ပေါ့ပ်ကြယ်ပွင့် တေလာဆွစ်ဖ်သည် အမေရိကန်ပြည်ထောင်စု၊ နယူးယောက်မြို့၊ မန်ဟက်တန်အောက်ပိုင်း၊ ထရိုင်ဘက်ကာအရပ်တွင် နေအိမ်တစ်လုံးဝယ်ယူလိုက်ပြီဖြစ်သည်။
တည်နေရာမှာ ထရိုင်ဘက်ကာအရပ်၊ ဖရန်ကလင်လမ်း၊ အမှတ် ၁၅၃ တွင် တည်ရှိသော နေအိမ်ဖြစ်သည်။
အဆိုပါနေအိမ်တွင် ပြင်သစ်နိုင်ငံရေးသမား ၊ နိုင်ငံတကာငွေကြေးရန်ပုံငွေအဖွဲ့ IMF ၏ ညွှန်ကြားရေးမှူးဟောင်း ဒေါမနစ် စထရော့စ်ခန်သည် နေအိမ်အကျယ်ချုပ်ကျခံရစဉ်အတွင်း နေထိုင်ခဲ့ရခြင်းလည်း ဖြစ်သည်။
စထရော့စ်ခန်သည် IMF တွင် တာဝန်ထမ်းဆောင်နေစဉ် နယူးယောက်မြို့ ဆိုဖီတယ်ဟိုတယ်မှ ဝန်ထမ်း မိန်းကလေးတစ်ဦးကို အဓမ္မကျင့်ရန် ကြိုးစားခဲ့သည်ဟူသော စွပ်စွဲချက်ဖြင့် ၂၀၁၁ ခုနှစ်အတွင်း နေအိမ်အကျယ်ချုပ် ကျခံခဲ့ရခြင်း ဖြစ်သည်။
နောက်ပိုင်းတွင်မူ စကားပြန်၏ မှားယွင်းမှုဖြစ်ကြောင်း ပေါ်ပေါက်ကာ အမှုမှ ပြန်လည်လွတ်မြောက်ခဲ့သည်။တေလာဆွစ်ဖ်သည် အဆိုပါနေအိမ်ကို ကန်ဒေါ်လာ ၁၈ သန်းဖြင့် ဝယ်ယူခဲ့ခြင်းဖြစ်ကြောင်း နယူးယောက်မြို့ တရားဝင်အိမ်ခြံမြေ မှတ်တမ်းများတွင် ဖော်ပြသည်။
တေလာဆွစ်ဖ်သည် ဖရန်ကလင်လမ်းတွင်ပင် penthouse duplex ခန်းတစ်ခန်းလည်း ပိုင်ဆိုင်ထားသေးသည်။အဆိုပါ penthouse ခန်းကို ၂၀၁၄ ခုနှစ်အတွင်း ကန်ဒေါ်လာ ၁၉ ဒသမ ၉၅ သန်းဖြင့် ဝယ်ယူခဲ့ခြင်း ဖြစ်သည်။
ယင်း penthouse ခန်း မှာမူ အရောင်းဈေးကွက်ဝင်လာသည့် မှတ်တမ်းမှတ်ရာများ မရှိခြင်းကြောင့် ဈေးကွက်ပြင်ပ အရောင်းအဝယ်ပြုလုပ်ခဲ့ခြင်းဖြစ်သည်ဟု ယူဆရသည်။
ယခုဝယ်ယူလိုက်သော နေအိမ်မှာ ၃ ထပ်အဆောက်အအုံဖြစ်ပြီး အားကစားလေ့ကျင့်ရေးခန်းမ၊ သစ်ပင်ပန်းမန်များ စိုက်ပျိုးထားသည့် လသာဆောင်တို့ ပါဝင်သည်။
တေလာဆွစ်ဖ်က ၎င်းကိုယ်တိုင် တိုက်ရိုက်ဝယ်ယူခဲ့ခြင်းကား မဟုတ်ချေ။
နယူးယောက်မြို့အခြေစိုက် Euro Tribeca LLC အမည်ရှိ ကုမ္ပဏီတစ်ခုမှ ဝယ်ယူခဲ့ခြင်းဖြစ်သည်။
အဆိုပါကုမ္ပဏီသည် တေလာဆွစ်၏ စီမံခန့်ခွဲရေးအဖွဲ့အတွက် လုပ်ကိုင်ပေးနေသော ရှေ့နေတစ်ဦးဖြစ်သည့် ဂျက်စီ ပီ-ရှောဒီးစ်နှင့် ဆက်နွှယ်နေသည်။
ရှောဒီးစ်သည် ယခင်ကလည်း တေလာဆွစ်ဖ်၏ အိမ်ခြံမြေဝယ်ယူမှုများစွာကို ကိုယ်စားပြုပေးခဲ့သူတစ်ဦးဖြစ်သည်။ရှောဒီးစ်ကမူ ယခုအရောင်းအဝယ်နှင့် စပ်လျဉ်း၍ တစ်စုံတစ်ရာထုတ်ဖော်ပြောကြားခဲ့မှု မရှိချေ။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
