အိမ်ခြံမြေ ဈေးကွက် တဖြည်းဖြည်းအေးလာတာဟာ ၂၀၁၆ ဧပြီ ၁ ရက်နေ့ကစပြီး ဝင်ငွေခွန် နှုန်းထားတွေ တိုးမြှင့်ကောက်ခံချိန်ကစပါတယ် ။တစ်နှစ်ကျော်အတွင်း အိမ်ခြံမြေဈေးကွက် ပိုမိုနှောင့်နှေးလာနေတာဟာ ရပ်တန့် သွားနိုင်တဲ့ အခြေအနေဖြစ်နေတယ်လို့ အိမ်ခြံမြေ အရောင်းအဝယ်ကျွမ်းကျင်သူအချို့က ဆိုတယ်။
မြန်မာနိုင်ငံ အိမ်ခြံမြေဝန်ဆောင်မှုအသင်း ဗဟိ်ုဥက္ကဋ္ဌ ဦးခင်မောင်သန်းက ‘ ပြည်သု့အစိုးရ အတွက်လဲ ဝင်ငွေခွန်တွေ များများရအောင်၊ ပြည်သူတွေဘက်ကလဲ ဝင်ငွေခွန်ပေးဆောင်ပြီး တရားဝင် မှတ်ပုံတင်နိုင်တဲ့သူများလာအောင် အဲဒီမြင့်တက်နေတဲ့ ဝင်ငွေခွန်တွေကို လျှော့ချပေးသင်းတယ်၊ အခုဆိုရင် ရန်ကုန်မှာ အိမ်ခြံမြေဈေးနှုန်းတွေ အများကြီးထိုးကျသွားပါတယ်၊ ရန်ကုန်မြို့ပြင်နေရာတွေမှာ ၆၀ ရာခိုင်နှုန်းကနေ ၇၀ ရာခိုင်နှုန်းလောက် အထိ ဈေးနှုန်းတွေ ကျဆင်းနေပြီး ရန်ကုန်မြို့တွင်းမှာ အိမ်ခြံမြေဈေးနှုန်းတွေက ၂၀ ရာခိုင်နှုန်းကနေ ၃၀ ရာခိုင်နှုန်းအထိ ကျဆင်းနေတယ် ‘ လို့ပြောပါတယ်။
ဈေးကွက်နှောင့်နှေး
ပြည်တွင်း အိမ်ခြံမြေဈေးကွက်ကို ပြန်ကြည့်ရင် ၁၉၈၉ ကနေ ၁၉၉၇ အောက်တိုဘာလအထိ အရောင်းအဝယ်အလွန်ကောင်းခဲ့တဲ့ နှစ်တွေဖြစ်တယ် ။အဲဒါကြောင့် အိမ်ခြံမြေရွှေနှစ်လို့ ပြောရမယ့်နှစ်နေတွပါ ။ဒါပေမဲ့ ၁၉၉၇ ၊ ၁၉၉၈ တစ်နှစ်အတွင်းမှာ အိမ်ခြံမြေဈေးကွက်အေးပြီး ရပ်တန့်သွားခဲ့ဖူးပါတယ်။ အဲသည်တုန်းက သက်ဆိုင်ရာ ဝန်ကြီးဌာနတွေ အပြောင်းအလဲလုပ်လိုက်တဲ့အတွက် အိမ်ခြံမြေနဲ့ ပတ်သက်တဲ့ အပြောင်းအလံတွေ ဖြစ်သွားခဲ့ပြီး အိမ်ခြံမြေ အရောင်းအဝယ်ရပ်တန့် သွားခဲ့တာပါ ။
အဲဒါကြောင့် အစိုးရရဲ့ မူဝါဒ၊ အတိုးနှုန်းနဲ့ လူဦးရေတိုးပွားနှုန်းတွေက အိမ်ခြံမြေဈေးကွက်အပေါ်သက်ရောက်နိုင်တဲ့အချက်တွေဖြစ်တယ်။ အိမ်ခြံမြေဈေးကွက်အပေါ် အစိုးရရဲ့ မူဝါဒတွေရဲ့ ရိုက်ခတ်မှုက ပြင်းထန်ပါတယ်။ အိမ်ခြံမြေဝယ်လိုအားမြင့်တက်ဖို့ အစိုးရဘက်က ပြုလုပ်ပေးနိုင်တာတွေက အခွန်သက်သာခွင့်ပေးတာ ။ ပြည်သူတွေ အိမ်ခြံမြေဝယ်နိုင်အောင် ထောက်ပံ့မှုပေးနိုင်တာပါ ။အဓိက ကတော့ အစိုးရနေနဲ့ အိမ်ခြံမြေဝယ်လိုအားကို လှုံ့ဆွပေးနိုင်ပြီး လမ်းမှား ရောက်မသွားအောင် ထိန်းကျောင်းပေးနိုင်စွမ်းရှိရပါမယ် ။
ဥပမာ အမေရိကန်မှာ ၂၀၀၉ စီးပွားကျဆင်းချိန်မှာ အိမ်ခြံမြေရောင်းအားကောင်းအောင် အမေရိကန်အစိုးရက အရင်ဆုံးအိမ်ဝယ်တဲ့ ပြည်သူတွေကို အခွန်သက်သာခွင့်ပေးမယ်လို့ ကမ်းလှမ်းခဲ့တယ် ။၂၀၁၈ ကနေ ၂၀၁၀ အထိ ကာလအတွင်း အခွန်သက်သာခွင့်ပေးမယ်လို့ ကြေညာခဲ့တာကြောင့် အိမ်ဝယ်တဲ့ သူ ၉၀, ၀၀၀ ကျော်အထိ ရှိလာတယ်။
အိမ်ခြံမြေဈေးကျဆင်းတာဟာ ပြည်သူတွေရဲ့ ပိုင်ဆိုင်ထားပြီးသာ ပစ္စည်းတွေ တန်ဖိုးကျဆင်းနေတာပါ ။အရောင်းအဝယ် မလုပ်တဲ့ ပြည်သူတွေရဲ့ ကိုယ်ပိုင်ဥစ္စာပစ္စည်းတွေရဲ့ တန်ဖိုးပါကျဆင်းပါတယ် ။အိမ်ခြံမြေဈေးကြီးမာလာတာဟာ ဈေးကွက်သဘောတရားအရပါ ။အဲဒါကို ကျဆင်းအောင် ပြုလုပ်တာက မှန်ကန်တဲ့ နည်းလမ်းမဟုတ်ပါဘူးလို့ ဆိုတယ် ။တရုတ်ပြည်မှာလည်း စီးပွားရေတွေ ထိုးဆင်းသွားလို့ အိမ်ခြံမြေဈေးနှုန်းတွေ အများကြီးကျဆင်းမသွားအောင် အစိုးရက ဝိုင်းဝန်းထိန်းသိမ်ပေးတဲ့အတွက် စီးပွားရေးပုံမှန် ပြန်ဖြစ်လာပါတယ်။
အိမ်ခြံမြေဈေးကွက် ရပ်တန့်သွားရင် ဆော်လုပ်ရေးလုပ်ငန်း တွေပါ ရပ်တန့်သွားပါမယ် ။ဆောက်လုပ်ရေးလုပ်ငန်းတွေမှာ လိုအပ်တဲ့ ပစ္စည်းတွေက ပြည်တွင်းမှာမထုတ်လုပ်နိုင်ဘဲ ပြည်ပကဈေးကြီးကြီးပေးဝယ်ရတာတွေ များတယ်ဆိုတာထည့်သွင်းတွက်ချက်ရပါမယ်။ အိမ်ခြံမြေဈေးကျတာနဲ့ အရင်းအနှီးများတဲ့ ဆောက်လုပ်ရေးလုပ်ငန်းတွေ ရပ်တန့်သွားရပါမယ ။ဆောက်လုပ်ရေးလုပ်ငန်းထဲမှာ မှီခိ်ုလုပ်ကိုင်နေရတဲ့ အောက်ခြေအလုပ်သမား မိသာစုတွေရဲ့ စာဝတ်နေရေးပြဿနာတွေပါ ပေါ်လာမယ် ။အဲဒါတွေကို ကိုင်တွယ်ထိန်းကျောင်းနိုင်ဖို့က အစိုးရရဲ့ မူဝါဒတွေနဲ့ သက်ဆိုင်ပါတယ်။
ဝင်ငွေခွန်တိုးမြှင့်
ပြီးခဲ့တဲ့ ၂၀၁၆ ဧပြီ ၁ ရက်ကစပြီး အိမ်ခြံမြေအရောင်းအဝယ်ပြုလုပ်ရာမှာ ဝင်ငွေခွန်ကို တိုးမြှင့်ကောက်ခံခဲ့ပါတယ်။ တစ်ကျပ်တနေ ကျပ်သိန်း ၃၀၀ အထိ ဝင်ငွေခွန် ၁၅ ရာခိုင်နှုန်း၊ ကျပ်သိန်း ၃၀၀ ကနေ ကျပ်သိန်း ၁၀၀၀ အထိ ဝင်ငွေခွန် ၂၀ ရာခိုင်နှုန်း ၊ ကျပ်သိန်း ၁၀၀၀ အထက်ကို ၃၀ ရာခိုင်နှုန်းအထိကောက်ခံပါတယ်။ ဝင်ငွေရလမ်း စိစစ်မှုခံယူတာ ၊ ကျသင့် ဝင်ငွေပေးသွင်းတာ စတဲ့ အခွန်ဆိုင်ရာ စိစစ်မှုခံယူပြီးပါက ချုပ်ဆိုမယ့် စာချုပ်စာတမ်းအမျိုးအစားအတွက် ထိုက်သင့်တဲ့ တံဆိပ်ခေါင်းတွေ ဝယ်ယူပြီး စာချုပ်မှာ ကပ်နိုင်ဖို့ တံဆိပ်ခွန်နှုန်းထား ငါးရာခိုင်နှုန်းပေးဆောင်ဖို့ သတ်မှတ်ပါတယ်။ လက်ရှိမှာ တစ်ရာခိုင်နှုန်း လျှော့ပေးထားတဲ့ အတွက် တံဆိပ်ခေါင်းခွန်က လေးရာခိုင်နှုန်းပေးဆောင်ရပါမယ်။
အဲသည် သတ်မှတ်ထားတဲ့ အခွန်တွေမြင့်မားနေတာတွေကြောင့် အိမ်ခြံမြေဈေးကွက်အေးလာခဲ့ပြီး တစ်နှစ်ကျော်ကြာလာတဲ့အခါ ပိုမိုနှောင့်နှေးလာပါတယ်။ ပြီးခဲ့တဲ့ ၂၀၁၄ ဧပြီ ၁ရက်မှာ ကျပ်သိန်း ၃၀၀၀ အောက်အိမ်ခြံမြေဝယ်သူတွေကို အခွန်အထူးလျော့ချပေးခဲ့တယ် ။အဲဒါဟာ ဆင်းရဲသာအောက်ခြေလူတန်းစားတွေနဲ့ ဝန်ထမ်းတွေဝယ်ယူနိုင်အောင် အထူးအခွင့်အရေးပေးခဲ့တာလည်း ဖြစ်တယ်။ အဲသည်အတွက် ၂၀၁၄ / ၂၀၁၅ ခုနှစ်မှာ ကောက်ခံရတဲ့ ဝင်ငွေခွန်ဟာ ကျပ် ၁၀၈ ဘီလျံအထိရှိခဲ့တယ်။
၂၀၁၅မှာလည်း ကျပ်သိန်း ပေါင်း ၁၅,၀၀၀ အောက် အိမ်ခြံမြေဝယ်ယူသူတွေကို ဝင်ငွေခွန်လျှော့ပေးတဲ့အတွက် အမှန်တကယ်မှတ်ပုံတင်ပြီး တရားဝင်အောင် အခွန်ဆောင်တဲ့သူတွေ ပိုများခဲ့ပါတယ်။ ၂၀၁၅ / ၂၀၁၆ ခုနှစ်မှာ ဝင်ငွေခွန် ကျပ် ၁၁၈ ဘီလျံအထိ နိုင်ငံတော်က ရရှိခဲ့ပါတယ်။ ၂၀၁၆ ဧပြီ ၁ ရက်ကစပြီး ဝင်ငွေခွန်တိုးလိုက်တဲ့အခါ မှာတော့ ကျပ် ဘီလျံ ၅၀ လောက်ပဲ ရရှိပါတော့တယ်။ အဲဒါကို ကြည့်ရင် ပြည်သူတွေရဲ့ စီးပွားရေး အခက်အခဲတွေကြားမှာ ဝင်ငွေခွန်တိုးမြှင့်လိုက်တဲ့အတွက် အိမ်ခြံမြေ အရောင်းအဝယ် အေးသွားတာကို တွေ့ရှိနိုင်ပါတယ်။
အတိုးနှုန်း
အိမ်ခြံမြေဈေးကွက် အပေါ် အတိုးနှုန်းတွေရဲ့ ရိုက်ခတ်မှုကလည်း ပြင်းထန်ပါတယ်။ အိမ်ကို အပေါင်းထားဖို့စဉ်းစာတဲ့အခါ အတိုးနှုန်းကို အရင်တွက်ချက်ဖို့ လိုအပ်ပါတယ် ။အတိုးနှုန်းသက်သာရင် ဝယ်ယူတဲ့ကုန်ကျစရိတ်သက်သာတာနဲ့အမျှ အိမ်ခြံမြေဝယ်လိုအားများရင် အိမ်ခြံမြေဈေးနှုန်းတွေ မြင့်တက်လာပါတယ် ။အတိုးနှုန်းတွေတက်လာရင် အိမ်ဝယ်ဖို့ ကုန်ကျစရိတ် မြင့်တက်လာတဲ့အတွက် အိမ်ခြံမြေဝယ်လိုအားကျဆင်းသွားပါမယ်။
အဲသည်အတွက် အိမ်ခြံမြေဈေးနှုန်းတွေလည်း ကျဆင်းပါတယ်။ဈေးကွက်ထဲမှာ အတိုးနှုန်းကျဆင်းတဲ့အခါ Real Estate Investment Trust (REIT) စတော့ခ်တွေ ရတဲ့အမြတ်အစွန်းတွေက ဆွဲဆောင်မှုရှိလာပြီး တန်ဖိုးလည်းမြင့်တက်လာပါတယ်။ အတိုးနှုန်းတွေမြင့်သွားရင် REIT ရဲ့ အမြတ်အစွန်းတွေ ကျဆင်းသွားပြီး ဆွဲဆောင်မှုအား နည်းသွားပြီး တန်ဖိုးကျဆင်းပါတယ်။ အဲဒါကြောင့် အိမ်ခြံမြေဈေးကွက်ပုံမှန် လည်ပတ်နိုင်ဖို့က ဘဏ်တိုးနှုန်းတွေ လျှော့ချဖို့လည်း လိုအပ်နေပါတယ်။
ဝင်ငွေခွန်ဖြေလျှော့ဖို့
အိမ်ခြံမြေအရောင်းအဝယ် နှေးကွေးနေတာကြောင့် ဝင်ငွေခွန်အပေါ် စည်းကြပ်နှုန်း ၃၀ ရာခိုင်နှုန်း အခွန်ကောက်ခံမှုတွေကို ပြည်လည်ပြင်ဆင်ဖို့ စဉ်းစားနေကြောင်း စီမံကိန်း ဘဏ္ဍာရေးဝန်ကြီးဌာန ၊ ပြည်ထောင်စုဝန်ကြီး ဦးကျော်ဝင်းက ပြောပါတယ်။ လက်ရှိအစိုးရဟာ အများပြည်သူဆီက အခွန်ကောက်ခံရမယ်ဆိုတဲ့ သီအိုရီကို မကျင့်သုံးဘဲ အခွန်ထမ်းဆောင်လိုသူများစွာ ပါဝင်လာနိုင်မယ့်အခွန်စနစ်ကိုသာ ကျင့်သုံးနေတယ်လို့ ဆိုတယ်။
အိမ်ခြံမြေ တရားဝင်ရောင်းဝယ်တဲ့အခါ အသုံးပြုရမယ့် တံဆိပ်ခေါင်းခွန်းကိုလည်း ပြီးခဲ့တဲ့ ဇွန်လအတွင်းက ငါး ရာခိုင်နှုန်းကနေ လေးရာခိုင်နှုန်း လျှော့ချပေးခဲ့တယ်။ နှစ်နှစ်ကျော် အပြောင်းအလဲမရှိတဲ့ အိမ်ခြံမြေတစ်ပေပတ်လည်စံနှုန်း သတ်မှတ်ချက်တွေကိုလည်း ကာလပေါက်ဈေးထက် လျှော့ချပြီး အသစ်ပြဋ္ဌာန်းဖို့ ကာလတန်ဖိုး စိစစ်ရေး အဖွဲ့က စီစဉ်နေပါတယ်။ အဲဒါအပြင် ၂၀၁၇-၂၀၁၈ စည်းကြပ်နှစ်အတွက် ရန်ကုန်တိုင်းဒေသကြီး အတွင်းမှာ မြေကွက်တန်ဖိုး စိစစ်သတ်မှတ်ရေးအဖွဲ့က အခွန်စည်းကြပ်ပေးတဲ့အခါ ဈေးနှုန်းတွေ လျှော့ချပေးခဲ့တယ်။
လက်ရှိမှာ မြန်မာ့စီးပွားရေက ကျဆင်းနေပြီး နိုင်ငံခြားရင်းနှီးမြှုပ်နှံမှုတွေလည်း လျော့ကျနေတာဖြစ်လို့ အိမ်ခြံမြေဈေးကွက်မှာ အရင်းအနှီးများများ မြှုပ်နှံလိုသူတွေ အတွက်ကတော့ မသင့်လျော်သေးဘဲ စောင့်ကြည့်ရမယ့် အနေအထားဖြစ်နေပါတယ်။ ဒါပေမဲ့ နိုင်ငံတော်အစိုးရရဲ့ ကွန်ဒိုမီနီယံ ဥပဒေတွေ ထွက်ရှိလာပြီး ဝင်ငွေခွန်နှုန်းထားတွေ လျှော့ချပေးတဲ့ တစ်နေ့ အိမ်ခြံမြေ ဈေးကွက် အားကောင်းမောင်းသန်ဖြစ်လာဖို့ မျှော်လင့်ရမှာ ဖြစ်ပါတယ်။
Credit: The Modern
