အိမ်ခြံမြေများကို နေထိုင်ရန်မဟုတ်ဘဲ ဝယ်ယူကာ ဈေးကစားသူများကို ပစ္စည်းခွန် ကောက်ခံခြင်းဖြင့် တားဆီးမည် ဟု စီမံကိန်းနှင့် ဘဏ္ဍာရေးဝန်ကြီးဌာန ဒုတိယဝန်ကြီး ဦးမောင် မောင်ဝင်းကပြောသည်။
ထိုသို့ကောက်ခံနိုင်ရန် ပစ္စည်းခွန် ကောက်ခံခြင်းကို ကြီးကြပ်ခြင်းဆိုင်ရာ ဥပဒေ (မူကြမ်း) ရေးဆွဲနေပြီး ပြည်ထောင်စု ရှေ့နေချုပ်ရုံးသို့ ဥပဒေအကြံဉာဏ်များ တောင်းခံထားကြောင်း ၎င်းကပြောသည်။
ယင်းဥပဒေပြဋ္ဌာန်းပြီးပါက ပစ္စည်းခွန်ကောက်ခံရေး ပစ္စည်း ခွန်ကောက်ခံမှုကြီးကြပ်ရေးဗဟို အဖွဲ့ကို ပြည်ထောင်စု အစိုးရ အဖွဲ့၏ သဘောတူညီချက်ဖြင့်ဖွဲ့ စည်းမည်ဖြစ်ကြောင်း ဒုဝန်ကြီး ကပြောသည်။
ထိုအဖွဲ့က နှစ်စဉ်၊ မြေ၊ အဆောက်အအုံ ဌားရမ်းခစံနှုန်း သတ်မှတ်တန်ဖိုးကို ပြည်ထောင် စုအစိုးရအဖွဲ့၏ သဘောတူညီ ချက်ဖြင့် သတ်မှတ်မည်ဟု ၎င်း ကပြောသည်။
‘‘နှစ်စဉ်သုံးသပ်ပြီး တန်ဖိုး သတ်မှတ်ကာ ကျသင့်ပစ္စည်းခွန် ကို ကောက်ခံမည်ဖြစ်၍ အိမ်ခြံ မြေဈေးကစားသူများက အိမ်ခြံ မြေများကို နေထိုင်ရန်မဟုတ်ဘဲ ဝယ်ယူ၊ ထိန်းသိမ်းလက်ဝါးကြီး အုပ်ခြင်း (သို့မဟုတ်) ဈေးကစား ခြင်းတို့ကို တားဆီးကာကွယ်နိုင် မည်ဖြစ်ပါတယ်’’ ဟု ၎င်းကပြော သည်။
အောက်တိုဘာ ၃၀ ရက်က ပြည်သူ့လွှတ်တော် ဘီးလင်းမဲဆန္ဒ နယ်မှ ကိုယ်စားလှယ် ဦးတင်ကို ကိုဦးက အိမ်ခြံမြေ ဈေးကစားသူ များက နေထိုင်ရန်အတွက်မဟုတ် ဘဲ ဝယ်ယူထိန်းသိမ်း လက်ဝါး ကြီးအုပ်ခြင်းတို့က အကာအကွယ် ပေးစေရန် ပိုင်ဆိုင်မှုအခွန် (Pro-perty Tax) ကောက်ခံရန် အစီအစဉ်ရှိ၊ မရှိ မေးမြန်းခဲ့သည်။
အခွန်ကောက်ခံသည့် စနစ် သည် ကောင်းမွန်ပြီး အိမ်ခြံမြေ ဈေးကွက် ဖောင်းပွမှု ထိန်းချုပ်နိုင်ခြင်း၊ ဈေးနှုန်းတည်ငြိမ်လာခြင်း၊ ငွေမည်းခဝါချမှုတားဆီးနိုင်ခြင်း၊ ပြည်သူများအနေဖြင့် အိမ်ခြံမြေအိပ်မက်များ လက်လှမ်းမမီခြင်းကို တားဆီးနိုင်ခြင်း စသည့် အချက်များ ဆောင်ရွက်နိုင်မည်ဖြစ်ကြောင်း မြန်မာနိုင်ငံ အိမ်ခြံမြေဝန်ဆောင်မှုအသင်း ဒုဥက္ကဋ္ဌဦးသန်းဦးက ပြောသည်။
‘‘မရွှေ့မပြောင်းနိုင်တဲ့ ပိုင် ဆိုင်မှုပေါ့၊ ရေမြေ၊ ဥစ္စာတွေ တိုး လာတဲ့အပေါ်မှာ ဒါကတဖြည်း ဖြည်းထိန်းချုပ်တဲ့ သဘောမျိုးနဲ့အ ခွန်နဲ့ ကောက်ခံပြီး ထိန်းချုပ်တာ ပါ။ အဲဒီစနစ်ပါ’’ ဟု ၎င်းကပြော သည်။
ထိုသို့အခွန်ကောက်ခံပါက အိမ်ခြံမြေ ဈေးများ ကျဆင်း ရန် အတိအကျပြောဆိုရန် ခက်ခဲပြီး ဈေးနှုန်းကျဆင်းရန်၊ အခြားအကြောင်း အချက်များရှိနေကြောင်းဦးသန်းဦးကပြောသည်။
‘‘အခွန်နဲ့ ထိန်းသိမ်းလိုက် တာ မှန်ပေမယ့် နိုင်ငံ့ရဲ့ ငွေကြေး ဖောင်းပွမှုက သိပ်များနေရင်လည်း ကျစရာမရှိဘူး’’ ဟု ၎င်းကပြောကြားသည်။
Credit: 7Daydaily
