ဆောက်လုပ်ရေးကဏ္ဍ ပွင့်လင်းမြင်သာမှုရှိစေရန် စိစစ်ခြင်းလုပ်ငန်းများ လုပ်ဆောင်မည့် Construction Sector Transparency Initiative (CoST) အဖွဲ့ကို မြန်မာ့စီးပွားရေးကဏ္ဍ တာဝန်ယူမှု အထောက်အကူပြုရေးဌာန
MCRB က ရန်ကုန်တိုင်းဒေသကြီးအစိုးရနှင့် မိတ်ဆက်ပေးခဲ့သည်။
CoST အဖွဲ့မှာ အစိုးရမဟုတ်သော အဖွဲ့အစည်း (အင်န်ဂျီအို)တစ်ခုဖြစ်ပြီး အစိုးရ၊ အရပ်ဘက်အဖွဲ့အစည်းများနှင့် စီးပွားရေးလုပ်ငန်းရှင်များ ပူးပေါင်းဖွဲ့စည်းကာ ဆောက်လုပ်ရေးကဏ္ဍ ပွင့်လင်းမြင်သာမှုရှိစေရန် လုပ်ငန်းများ ဆောင်ရွက်မည့်အဖွဲ့ဖြစ်ကြောင်း တိုင်းအစိုးရကို စတင်မိတ်ဆက်ခဲ့ခြင်းဖြစ်သည်ဟု MCRB စီမံကိန်းနှင့် ဆက်သွယ်ရေးအရာရှိ ဒေါ်ဖြူဖြူဇင်က ပြောသည်။
''နိုင်ငံတစ်ခု ဖွံ့ဖြိုးတိုးတက်ဖို့ဆိုရင် ကဏ္ဍတိုင်းမှာ ပွင့်လင်းမြင်သာမှုရှိဖို့ လိုတယ်။ ကိုယ်မလုပ်နိုင်သေးတဲ့ လုပ်ငန်းတစ်ခုကို တခြားတစ်ဖွဲ့က လုပ်နိုင်တယ်ဆိုတဲ့အတွက်ကြောင့် အစိုးရနဲ့ မိတ်ဆက်ပေးတာဖြစ်တယ်။ ဒီလုပ်ငန်းကို
လည်း အစိုးရနဲ့ လုပ်ဖြစ်သွားစေချင်တယ်''ဟု ဒေါ်ဖြူဖြူဇင်က ဆိုသည်။
CoST အဖွဲ့၏ လုပ်ငန်းစဉ်များမှာ အစိုးရက ပြည်သူ့ဘဏ္ဍာငွေဖြင့် ဆောက်လုပ်မည့် စီမံကိန်းများတွင် ပွင့်လင်းမြင်သာမှုရှိစေရန် စတင် တင်ဒါခေါ်ယူချိန်မှစ၍ စစ်ဆေးခြင်း၊ စီမံကိန်းအရည်အသွေး၊ ကုန်ကျစရိတ်တို့စစ်ဆေးခြင်းကို ၄င်းတို့၏သတ်မှတ်ထားသော စံအတိုင်း လုပ်ဆောင်မည်ဖြစ်ပြီး ဆောက်လုပ်ရေးလုပ်ငန်းများကို ပွင့်လင်းမြင်သာမှုရှိစေရန် လုပ်ဆောင်ခြင်းဖြစ်ကြောင်း ၄င်းကဆိုသည်။
ယင်းလုပ်ငန်းစဉ်နှင့်ပတ်သက်၍ တိုင်းအစိုးရကလည်း စိတ်ဝင်တစားရှိပြီး ယခင်ကပင် လုပ်ဆောင်လိုသည့်လုပ်ငန်းဖြစ်သည်ဟု ဝန်ကြီးချုပ် ဦးဖြိုးမင်းသိန်းက ပြန်လည်ဆွေးနွေးခဲ့ကြောင်းလည်း ၄င်းက ပြန်ပြောပြသည်။
သို့သော် ပထမဆုံးအကြိမ် တွေ့ဆုံခြင်းဖြစ်သည့်အတွက် လုပ်ဆောင်မည့် လုပ်ငန်စဉ် အသေးစိတ်နှင့် မည်သည့်အချိန်တွင် စတင်ပူးပေါင်း အကောင်အထည်ဖော်မည်ကို တိုင်းအစိုးရနှင့် နောက်ထပ်တွေ့ဆုံ ဆွေးနွေးရဦးမည်ဖြစ်ကြောင်း ဒေါ်ဖြူဖြူဇင်က ပြောသည်။
ဆောက်လုပ်ရေးကဏ္ဍ ပွင့်လင်းမြင်သာမှုရှိလာသည့် အခါ အစိုးရ၊ စီးပွားရေးလုပ်ငန်းရှင်များနှင့် ပြည်သူလူထုတစ်ရပ်လုံး အကျိုးရှိမည်ဖြစ်ကြောင်း၊ အစိုးရက ရရှိလာသည့် ဘဏ္ဍာငွေများကို ပွင့်လင်းစွာ အသုံးချ နိုင်မည်ဖြစ်ပြီး ရင်းနှီးမြှုပ်နှံမှုများလည်း ပိုမိုဝင်ရောက် လာနိုင်ကြောင်း ဒေါ်ဖြူဖြူဇင်က ပြောသည်။
''စီးပွားရေးလုပ်ငန်းတွေကတော့ တင်ဒါတွေကို လာဘ်မပေးရဘဲနဲ့ ပွင့်လင်းမြင်သာစွာ ယှဉ်ပြိုင်ခွင့်ရမယ်။ ပြည်သူတွေကတော့ ကိုယ်ပေးထားတဲ့ အခွန်တွေက တန်ဖိုးရှိရှိ အသုံးချနိုင်မယ်။ လမ်းတွေ၊ တံတားတွေ ကောင်းသွားရင် ပြည်သူက တိုက်ရိုက်အကျိုးခံစားရတာပေါ့''ဟု ဒေါ်ဖြူဖြူဇင်က ဆိုသည်။
MCRB သည် စီးပွားရေးလုပ်ငန်းများ ပွင့်လင်းမြင်သာမှုရှိမရှိကို လေ့လာသည့်စီမံကိန်းကို လုပ်ဆောင် နေပြီး ရေနံနှင့် ဓာတ်ငွေ့၊ ခရီးသွား စသည့်ကဏ္ဍများကို လေ့လာဆန်းစစ်မှုများလည်း ပြုလုပ်သည်။
Credit: Myanmar Times
