတ်သည့် မြေများနှင့် ပတ်သက်ပြီး ပိုင်ဆိုင်ခွင့်အပေါ် နှစ်ဦး သို့မဟုတ် နှစ်ဦးထက်ပိုသည့် လူများက ပိုင်ဆိုင်မှု အငြင်းပွားခြင်းများ ဖြစ်ပေါ်လာပါကလည်း ဥပဒေနှင့်အညီ ဖြေရှင်းစေပြီး တရားရုံးများ၏ အဆုံးအဖြတ်များအရ လယ်ယာမြေနှင့် အခြားမြေများ သိမ်းဆည်းခံရမှု ပြန်လည် စိစစ်ရေးကော်မတီက နိုင်ငံတော်အစိုးရက ချမှတ်ထားသည့် မူဝါဒများ၊ ညွှန်ကြားချက်များနှင့်အညီ ပိုင်ဆိုင်ခွင့် ချထားပေးခြင်းများလည်း လုပ်ဆောင်ပေးလျက်ရှိကြောင်း ၎င်းက ဆက်လက် ရှင်းပြသည်။
“သိမ်းဆည်းမြေတွေကို မူလပိုင်ရှင်မဟုတ်တဲ့ တောင်သူတွေကို သီးစား လုပ်ကိုင်ခွင့် ချထားပေးခဲ့တယ်။ နှစ်ပေါင်း များစွာ ကြာမြင့်လာတဲ့အခါမှာ သီးစားတောင်သူတွေက မြေကို မိမိတို့ပိုင်တယ်လို့ ယူဆလာကြတယ်။ မြေတွေကို ပိုင်ဆိုင်ကြောင်း သက်သေ အထောက်အထားအဖြစ် ပြနိုင်တဲ့ စာရွက်စာတမ်းတွေရှိတဲ့ ဓားမဦးချ တောင်သူတွေလည်း ရှိတယ်။ သီးစားတောင်သူတွေလည်း ရှိတယ်။ မြေယာတွေကို ပြန်လည် ပေးအပ်တဲ့အခါမှာ ဓားမဦးချတောင်သူနှင့် သီးစားတောင်သူတွေက ပြဿနာတွေ ဖြစ်လာတယ်”ဟု ပြင်ဦးလွင်မြို့နယ် မန္တလေး တိုင်းဒေသကြီး လွှတ်တော်ကိုယ်စားလှယ် ဦးမင်းအောင်က ပြောကြားသည်။
မန္တလေးတိုင်းဒေသကြီးအတွင်းတွင် တပ်မတော်က သိမ်းယူထားပြီး ပြန်လည် စွန်လွှတ်ရန် မြေဧကပေါင်း ၃၅၃၈၂.၇၀ ဧက၊ ပြန်လည် စိစစ်စွန့်လွှတ်ထားပြီး ဧက ၃၄၈၂၇ ဒသမ ၂၅၊ စွန့်လွှတ်ရန် ကျန်ရှိမှုမှာ ၅၆၄ ဒသမ ၈၅၂ ဧက ကျန်ရှိနေသေးကြောင်း ဒေါက်တာစိုးသန်းက ဆိုသည်။
“ကျွန်တော်တို့ရွာမှာတော့ သိမ်းဆည်းခံရတဲ့မြေ ၃၈၃.၆၄ ဧကရှိပါတယ်။ အဲ့ဒီအထဲက ခုပြန်ပေးပြီးတာက ၃၀ဝ ကျော်သွားပြီ။ ရွာပိုင် ၃၂ ဧကနှင့် ဖြတ်ဆက် ၁၃ ဧက ပေါင်းမယ်ဆိုရင် ၄၅ ဧက ပဲ ကျန်တာပါ။ အကုန်နီးပါး ပြန်ပေးထားပါတယ်။ ဖြတ်ဆက်ဆိုတာက ဟိုနားမှာ နည်းနည်း၊ ဒီနားမှာ နည်းနည်းပါ။ အဲ့လို မြေတွေပေါင်းရင် အားလုံး ၁၃ ဧက လောက် ရှိနေသေးတယ်။ ဒါက ဒီဒေသကို ရောက်လာတဲ့ အနာကြီး ရောဂါသည်တွေကို လုပ်ကိုင်စားသောက်ဖို့ တစ်မိသားစုကို တစ်ဧကစီ ပေးထားတာတွေကို သိမ်းသွားတဲ့ဟာတွေကို ပြန်ပေးတာပါ”ဟု ရေနံ့သာကျေးရွာ အုပ်ချုပ်ရေးမှူး ဦးဝင်းကျော်ကျော်က ပြောကြားသည်။
Credit: The Voice
