ပြည်ထောင်စုလွှတ် တော်က လတ်တလောရပ်နားရန် ဆုံးဖြတ်ထားသည့် အရှုံးပေါ်နေ သော နိုင်ငံပိုင်စက်ရုံ ၂၈ ရုံနှင့် ပတ်သက်၍ ပဏာမအစီရင်ခံစာ ကို ပြီးခဲ့သည့် နိုဝင်ဘာလကုန် တွင် စီမံကိန်းနှင့် ဘဏ္ဍာရေးဝန် ကြီးဌာနသို့ တင်သွင်းခဲ့ပြီး ယခု ကွင်းဆင်းလေ့လာမှုမှ တွေ့ရှိ ချက်များနှင့် သဘောထားမှတ် ချက်များ ပါဝင်သည့် အပြီးသတ် အစီရင်ခံစာကို ဒီဇင်ဘာလကုန် တွင် တင်သွင်းရန် စီစဉ်ထား သည်။
‘‘ကျွန်တော်တို့ကတော့ လွှတ်တော်နားတဲ့ကာလလေးမှာ အမြန်ဆုံးဆင်းပြီးတော့ လေ့လာ သုံးသပ်ဖို့ရှိတယ်’’ဟု လတ် တလောဆိုင်းငံ့ထားသော နိုင်ငံ ပိုင်စက်ရုံများ ပြန်လည်လေ့လာ ဆန်းစစ်သုံးသပ်ရေးအဖွဲ့ (၁) ခေါင်းဆောင် ဇလွန်မြို့နယ်အ မတ် ဦးအောင်မင်းက ပြောသည်။
အဆိုပါ အရှုံးပေါ်နေသော စက်ရုံများကို လေ့လာရန် စီမံကိန်းနှင့် ဘဏ္ဍာရေးဝန်ကြီးဌာနက လွှတ်တော်ကိုယ်စားလှယ်များ၊ ဌာနဆိုင်ရာပုဂ္ဂိုလ်များ၊ ပညာရှင် များ များ ပါဝင်သည့် အဖွဲ့နှစ်ဖွဲ့ကို ဖွဲ့စည်းထားပြီး ယင်းအဖွဲ့နှစ်ခု ပူးပေါင်း၍ ကွင်းဆင်းလေ့လာ မည်ဖြစ်ကြောင်း အဖွဲ့(၂)မှ အဖွဲ့ ဝင် ဆိပ်ကြီးခနောင်တိုအမတ် ဦးတင်ထွန်းနိုင်က ရှင်းပြသည်။
‘‘အဖွဲ့ရဲ့ အပြီးသတ်အစီရင် ခံစာမှာ သဘောထားမှတ်ချက် တွေပါမယ်။ အဲဒါတွေကို အစိုးရ အဖွဲ့ကစဉ်းစားမယ်၊ ချင့်ချိန်မယ်၊ လွှတ်တော်ကလည်း စဉ်း စားမယ်။ အကြံပြုချက်တွေကို မူတည်ပြီးမှသာလျှင် ဆုံးဖြတ် ချက်တစ်ရပ် အဖြူ၊ အမည်းထွက်လာမှာပေါ့’’ဟု ၎င်းက ဆိုသည်။
အရှုံးပေါ်နေသည့် နိုင်ငံပိုင် စက်ရုံ ၂၈ ရုံတွင် စက်မှုဝန်ကြီး ဌာနအောက်ရှိ စက်ရုံ ၂၄ ရုံ၊ လျှပ်စစ်နှင့် စွမ်းအင်ဝန်ကြီးဌာန အောက်ရှိ စက်ရုံလေးရုံတို့ ပါဝင် သည်။
‘‘ဒီစက်ရုံတွေက အခုအရှုံး ပေါ်နေတယ်။ ဒီစက်ရုံတွေကို ဘယ်လိုပြန်ပြီးတော့ လုပ်ဆောင် လို့ရှိရင် တိုင်းပြည်အတွက် အကျိုးရှိမလဲဆိုတာကိုပဲ ဦးတည်တာ။ ကိုယ်တို့တာဝန်ကလည်း အဲဒါပဲ’’ ဟု ဦးတင်ထွန်းနိုင်က ရှင်းပြ သည်။
စီးပွားရေးအရ တွက်ခြေ ကိုက်မှုမရှိ၍ လတ်တလော ရပ် နားသင့်သည့် နိုင်ငံပိုင်စက်ရုံ ၄၄ ရုံစာရင်းကို ပြည်ထောင်စုလွှတ်တော်သို့ တင်သွင်းခဲ့ပြီး ၁၆ ရုံကို ဆက်လက်လည်ပတ်ခွင့်ပြုခဲ့ကာ ကျန် ၂၈ ရုံကို လတ်တလော ဆိုင်းငံ့ထားရန် လွှတ်တော်က ဆုံးဖြတ်ခဲ့သည်။
အပြီးသတ် အစီရင်ခံစာ ထွက်ရှိလာချိန်တွင် ပြည်သူ့လွှတ်တော်ဥက္ကဋ္ဌနှင့် အမျိုးသားလွှတ် တော်ဥက္ကဋ္ဌတို့ထံ ပေးပို့မည်ဖြစ် သည်။
အပြီးသတ်အစီရင်ခံစာအ ပေါ် စီမံကိန်းနှင့် ဘဏ္ဍာရေးဝန် ကြီးဌာနက သုံးသပ်ကာ အရှုံးပေါ် နေသော စက်ရုံ ၂၈ ရုံကို လုံးဝ ရပ်နားရန် (သို့မဟုတ်) ပုဂ္ဂလိက နှင့် ပူးပေါင်းကာ ဆက်လက်လည်ပတ်ရန် စသည်ဖြင့် အဖြေ ထွက်ပေါ်လာနိုင်ကြောင်း ဆိပ် ကြီးခနောင်တိုအမတ် ဦးတင်ထွန်းနိုင်က ပြောသည်။
Credit: 7Daydaily
