နိုင်ငံတော် ဆောက်လုပ်ရေးလုပ်ငန်းများ တွင် အရည်အသွေးပြည့်မီစေရေး နှင့် ပြည်သူ့ဘဏ္ဍာငွေအလဟဿ မဖြစ်စေရေး လွတ်လပ်သည့် တတိယအဖွဲ့အစည်း (Third Party)ထားရှိ၍ စိစစ်ပေးရန် အဆိုကို ပြည်သူ့လွှတ်တော်က နိုဝင်ဘာ ၁၄ ရက်တွင် အတည်ပြုသည်။
နိုင်ငံတော် တည်ဆောက်ရေးလုပ်ငန်းများကို ဝန်ကြီးဌာန များက ကိုယ်တိုင်ဘတ်ဂျက်ရေး ဆွဲခြင်း၊ ကိုယ်တိုင်စိစစ်ခြင်း၊ ကိုယ်တိုင်တည်ဆောက်ခြင်း၊ ကိုယ်တိုင်အရည်အသွေးစစ်ဆေး ခြင်းတို့လုပ်ဆောင်နေသည့် ကာ လပတ်လုံး စံချိန်စံညွှန်းပြည့်မီ သည့်တည်ဆောက်ရေးလုပ်ငန်း များ ဖြစ်လာနိုင်မည် မဟုတ်ကြောင်းနှင့် ပြည်သူ့ဘဏ္ဍာငွေ များ အဟောသိကံဖြစ်မှုများကို ကာကွယ်တားဆီးနိုင်မည်မဟုတ်ကြောင်း ဂန့်ဂေါမြို့နယ် ပြည်သူ့ လွှတ်တော်ကိုယ်စားလှယ် ဒေါ် ယဉ်မင်းလှိုင်က အဆိုစတင်တင် သွင်းစဉ်က ပြောကြားသည်။
အထက်ပါအဆိုကို ပါဝင် ဆွေးနွေးသည့် ပြည်သူ့လွှတ်တော်ကိုယ်စားလှယ် ၁၅ ဦးစလုံးက ထောက်ခံဆွေးနွေးခဲ့ပြီး ဆောက်လုပ်ရေးဝန်ကြီးဌာန ဒုတိယဝန် ကြီး ဦးကျော်လင်းက အဆိုကို အတည်ပြုရန် ပြောကြားသဖြင့် လွှတ်တော်က အတည်ပြုခြင်းဖြစ် သည်။
‘‘ယနေ့ခေတ်စနစ်၊ အချိန် အခါအရ အင်မတန်မှ ကောင်းမွန်သင့်မြတ်တဲ့ အဆိုဖြစ်ပါတယ်။ သို့သော်လည်း မှန်ကန်တဲ့စနစ် မဖြစ်မှာကိုဘဲ စိုးရိမ်မိပါတယ်’’ဟု သီပေါမြို့နယ် ပြည်သူ့လွှတ်တော် ကိုယ်စားလှယ် ဦးစိုင်းသန့်စင်က အဆိုကို ထောက်ခံဆွေးနွေးစဉ် ထည့်သွင်းပြောကြားသည်။
တတိယ အဖွဲ့အစည်း (Third Party)တွင် ပါဝင်မည့် ပညာရှင်များသည် တည်ဆောက်ရေးပိုင်ရှင်များ၊ ကန်ထရိုက်တာများနှင့် အကျိုးစီးပွားပတ်သက်နေ သူများဖြစ်ပါက မိမိအလုပ်ကို မိမိ ပြန်လည်စစ်ဆေးသကဲ့သို့ ဖြစ် မည်ဖြစ်ကြောင်းလည်း ၎င်းက သုံးသပ်သည်။
ထိုသို့ဖြစ်ပါက အကျိုးစီးပွား ပတ်သက်သူအချင်းချင်းအကြား လက်ဝါးချင်းရိုက်သည့်စနစ်ထပ် မံပေါ်ပေါက်လာနိုင်ကာ ပြည်သူ့ ဘဏ္ဍာငွေပိုမိုကုန်ကျ၍ ပြည်သူ လူထုအတွက် ဝန်ထုပ်ဝန်ပိုးဖြစ် လာနိုင်မည်ကို သတိပြုသင့် ကြောင်း ဦးစိုင်းသန့်စင်က အကြံ ပြုပြောကြားသည်။
အထက်ပါအဆိုကို ပါဝင် ထောက်ခံဆွေးနွေးသည့် ကိုယ် စားလှယ် ၁၅ ဦးအနက် ၁၄ ဦးသည် အမျိုးသားဒီမိုကရေစီအဖွဲ့ချုပ် ပါတီမှ ဖြစ်ပြီး ဦးစိုင်းသန့်စင်မှာ ရှမ်းတိုင်းရင်းသားများဒီမိုကရေစီ အဖွဲ့ချုပ်ပါတီမှ ဖြစ်သည်။
ပါဝင်ဆွေးနွေးသည့် ကိုယ် စားလှယ်အများစုက နိုင်ငံတော် ဆောက်လုပ်ရေးလုပ်ငန်းများကို စစ်ဆေးမည့် တတိယအဖွဲ့အ စည်း (Third Party) သည် သီးခြား လွတ်လပ်စွာ ဆုံးဖြတ်ပိုင်ခွင့်ရှိရန် အရေးကြီးကြောင်းနှင့် သို့မှသာ မှန်ကန်သည့် စစ်ဆေးမှုများရရှိ နိုင်မည်ဖြစ်ကြောင်း ပြောကြား သည်။ အမျိုးသားဒီမိုကရေစီအဖွဲ့ ချုပ်ပါတီ ဦးဆောင်သော အစိုးရ တက်လာချိန်တွင် နိုင်ငံတော် ဆောက်လုပ်ရေးလုပ်ငန်းများကို Third Party စနစ်ဖြင့် စတင်ကျင့် သုံးခဲ့သည်ဟု ဆောက်လုပ်ရေးဒု ဝန်ကြီးက ပြောကြားသော်လည်း လက်ရှိအချိန်အထိ တိကျသည့် ညွှန်ကြားချက်၊ လုပ်ထုံးလုပ်နည်း များမရှိသည့်အပြင် မြေပင်ပကတိအနေအထားတွင် ထိရောက်သည့် စစ်ဆေးမှုများ မတွေ့ရှိသေး ကြောင်း ရွှေကျင်မြို့နယ် ပြည်သူ့ လွှတ်တော်ကိုယ်စားလှယ် ဦးစော သလေးစောက ပြောသည်။
‘‘ဒီ Third Party အဖွဲ့အ စည်းကို ဘယ်လိုဖွဲ့စည်းမှာလဲ၊ စစ်ဆေးမှုကို ဘယ်လိုပြုလုပ်မှာ လဲ၊ တာဝန်ယူမှု၊ တာဝန်ခံမှု ဘယ်လောက်ရှိမှာလဲ။ ဘယ် လောက်အတိုင်းအတာအထိ ထိန်းကျောင်းပိုင်ခွင့်ပေးမှာလဲ။ စတာတွေကို တိတိကျကျဖြစ်ဖို့အ တွက် ဥပဒေ၊ နည်းဥပဒေတွေ ပြဋ္ဌာန်းဖို့ လိုအပ်ပြီး ဥပဒေ မပြဋ္ဌာန်းနိုင်မီ ကာလမှာ ညွှန်ကြားချက်များထုတ်ပြန်သတ်မှတ်ထား ပေးဖို့ လိုအပ်ပါတယ်’’ဟု ၎င်းကဆိုသည်။ ယင်းအဆိုနှင့်ပတ်သက်၍ ဆောက်လုပ်ရေးဝန်ကြီးဌာန ဒုတိ ယဝန်ကြီး ဦးကျော်လင်းက ပြန် လည်မှတ်ချက်ပြု ပြောကြားရာ တွင် လွှတ်တော်ကိုယ်စားလှယ် များ ဆွေးနွေးအကြံပြုချက်များကို အလေးအနက်ထားအကောင်အ ထည်ဖော်မည်ဟု ပြောကြားပြီး ဒေါ်ယဉ်မင်းလှိုင်၏အဆိုသည် ဝန်ကြီးဌာနက လက်ရှိအကောင် အထည်ဖော်နေသည့် မူဝါဒကို တွန်းအားပေးရာ ရောက်သဖြင့် လွှတ်တော်မှ အတည်ပြုပေးရန် ပြောကြားသည်။
ထို့အတွက် အဆိုတွင် ပါဝင်သည့်အချက်များကို ဆောက်လုပ် ရေးဝန်ကြီးဌာနနှင့် အစိုးရက မဖြစ် မနေ အကောင်အထည်ဖော် ဆောင်ရွက်ပေးရမည်ဖြစ်သည်။
Credit: 7Daydaily
