မန္တလေးမြို့ အိမ်ခြံမြေအရောင်းအဝယ်ဈေးကွက်ဟာလည်ပတ်မှု နှေးကွေးနေပေမဲ့ ကျပ်သိန်း ၁,ဝဝဝ နဲ့ကျပ်သိန်း ၃,ဝဝဝ အကြား တန်ကြေးရှိ အကွက်အကွင်းကောင်း အိမ်ခြံမြေတွေကတော့ တန်ဖိုးကျဆင်း ပြောင်းလဲနိုင်ခြေနည်းပါးကြောင်း အိမ်ခြံမြေအကျိုးဆောင်တချို့က သုံးသပ်ပါတယ်။
အိမ်ခြံမြေဈေးကွက်ဟာ အရောင်းအဝယ်ထက်အငှားဈေးကွက်ကိုသာအားထား အလုပ်လုပ်နေကြရဆဲဖြစ်ပါတယ်။
အိမ်ခြံမြေအကွက်အကွင်း သိပ်မကောင်းတဲ့ကျပ်သိန်း ၁,ဝဝဝ အောက်တန်ကြေးရှိတဲ့ အိမ်ခြံမြေတချို့ကတော့ ဈေးနှုန်းချပြီး ဈေးခေါ်လာတာ၊ ညှိနှိုင်းရောင်းချလာတာမျိုး တွေ့ရပါတယ်။ ဒါပေမဲ့ လူနေသိပ်သည်းပြီး နေရာကောင်းမွန်တဲ့ အိမ်ခြံမြေတွေကတော့ ဈေးနှုန်းထူးထူးခြားခြားပြောင်းလဲမှုမရှိဘဲ တည်ငြိမ်တဲ့ဈေးကွက်အဖြစ် ရပ်တည်နေပါတယ်။
အထူးသဖြင့် ဈေးနှုန်းတည်ငြိမ်တဲ့ အိမ်ခြံမြေအကွက်အကွင်းတွေအဖြစ် သိပ္ပံလမ်းရဲ့ တောင်ဘက်ခြမ်းနဲ့ ၇၃ လမ်းရဲ့ အရှေ့ဘက်ခြမ်းတစ်လျောက်က ဧရိယာတွေနဲ့ သိပ္ပံလမ်းနဲ့ ၃၅ လမ်းကြား ဧရိယာတွေကို အများဆုံး တွေ့ရပါတယ်။
အိမ်ခြံမြေတန်ဖိုး ကျပ်သိန်း ၃,ဝဝဝ ဝန်းကျင်လို့ဆိုရာမှာ အခြေကျပြီးဖြစ်တဲ့ မြို့သစ်ရဲ့ လမ်းအတွင်းပိုင်းတွေကိုသာ ဆိုလိုတာဖြစ်ပြီး အဓိကကျတဲ့ မိန်းလမ်းမတွေပေါ်တင်တဲ့ အိမ်ခြံမြေတွေကိုတော့ ဒီဈေးနှုန်းနဲ့ မရနိုင်ပါဘူး။ လူနေသိပ်သည်းမှု နည်းပါးပြီး အရှေ့ဖျားကျတဲ့ မြို့ကွက်သစ် ဧရိယာတွေမှာတော့ လမ်းမတန်းပေါ်တင်တဲ့ အိမ်ခြံမြေတွေကို ကျပ်သိန်း ၁,ဝဝဝ ဝန်းကျင်ဈေးနှုန်းနဲ့ ရနိုင်ပါတယ်။
လက်ရှိဈေးနှုန်းတွေအရ ကျပ်သိန်း ၁,ဝဝဝ နဲ့ကျပ်သိန်း ၃,ဝဝဝ ဝန်းကျင်ဈေးနှုန်းတွေကို အလယ်အလတ်ဈေးနှုန်းလို့ သတ်မှတ်ရမှာဖြစ်ပြီး ကျပ်သိန်း ၁,ဝဝဝ အောက်တွေကိုတော့ အနိမ့်ဈေးနှုန်းတွေလို့ သတ်မှတ်ရမယ့်အခြေအနေ ဖြစ်ပါတယ်။
ကျပ်သိန်း ၅ဝဝ ဝန်းကျင်သုံးပြီး တည်နေရာ အသင့်အတင့်ရှိတဲ့ အိမ်ခြံမြေတွေကို ရှာလို့ရနိုင်ပေမဲ့ ပုံမှန်ပေ ၄ဝ၊ ပေ ၆ဝ အကျယ်ရှိတဲ့ မြေကွက်ပြည့်မဟုတ်ဘဲ မြေကွက်ကျဉ်းဖြစ်ပြီး နေရာကလည်း အခြေကျပြီးဖြစ်တဲ့ မြို့သစ်နဲ့နည်းနည်း အလှမ်းဝေးပါလိမ့်မယ်။
ကျပ်သိန်း ၁,ဝဝဝ နဲ့ ၃,ဝဝဝ ကြား အိမ်ခြံမြေဈေးကွက် တည်ငြိမ်ရခြင်းအကြောင်းရင်းက မြို့တွင်းနဲ့ဖြစ်ဖြစ်၊ မြို့အရှေ့ဖျားနဲ့ဖြစ်ဖြစ် ဆက်သွယ် သွားလာရတာ လွယ်ကူပြီး လူနေသိပ်သည်းမှုရှိတာ၊ အဆောက်အအုံကောင်းတွေ အခြေချထားတာစတဲ့ အဓိကအချက်တွေကြောင့်ဖြစ်ပြီး ဈေးနှုန်းတန်းအရလည်း မနည်းမများတဲ့ကြားမှာ ရှိနေတာကြောင့် ဖြစ်ပါတယ်။ ဧရိယာအများစုဟာ လူနေသန့်တာကြောင့် လူနေထိုင်ဖို့အတွက် မျက်စိကျစရာ ဈေးကွက်တစ်ခု ဖြစ်နေပါတယ်။
စီးပွားရေးအခွင့်အလမ်းအရလည်း သိပ္ပံလမ်းတောင်ဘက်ခြမ်းက အိမ်ခြံမြေဧရိယာတွေဟာ ဈေးကွက်ဝေစုကို မြို့တွင်းနဲ့ မျှယူလာပြီလို့တောင် ပြောလို့ရပါတယ်။
ဥပမာ- မြို့သစ်မှာ အခြေတည်လာတဲ့ မင်္ဂလာမန္တလေးစီမံကိန်းလို၊ ၆၂ လမ်းပေါ်မှာ အခြေကျနေတဲ့ စီးပွားရေးလုပ်ငန်းတွေလို အခြေအနေတွေကိုကြည့်ရင် သိနိုင်ပါတယ်။
မြို့တွင်းဧရိယာလို မြင့်မားတဲ့ ဈေးနှုန်းတန်းတွေနဲ့မဟုတ်ဘဲ ကွဲပြားတဲ့အသွင်နဲ့ ဖွံ့ဖြိုးမှုကောင်းနေတာကြောင့် အထက်ကပြောခဲ့တဲ့ ကျပ်သိန်း ၁,ဝဝဝ နဲ့ ၃,ဝဝဝ ကြား ဧရိယာတွေဟာ အိမ်ခြံမြေဈေးကွက် ထူးထူးခြားခြားမသွက်လက်ဘဲ ဈေးနှုန်းအရ တည်တည်ငြိမ်ငြိမ် ရပ်တည်နေဦးမယ်လို့ အကျိုးဆောင် အများစုက သုံးသပ်ကြပါတယ်။
Credit: Myanmar Times
