ဟောင်ကောင်၏ အချမ်းသာဆုံးသူဌေးကြီးဖြစ်သော လီကာရှင်းသည် ဟောင်ကောင်တွင် အမြင့်မားဆုံးအဆောက်အအုံများ၌ တစ်ခုအပါအဝင်ဖြစ်ကာ ၎င်းပိုင်ဆိုင်သမျှတွင် တန်ဖိုးအကြီးဆုံးဖြစ်သော ၇၃ ထပ် မိုးမျှော်တိုက်ကြီးကို တရုတ်ပြည်မကြီး စွမ်းအင်ကုမ္ပဏီထံ ကန်ဒေါ်လာ ၅ ဘီလီယံကျော်ဖြင့် အပြီးသတ်ရောင်းချလိုက်ပြီဖြစ်သည်။
တရုတ်နိုင်ငံ ပီကင်းအခြေစိုက် စွမ်းအင်နှင့် ဓာတုကုမ္ပဏီအုပ်စုတစ်ခုဦးဆောင်ကာ ဝယ်ယူသွားခြင်းဖြစ်ပြီး ဟောင်ကောင်မှ ရင်းနှီးမြှုပ်နှံသူများလည်း ပါဝင်သည်ဟု ဆိုသည်။
ယခုအရောင်းအဝယ်သည် ကမ္ဘာပေါ်တွင် တန်ဖိုးအကြီးဆုံး အိမ်ခြံမြေအရောင်းအဝယ်တစ်ခုအဖြစ် စံချိန်တင်ခဲ့သည်။
လီကာရှင်းသည် ယခုရောင်းချလိုက်သည့် The Center မိုးမျှော်တိုက်ကြီးကို ပိုင်ဆိုင်သည့် CK Asset Holdings ၏ ဥက္ကဌလည်း ဖြစ်ပြီး The Center ကို ဟောင်ကောင်ဒေါ်လာ ၄၀ ဒသမ ၂ ဘီလီယံ (ကန်ဒေါ်လာ ၅ ဒသမ ၁၅ ဘီလီယံ) ဖြင့် ရောင်းချလိုက်ခြင်းဖြစ်သည်။
ဦးဆောင်ဝယ်ယူသွားသည်မှာ C.H.M.T. Peaceful Development Asia Property မှ ဖြစ်သည်ဟု ဆိုသည်။
အဆိုပါကုမ္ပဏီ၏ ရှယ်ယာအများစုကို ပိုင်ဆိုင်ထားသည်မှာ ပေကျင်းအခြေစိုက် တရုတ်စွမ်းအင်နှင့် ဓာတုအုပ်စု (CERCG) မှ ဖြစ်ပြီး ရှယ်ယာ ၅၅ ရာခိုင်နှုန်း ပိုင်ဆိုင်ထားကြောင်း အဆိုပါအရောင်းအဝယ်နှင့် နီးစပ်သည့် သတင်းရင်းမြစ်က ဆိုသည်။
“ယခုအရောင်းအဝယ်ကို ကြည့်ခြင်းအားဖြင့် ဟောင်ကောင် ကူးသန်းရောင်းဝယ်ရေးဆိုင်ရာ အိမ်ခြံမြေဈေးကွက်က ဝယ်လိုအားရှိနေဆဲဖြစ်ပြီး ဈေးနှုန်းမြင့်မားမှုတွေက ဝယ်လိုအားအပေါ်အကျိုးသက်ရောက်မှု မရှိဘူးဆိုတာ တွေ့ရမှာပါ” ဟု Colliers International မှ အကြံပေးပုဂ္ဂိုလ်၊ Asia Valuation မှ လက်ထောက်မန်နေးဂျင်းဒါရိုက်တာဖြစ်သူ ဗင်းဆင့် ချောင်က ပြောကြားသည်။
လီကာရှင်းသည် လာမည့်နှစ် ဇူလိုင်လ ၂၉ ရက်တွင် အသက် ၉၀ ပြည့်တော့မည်ဖြစ်ပြီး အဆိုပါအဆောက်အအုံကြီးကို ရောင်းချရန် ကြိုးပမ်းနေသည်မှာ တစ်နှစ်ခန့် ကြာခဲ့ပြီဖြစ်သည်။
မူလက ရာဖြတ်တို့ခန့်မှန်းခဲ့သည်မှာ ဟောင်ကောင်ဒေါ်လာ ၃၅ ဘီလီယံခန့်သာ ခန့်မှန်းခဲ့ရာ ယခုအရောင်းအဝယ်ဖြစ်သော ဈေးနှုန်းမှာ ၎င်းတို့ခန့်မှန်းခဲ့သည်ထက်ပင် များပြားနေသည်။
The Center မိုးမျှော်တိုက်ကြီးတွင် ရုံးခန်းနေရာ စတုရန်းပေ ၁ ဒသမ ၂ သန်း၊ လက်လီအရောင်းဆိုင်နေရာ စတုရန်းပေ ၁၃၀၀၀နှင့် ကားအစင်းရေ ၄၀၂ စင်း ရပ်နားနိုင်သည့် ကားပါကင်နေရာတို့ ပါဝင်သည်။
အဆောက်အအုံတစ်ခုလုံးကို steel structure ဖြင့် ဆောက်လုပ်ထားခြင်းဖြစ်ပြီး ၁၉၉၈ ခုနှစ်က ဆောက်လုပ်ပြီးစီးခဲ့ခြင်း ဖြစ်သည်။
လီကာရှင်းသည် ၂၀၁၃ ခုနှစ်မှစတင်ကာ ရှန်ဟိုင်း၊ ဘေကျင်းနှင့် ကွမ်ကျိုးတို့ရှိ ကူးသန်းရောင်းဝယ်ရေးဆိုင်ရာ အဆောက်အအုံများကို ရောင်းထုတ်လျက်ရှိရာ ယွမ်ငွေ ၂၀ ဘီလီယံ (ကန်ဒေါ်လာ ၃ ဘီလီယံ) ကျော်ဖိုး ရောင်းချခဲ့ပြီး ဖြစ်သည်။
လီကာရှင်းသည် လုပ်ငန်းနယ်ပယ်မျိုးစုံတွင် လုပ်ငန်းများစွာလုပ်ကိုင်လျက်ရှိသူဖြစ်ပြီး အာရှ၊ ဥရောပနှင့် မြောက်အမေရိကတို့တွင် ကွန်တိန်နာဆိပ်ကမ်းများ၊ တယ်လီဖုန်းကွန်ရက်များ၊ ဓာတ်အားပေးစက်ရုံများ၊ အိမ်ခြံမြေလုပ်ငန်းများ အပါအဝင် အခြားကဏ္ဍများစွာတွင် လုပ်ငန်းများ လည်ပတ်လျက်ရှိသည်။
လီကာရှင်းက The Center မိုးမျှော်တိုက်ကြီးကို ရောင်းချရန် စီစဉ်လျက်ရှိပုံသတင်းကို iMyanmarHouse.com တွင် ရေးသားတင်ပြခဲ့ဖူးပြီး အဆိုပါသတင်းနှင့် ဆက်စပ်ဖတ်ရှုလိုပါက https://www.imyanmarhouse.com/news/read/676197 အင်တာနက်လင့်ခ်တွင် ပြန်လည်ဖတ်ရှုနိုင်ပါသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
