ရန်ကုန်တိုင်းအတွင်း ကျူးကျော်စာရင်းကောက်ယူပြီး စလစ်ထုတ်ပေးရာတွင် စီးပွားဖြစ် ကျူးကျော်သူများ ပါဝင်နေသဖြင့် ၂၀၁၈ နှစ်ဆန်းပိုင်းတွင် ကွင်းဆင်းစစ်ဆေးမည်ဟု ကျူးကျော် စာရင်းကောက်ယူရေး အဖွဲ့ဝင် တစ်ဦးက ပြောသည်။
အမှန်တကယ်ကျူးကျော် နေထိုင်သူများအား နေရာချထား ပေးရန် ထုတ်ပေးနေသည့် စလစ်ကတ်ပြားများကို ကျူးကျော်မ ဟုတ်ဘဲ အခြားစီးပွားဖြစ်ကျူး ကျော်သူများက လာရောက်ထုတ် ယူကြောင်း ၎င်းကဆိုသည်။
‘‘ဒီလကုန်မှာ ကျွန်မတို့ကို သင်တန်းပေးမယ်။ ပြီးရင် ကွင်း ဆင်းစစ်ဆေးတာတွေ လုပ်မယ် လို့ ပြောပါတယ်’’ဟု ကျူးကျော် စာရင်းကောက်ယူရေးအဖွဲ့ဝင် တစ်ဦးက ပြောသည်။
ကျူးကျော်များအား စာရင်း ကောက်ယူခြင်းလုပ်ငန်းကို ရန်ကုန်တိုင်းအစိုးရအဖွဲ့က ဦးဆောင်ပြီး အဖွဲ့ဝင် ၄၂ ဦးစီပါဝင်သည့် စာရင်းကောက်ယူရေးအဖွဲ့ ရှစ်ဖွဲ့က ၂၀၁၆ စက်တင်ဘာမှ ယခုနှစ် ဇူလိုင်အထိ ကောက်ယူခဲ့သည်။
ယခုအခါ ကျူးကျော်များနေ ထိုင်သည့် ရန်ကုန်တိုင်း မြို့နယ် ၂၇ ခုရှိ အိမ်ထောင်စုတစ်သိန်း ခြောက်သောင်းကျော်သို့ စလစ် များ ထုတ်ပေးထားကြောင်း ကျူး ကျော်စာရင်းကောက်ယူရေးအ ဖွဲ့၏ စာရင်းများတွင် ဖော်ပြထားသည်။
အမှန်တကယ် ကျူးကျော် မဟုတ်သူများက စလစ်ထုတ်ကြ သည့်အပြင် တစ်ဦးတည်းက နေ ရာနှစ်ခု၊သုံးခုတွင် စလစ်များလာ ရောက်ထုတ်ယူနေခြင်းများရှိ ကြောင်း ကျူးကျော်စာရင်းကောက်ယူရေးအဖွဲ့ဝင်အချို့ ပြောသည်။
‘‘အမှန်အကန်တွေလည်း ပါ တယ်။ အမှန်အကန်မဟုတ်တာ တွေလည်း ပါတာပေါ့။ တကယ် မဟုတ်တဲ့သူတွေလည်း ထွက် လာတာတွေ အများကြီးပေါ့။ နှစ် နေရာသုံးနေရာမှာ ပါနေတာတွေ ပေါ့။ ဒီနေရာမှာလျှောက်ပြီးတခြားနေရာမှာလည်း လာပြန် လျှောက်တာပေါ့’’ဟု ကျူးကျော် စာရင်းကောက်ယူရေးအဖွဲ့(၃)မှ စေတနာ့ဝန်ထမ်းဒေါ်နန္ဒာဝင်းက ပြောသည်။
ကျူးကျော်များကို လက်ဗွေ စနစ်ဖြင့် စာရင်းကောက်ယူထား ၍ မည်သူက စလစ်ကတ်တစ်ခုမ က ထုတ်ယူခဲ့သည်ကို သိရှိနိုင် ကြောင်း ၎င်းကပြောသည်။
ထို့အပြင် မြောက်ဒဂုံမြို့နယ် တွင် စလစ်ကတ်ပြားထုတ်ပေးပြီး နောက်ပိုင်း ဥပဒေ၊ နည်းဥပဒေ နှင့် မညီဘဲ ထုတ်ယူသူများကို အရေးယူမည်ဆိုသည့်အတွက် စလစ် ၂၃ စောင် လာရောက် အပ်နှံခဲ့ကြကြောင်း မြောက်ဒဂုံ မြို့နယ် တိုင်းလွှတ်တော်ကိုယ် စားလှယ်ဦးတင်ထွန်းနိုင်က ပြော သည်။
ယင်းကဲ့သို့ စီးပွားရေးအရ တရာမးဝင်ကျူးကျော်သူများကို ထိရောက်စွာအရေးယူမည်ဖြစ် ကြောင်း ၂၀၁၆ မေလ ၂၅ ရက်ကရန်ကုန်တိုင်းဒေသကြီး အစိုးရအ ဖွဲ့ရုံး၌ ပြုလုပ်သည့်ကျူးကျော်စာ ရင်းကောက်ယူရေးဆိုင်ရာ ရှင်း လင်းပွဲတွင် ရန်ကုန်တိုင်းဝန်ကြီးချုပ် ဦးဖြိုးမင်းသိန်းက ပြောကြားခဲ့သည်။
သို့သော် မည်ကဲ့သို့ အရေးယူဆောင်ရွက်မည်ကို တိုင်းအစိုးရ အဖွဲ့က မပြောကြားသေးပေ။
အမှန်တကယ် ကျူးကျော် သူများကို ၎င်းတို့၏ဘ၀ပြန်လည် ထူထောင်ရေး ကူညီမည်ဖြစ် ကြောင်း တိုင်းအစိုးရက ပြောထားသော်လည်း မည်ကဲ့သို့စီစဉ် ဆောင်ရွက်ပေးမည်ဖြစ်ကြောင်း မပြောကြားသေးပေ။
Credit: 7Daydaily
