အလုံမြို့နယ်ရှိ သမ္မတ အိမ်တော်ဝင်းအတွင်း ကျူးကျော် နေထိုင်သူအစိုးရ၀န်ထမ်းဟောင်း များကို ရွှေ့ပြောင်းနေရာချမည် ဟု ရန်ကုန်တိုင်း လျှပ်စစ်၊ စက်မှု လက်မှုနှင့် လမ်းပန်းဆက်သွယ် ရေးဝန်ကြီး ဒေါ်နီလာကျော်က ပြောသည်။
နိုဝင်ဘာ ၂၀ ရက်ကပြုလုပ် သည့် ရန်ကုန်တိုင်းလွှတ်တော်၌ အလုံမြို့နယ် တိုင်းဒေသကြီး လွှတ်တော်ကိုယ်စားလှယ်ဒေါ် နွယ်နွယ်ဝင်းက ကရင်ခြံရပ်ကွက် အတွင်း သမ္မတအိမ်တော်ဝင်းရှိ အန္တရာယ်ရှိ အဆောက်အအုံ ခုနစ်လုံးသည် မည်သည့်ဌာနက ပိုင်ဆိုင်သည်နှင့် မည်သို့စီမံ ဆောင်ရွက်မည်ကို မေးမြန်းရာ ၀န်ကြီးက အထက်ပါအတိုင်း ပြန် လည်ဖြေကြားသည်။
ယင်းအိမ်ရာဝင်းအတွင်းနေ ထိုင်သူများသည် ယခင်သမ္မတရုံး ၀န်ထမ်းဟောင်းမိသားစုများ၊ ၂၀၀၆ တွင် နေပြည်တော်ရှိအစိုး ရရုံးသို့ ပြောင်းရွှေ့ချိန်၌လိုက်ပါ ပြောင်းရွှေ့တာဝန်ထမ်းဆောင် ခြင်းမရှိဘဲ ၀န်ထမ်းအဖြစ်မှနုတ် ထွက်သူများအပါအ၀င် အိမ်ထောင်စု ၃၄ စုဖြစ်ကြောင်း ဒေါ် နီလာကျော်က ပြောသည်။
‘‘ဒီမိသားစုတွေကို ဖယ်ရှား ရှင်းလင်းရွှေ့ပြောင်းနေရာချထား နိုင်ရေးအတွက် ရန်ကုန်တိုင်းအ စိုးရအဖွဲ့နဲ့ မြန်မာ့မီးရထားတို့က ဆောင်ရွက်ပေးသွားမယ်။ အဲဒီ မှာနေတဲ့သူတွေက တရားမ၀င် ကျူးကျော်နေထိုင်သူတွေဖြစ်တာ ကိုစစ်ဆေးတွေ့ရှိရပါတယ်’’ ဟု ၎င်းကဆိုသည်။
အဆိုပါသမ္မတအိမ်တော် ၀င်းနေရာသည် ၃ ဒသမ ၉၇၅ ဧကကျယ်ဝန်းကာ ယခင်က နိုင်ငံ တော်သမ္မတရုံးပိုင်မြေနေရာဖြစ် ပြီး ၂၀၁၂-၁၃ ဘဏ္ဍာနှစ်တွင် မြန်မာ့မီးရထားသို့ ပြန်လည်လွှဲ ပြောင်းပေးခဲ့သည်။
ယင်းအဆောက်အအုံများ ဆောက်လုပ်ခဲ့သည်မှာ နှစ် ၃၀ ကျော်ကြာမြင့်သဖြင့် အမိုးအကာ များပျက်စီးခြင်း၊ အချို့အဆောက်အအုံတို့ ပြိုကျပျက်စီး ခြင်းကြောင့် နေထိုင်သူများ အသက်အန္တရာယ် စိုးရိမ်ရကြောင်း ဒေါ်နွယ်နွယ်ဝင်းက ပြောသည်။
ထို့ပြင် ယခုနှစ်ဇူလိုင်က ရန် ကုန်တိုင်းဒေသကြီးအစိုးရအဖွဲ့ က အလုံမြို့နယ်အတွင်းကျူး ကျော်နေထိုင်သူများ စာရင်း ကောက်ယူခဲ့ရာ ယင်းအိမ်တော် ၀င်းအတွင်း နေထိုင်သူများကို စာရင်းကောက်ယူခဲ့ပြီး ကျူးကျော်အသိအမှတ်ပြုစမတ်ကတ် ပြားများကို ထုတ်ပေးခဲ့ကြောင်း ၀န်ကြီးကဆိုသည်။
Credit: 7Daydaily
