နှစ် ၁ဝဝ ကျော်သက်တမ်းရှိ ရန်ကုန်မြို့က ဝန်ကြီးများရုံးကို ပြန်လည်ထိန်းသိမ်းရန် အဆောက်အအုံ ထိန်းသိမ်းခြင်း လုပ်ငန်းများ လုပ်ကိုင်သော စင်ကာပူအခြေစိုက် Pomeroy Studio ကုမ္ပဏီက ဆောင်ရွက်မည်ဖြစ်ကြောင်း ထိုကုမ္ပဏီက နိုဝင်ဘာ ၁၄ ရက်တွင် သတင်းထုတ်ပြန်သည်။
အတွင်းဝန်ရုံးဟုလည်း ရှေးကခေါ်ခဲ့သော ဝန်ကြီးများရုံးကို ယဉ်ကျေးမှုဆိုင်ရာ နေရာဌာနတစ်ခုအဖြစ် ပြောင်းလဲမည်ဖြစ်ပြီး ပြတိုက်များ၊ အနုပညာပြခန်းများ၊ ယဉ်ကျေးမှုဆိုင်ရာ အခမ်းအနားကျင်းပရန်နေရာများ၊ အနုပညာနှင့် ဖန်တီးမှုဆိုင်ရာလုပ်ငန်းများအတွက် ရုံးခန်းများ၊ နားနေဆောင်များအဖြစ် ဖော်ဆောင်မည်ဟု ၄င်းတို့က ထုတ်ပြန်ချက်တွင် ဆိုထားသည်။
အမွေအနှစ်ဆိုင်ရာ နေရာများ၊ ဥယျာဉ်ပန်းခြံများ၊ စားသောက်ရန် နေရာများလည်း ပါဝင်မည်ဟု ၄င်းတို့က ပြောထားသည်။
ဗိုလ်ချုပ်အောင်ဆန်းအပါအဝင် အာဇာနည်ကိုးဦး လုပ်ကြံခံခဲ့ရသောနေရာဖြစ်သဖြင့် အဆိုပါအဆောက်အအုံသည် သမိုင်းတန်ဖိုးကြီးသောကြောင့် ယခင်က အခြားနည်းဖြင့် အသုံးပြုရန် စီစဉ်ခဲ့သည်များကို အများပြည်သူက ပြင်းထန်စွာ ကန့်ကွက်ခဲ့ကြသဖြင့် အထမမြောက်ခဲ့ပေ။
အကျယ်အဝန်း ၁၆ ဧကခန့်ရှိသော အဆိုပါသမိုင်းဝင် အဆောက်အအုံ ပရဝဏ်အတွင်းတွင် လွတ်လပ်ရေးရအပြီး ပထမဆုံး နိုင်ငံ့အလံလွှင့်ထူခဲ့သော အလံတိုင်၊ ဗိုလ်ချုပ်အောင်ဆန်းနှင့် အာဇာနည်ကိုးဦးအတွက် ပထမဆုံး စိုက်ထူခဲ့သော အထိမ်းအမှတ်ကျောက်စာများလည်းရှိသည်။
ပထမဆုံး မြန်မာ့လွှတ်တော် အစည်းအဝေးများကို ၁၉၃၆ ခုနှစ်မှ ၁၉၆၂ ခုနှစ်အထိ အဆိုပါ ပရဝဏ်အတွင်းတွင် ကျင်းပပြုလုပ်ခဲ့ပြီး နိုင်ငံအတွက် အစောပိုင်း ဖွဲ့စည်းပုံအခြေခံဥပဒေများကို ထိုလွှတ်တော်ရုံးတွင် မူကြမ်းရေးဆွဲခဲ့သည်။
ထိုအဆောက်အအုံကို အဂင်္လိပ် ဗိသုကာပညာရှင် ဟင်နရီဟွိုင်ဖောက်စ်က ဒီဇိုင်းရေးဆွဲပြီး ၁၈၉ဝ ပြည့်နှစ်၊ ဇန်နဝါရီတွင် စတင်ဆောက်လုပ်ခဲ့သည်။
အသုံးပြုမှု တစ်စတစ်စနည်းပါးခဲ့သော ထိုဝန်ကြီးများရုံးအဆောက်အအုံကို ရှေးမူမပျက် ပြန်လည်ပြင်ဆင်မှုများ ဆောင်ရွက်ရန် အနော်မာအနုပညာအဖွဲ့ ကုမ္ပဏီကို မြန်မာနိုင်ငံ ရင်းနှီးမြှုပ်နှံမှု ကော်မရှင်က ၂ဝ၁၄ ခုနှစ်တွင် လုပ်ကိုင်ခွင့်ပေးခဲ့ပြီး အနော်မာကုမ္ပဏီက အဆောက်အအုံ၏ တစ်စိတ်တစ်ပိုင်းကို ပြတိုက်နှင့် ယဉ်ကျေးမှုစင်တာအဖြစ် ပြန်လည်အသုံးပြုရန် ကော်မတီကို အဆိုပြုထားကြောင်း ရန်ကုန်မြို့ပြအမွေအနှစ် ထိန်းသိမ်းစောင့်ရှောက်ရေးအဖွဲ့၏ ဒါရိုက်တာ ဒေါ်မိုးမိုးလွင်က ပြောကြားဖူးသည်။
ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်းကလည်း ရန်ကုန်မြို့ရှိ ရှေးဟောင်းအမွေအနှစ် အဆောက်အအုံများကို နောက်ပိုင်းတွင် ရှေးမူမပျက် ပြန်လည်ပြင်ဆင်မွမ်းမံကာ အများပြည်သူ ဝင်ထွက်သွားလာ လေ့လာနိုင်စေရန် ဆောင်ရွက်မည်ဖြစ်ကာ အဆိုပါဝန်ကြီးများရုံး ပြင်ဆင်မှုများကိုလည်း တိုင်းဒေသကြီးအစိုးရက တိုက်ရိုက်ကြီးကြပ်ကွပ်ကဲမည်ဖြစ်ကြောင်း ယခုနှစ်ဆန်းပိုင်းက ပြောကြားထားသည်။
Credit: Myanmar Times
