သြဂုတ် ၂၅ ရက်တွင် ဖြစ်ပွားခဲ့သော မောင်တောဒေသ အကြမ်းဖက်မှုဖြစ် စဉ်နောက်ပိုင်း ဘင်္ဂလားဒေ့ရ်ှနိုင်ငံ သို့ ထွက်ခွာရောက်ရှိနေကြသော ဘင်္ဂါလီ၊ ဟိန္ဒူဘာသာဝင်များအား ပြန်လည်လက်ခံရာတွင် မောင်တော မြို့နယ် တောင်ပြိုလက်ဝဲ ပြန်လည်လက်ခံရေးစခန်းအဖြစ် အသုံးပြုနိုင်ရန် တောင်ပြိုနယ်မြေရဲစခန်းဝင်းအတွင်း အဆောက်အအုံများ ပြုပြင်ခြင်းနှင့် အသစ်ထပ်မံတည်ဆောက်ခြင်းလုပ်ငန်းများကိုUEHRDကော်မတီ၏ ဆောက်လုပ်ရေးနှင့် အခြေခံအဆောက်အအုံ တည်ဆောက်ရေးလုပ်ငန်း အဖွဲ့က ဆောင်ရွက် လျက်ရှိကြောင်း သိရသည်။
ထိုသို့ ဆောင်ရွက်ရာတွင် အလျား ပေ ၁၂ဝ ၊ အနံ ပေ ၃ဝ ရှိသော ခြောက်ခန်း တွဲ အဆောက်အအုံ သုံးလုံး၊ အလျား ပေ ၆ဝ ၊ အနံ ၁၈ ပေရှိ သစ်သားဖြင့် ဆောက်လုပ်ထားသော ဝန်ထမ်းအိပ်ဆောင် တစ်လုံး နှင့် အလျား ပေ ၄ဝ ၊ အနံ ပေ ၂ဝ ရှိသော ဝန်ထမ်းအိပ်ဆောင် တစ်လုံး၊ အလျားပေ ၂ဝ ၊ အနံ ပေ ၂ဝ ရှိသော အုတ်တိုက် ဝန်ထမ်းအိပ်ဆောင် တစ်လုံးတို့ကို လတ်တလော ပြုပြင်ဆောင်ရွက်လျက်ရှိပြီး အလျားပေ ၄ဝ ၊ အနံ ပေ ၃ဝ နှင့် အမြင့် ၁ဝ ပေရှိ သစ်သားရှင်းလင်းဆောင်တစ်လုံး၊ ရေချိုးခန်း လေးခန်းနှင့် အိမ်သာ လေးခန်းပါ အလျား ၄၈ ပေ၊ အနံ ခြောက်ပေရှိသော ရှစ်ခန်းတွဲအဆောင် လေးလုံး၊ အလျား ၁၅ ပေ၊ အနံ ရှစ်ပေ၊ အမြင့် လေးပေရှိ Ground Tankတစ်လုံး၊ ရေ ၁၂ဝဝ ဂါလန်ဆံ့ Overhead Tank နှစ်လုံး၊ အလျား ပေ ၆ဝ၊ အနံ ပေ ၃ဝ၊ အမြင့် ၁၁ ပေရှိသော ထမင်းချက်၊ ထမင်းစားဆောင် တစ်လုံး၊ စက်ရေတွင်း နှစ်တွင်းနှင့် အဆောက်အအုံများရှေ့ရှိ လမ်း များ ကျောက်ခင်းခြင်းကို အသစ်ထပ်မံ ဆောင်ရွက်သွားမည်ဖြစ်ကြောင်း သိရသည်။
ထို့ပြင် ပြန်လည်လက်ခံရေးလုပ်ငန်းစဉ်များတွင် တာဝန်ထမ်းဆောင်ကြမည့် ဝန်ထမ်းများရုံးခန်းအဖြစ် အသုံးပြုရန်Modular House ၃၁ လုံး၊ ဝန်ထမ်း များ နေထိုင်နိုင်ရန် Modular House ရှစ်လုံးနှင့် တစ်ဖက်နိုင်ငံမှ ပြန်လည် ဝင်ရောက် လာမည့်သူများအား ခေတ္တထားရှိရန် Modular House ၄၁ လုံး စုစုပေါင်းModular House အလုံး ၈ဝ အား ဆောက်လုပ်ရေးဝန်ကြီးဌာနက ဆောက်လုပ်ပေးသွားမည် ဖြစ်ကြောင်း သိရသည်။
လက်ရှိတွင် ဆောက်လုပ်ရေးနှင့် အခြေခံအဆောက်အအုံ တည်ဆောက်ရေး လုပ်ငန်းအဖွဲ့က အလျား ပေ ၁၂ဝ၊ အနံ ပေ ၃ဝ ရှိ ဘားတိုက် နှစ်လုံးပြုပြင်ခြင်းနှင့် ဆောက်လုပ်ရေးဝန်ကြီးဌာနက Modular House များ တည်ဆောက်နိုင်ရေးအတွက် ပစ္စည်းစုပုံခြင်း၊ မြေကြီးလုပ်ငန်း များ စတင်ပြုလုပ်လျက်ရှိကြောင်း သိရသည်။
Credit: MOI Webportal Myanmar
