မြို့ပြနှင့် အိုးအိမ်လုပ်ငန်းဖွံ့ဖြိုးရေးလုပ်ငန်းများ ဖွံ့ဖြိုးရေးဆိုင်ရာ ဂျပန်—မြန်မာပူးပေါင်းအဖွဲ့ (JMHU)ဟူသည့် ဂျပန်အခြေစိုက် အဖွဲ့အစည်းတစ်ခုက တန်ဖိုးသင့်အိမ်ရာများဆောက်လျှင် နမူနာယူရန် အိမ်ရာပုံစံတစ်ခု တည် ဆောက်ပေးမည်ဟု ဒီဇင်ဘာ ၄ ရက်က မြန်မာနိုင်ငံဆောက်လုပ်ရေးလုပ်ငန်းရှင်များ အသင်းနှင့် နားလည်မှုစာချွန်လွှာ ရေးထိုးခဲ့ကြသည်။
ရန်ကုန်မြို့ မင်္ဂလာဒုံအမှတ် (၃) လမ်းမကြီး၊ နွယ်ခွေအနီးရှိ ပေ ၈ဝ၊ ပေ ၆ဝ ကျယ်သော မြေကွက်ပေါ်တွင် ဂျပန်နည်းပညာ၊ ဂျပန်ပစ္စည်းများဖြင့် နမူနာအိမ်ရာကိုဆောက်လုပ်ပေးမည်ဖြစ်ပြီး ဆောက်လုပ်ရေးလုပ်ငန်းကို လာမည့် ဇန်နဝါရီတွင် စတင်မည်ဖြစ်သည်။
''ကုန်ကျငွေတွေကို ဂျပန်နိုင်ငံက လှူဒါန်းငွေတွေနဲ့ ဆောင်ရွက်သွားမှာ ဖြစ်ပါတယ်။ အဆောက်အအုံနှစ်ခုကို ပုံစံနှစ်မျိုးနဲ့ ဆောက်လုပ်သွားမှာပါ ''ဟု မြန်မာနိုင်ငံ ဆောက်လုပ်ရေးလုပ်ငန်းရှင်များအသင်း ဒုတိယဥက္ကဠ ဦးရှိန်ဝင်းက ပြောသည်။
အဆောက်အအုံတည်ဆောက်ပြီးစီးပါက ယင်းနေရာတွင် ဂျပန်ဆောက်
လုပ်ရေးလုပ်ငန်းသုံး ပစ္စည်းများပြခန်း အဖြစ် ကနဦးထားရှိမည်ဖြစ်ပြီး သုံးနှစ်ပြည့်ပါက မြေနှင့်တကွ အဆောက်အအုံကိုပါ ဆောက်လုပ်ရေးလုပ်ငန်းရှင်များအသင်းအမည်ဖြင့် လွှဲပြောင်းပေးသွားမည်ဖြစ်ကြောင်း ဦးရှိန်ဝင်းက ဆိုသည်။
Credit: The Myanmar Times
