အမေရိကန်ပြည်ထောင်စု၊ နယူးယောက်မြို့၏ အရှေ့ဘက်တွင် အရှေ့ဟမ့်တန်အမည်ရှိ ဒေသရှိသည်။
အဆိုပါဒေသတွင် လွန်ခဲ့သော ၁၆ နှစ်၊ ၂၀၀၁ ခုနှစ်အတွင်း အမေရိကန်တစ်နိုင်ငံလုံးကို ကိုင်လှုပ်ခဲ့သည့် မှုခင်းကြီးတစ်ခု ဖြစ်ပွားခဲ့၏။ဇနီးဖြစ်သူနှင့် ချစ်ကြိုက်နေသူက အဆိုပါအမျိုးသမီး၏ ခင်ပွန်းကို ရက်စက်စွာရိုက်သတ်ပြီး ယင်းအမျိုးသမီးနှင့် ထိမ်းမြားမင်္ဂလာပင် ဆောင်နှင်းခဲ့၏။
နောက်ပိုင်းတွင် အက်ဖ်ဘီအိုင်၏ ဖော်ထုတ်ချက်အရ အဆိုပါလူသတ်မှုကြီး ပေါ်ပေါက်လာခဲ့ခြင်းဖြစ်ကာ တစ်နိုင်ငံလုံး ဂယက်ရိုက်သွားခဲ့ကာ ယင်းဖြစ်ရပ်မှန်ကို အခြေခံပြီး ရုပ်သံဇာတ်လမ်းပင် ရိုက်ကူးထုတ်လုပ်ခဲ့သေးသည်။
အသတ်ခံရသူမှာ ဘဏ်လုပ်ငန်းရှင်ဖြစ်သူ အာရ်- သီအိုဒို အေမွန်ဟု အမည်ရပြီး ၎င်း၏ဇနီးမှာ ဂျီနီရိုဆာဟု အမည်ရသည်။
ဂျီနီရိုဆာသည် ဒင်နီယယ် ပီလိုစီအမည်ရှိသူ အမျိုးသားတစ်ဦးနှင့် အိမ်ထောင်ရေးဖောက်ပြန်နေခဲ့၏။ယင်းနောက်ပိုင်း အေမွန်နှင့် ကွာရှင်းပြတ်စဲရန် ပြင်ဆင်နေချိန် ၂၀၀၁ ခုနှစ်၊ အောက်တိုဘာလ ၂၂ ရက်တွင် သီအိုဒို အေမွန် သတ်ဖြတ်ခံခဲ့ရခြင်းဖြစ်ပြီး တင်းပုတ်ကဲ့သို့ လက်နက်တစ်မျိုးဖြင့် မသေမချင်းရိုက်သတ်ခဲ့ခြင်း ဖြစ်သည်။
အေမွန်သတ်ဖြတ်ခြင်းခံရပြီးနောက် ၂ လကျော်ကြာသောအချိန် ၂၀၀၂ ခုနှစ်၊ ဇန်နဝါရီလ ၁၅ ရက်တွင် ဂျီနီရိုဆာသည် ဒင်နီယယ် ပီလိုစီနှင့် လက်ထပ်ခဲ့၏။
အေမွန်သေဆုံးချိန်တွင် ကွာရှင်းပြတ်စဲမှုအပြီးသတ်ပြုလုပ်ရသေးခြင်းမရှိရာ အေမွန်၏ နေအိမ်ကို ဂျီနီရိုဆာက ပိုင်ဆိုင်မှုရှိခဲ့ရာ နေအိမ်ကို ဈေးကွက်တင်ရောင်းချမှု ပြုလုပ်ခဲ့၏။
အေမွန်အသတ်ခံရသည့် အမှုမှာ နောင် ၂ နှစ်အကြာတွင် ပေါ်ပေါက်လာခဲ့ပြီး ၂၀၀၄ ခုနှစ်၊ ဒီဇင်ဘာလတွင် ဒင်နီယယ် ပီလိုစီကို လူသတ်မှုဖြင့် ထောင်ဒဏ် ၂၅ နှစ် ချမှတ်ခဲ့လေသည်။
ယင်းလူသတ်မှုကြီးတွင် ဂျီနီရိုဆာက ပူးပေါင်းကြံစည်ခဲ့ခြင်း ရှိ၊မရှိကိုမူ မသိရချေ။
အဆိုပါဖြစ်ရပ်ကို အခြေခံကာ Murder in the Hamptons အမည်ဖြင့် ရုပ်သံဇာတ်လမ်းအဖြစ် ရိုက်ကူးကာ ၂၀၀၅ ခုနှစ်၊ ဇူလိုင်လ ၁၁ ရက်တွင် ထုတ်လွှင့်ပြသခဲ့သည်။
ယခုအခါ အေမွန်အသတ်ခံခဲ့ရသည့် အဆိုပါနေအိမ်ကြီးကို ကန်ဒေါ်လာ ၈ သန်းကျော်ဖြင့် ရောင်းချရန် အရောင်းဈေးကွက် တင်လာသည်။
ခြံဝန်းအကျယ်မှာ ၂ ဒသမ ၂ ဧကရှိပြီး နေအိမ်အတွင်း အိပ်ခန်း ၆ ခန်း၊ ရေကူးကန်တစ်ခု ပါဝင်သည်။
ယင်းနေအိမ်ကို ယခင်ကလည်း ကြိမ်ဖန်များစွာ အရောင်းဈေးကွက်တင်ခဲ့ဖူးသော်လည်း နေအိမ်၏ နောက်ခံသမိုင်းကြောင်းကြောင့် ဝယ်လက်များမှာ ဝယ်ယူလိုခြင်းမရှိခဲ့ကြဟု ဆိုသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
