ရန်ကုန်တိုင်းဒေသကြီးအတွင်း ကျူးကျော်စမတ်ကတ်ရပြီးသူ အိမ်ငှားရမ်းနေထိုင်သူ အချို့သည် ပိုင်ရှင်ထံ ကတ် ပြန်အပ်နေရကြောင်း အိမ်ငှားရမ်း နေထိုင်သူ ကျူးကျော်များထံမှ စုံစမ်း သိရသည်။
မြေကွက် တစ်ကွက်ထက် ပို ဝယ်ယူထားသူအချို့သည် ကျူးကျော်စာရင်း ကောက်ယူချိန်က စမတ်ကတ်တစ်ခုသာ ထုတ်ခွင့်ရသဖြင့် အခြားမြေကွက်အတွက်ပါ စမတ်ကတ် ရရှိရန် ငှားရမ်း နေထိုင်သူများ ထားရှိကာ မှတ်ပုံတင်စေခဲ့ခြင်းဖြစ်ကြောင်း ပိုင်ရှင်ထံ စမတ်ကတ် ပြန်အပ်ရသူအချို့က ပြောကြားသည်။
ကျူးကျော်စမတ်ကတ်သည် မြေကွက်ပိုင်ဆိုင်မှုနှင့် မသက်ဆိုင်ဘဲ အမှန်တကယ် ကျူးကျော်နေထိုင်သူ ဖြစ်ရန်သာလိုကြောင်း၊ ကျူးကျော်စာရင်း ကောက်ယူစဉ်က လက်ဗွေစနစ်၊ မျက်လုံး အမှတ်အသားစနစ်နှင့် ဓာတ်ပုံ၊ နေရပ် လိပ်စာ စသည့် အချက်အလက်များဖြင့် ကောက်ယူခြင်းဖြစ်ကြောင်း ကျူးကျော်စာရင်း ကောက်ယူရေးအဖွဲ့ထံမှ သိရသည်။
“အခုလက်ရှိ ကျူးကျော်တဲ တစ်တဲကို တစ်လ သုံးသောင်းနဲ့ ငှားနေရတယ်။ ကျူးကျော်စမတ်ကတ်ရသူတွေကို နေအိမ်၊ တိုက်ခန်းတွေ ပေးမယ်ဆိုတော့ ပိုင်ရှင်က ကျွန်တော်တို့ဆီက ကျူးကျော် စမတ်ကတ်ကို ယူသွားတယ်”ဟု ရွှေပြည်သာမြို့နယ်တွင် နေထိုင်သူ ဦးကျော်ဝင်းက ဆိုသည်။
ကျူးကျော်နေထိုင်သူများကို တိုင်းဒေသကြီး အစိုးရအဖွဲ့မှ စာရင်းကောက်ယူကာ ကျူးကျော်ဖြစ်ကြောင်း အသိအမှတ်ပြုသည့် စမတ်ကတ်များ ထုတ်ပေးပြီးဖြစ်သောကြောင့် ကျူးကျော်နေထိုင်သူ ဖြစ်ကြောင်း မှန်ကန်မှု ရှိ၊ မရှိကို နိုဝင်ဘာလအတွင်း မြို့နယ်အလိုက် အိမ်တိုင်ရာရောက် စစ်ဆေးမည်ဖြစ်ကြောင်း ကျူးကျော်စာရင်း ကောက်ယူရေးအဖွဲ့မှ တာဝန်ရှိသူတစ်ဦးက ပြောကြားသည်။
“ကျူးကျော်တွေကိုစစ်ဖို့ ဒီလကုန်မှာ သင်တန်းပေးမယ်။ သင်တန်းပေးပြီးတာနဲ့ လိုက်စစ်မယ်။ တကယ်လို့ တစ်ယောက်တည်း ဆယ်ကတ်ကိုင်ထားတယ် ထားပါတော့။ ကတ်နာမည် ပေါက်ထားတဲ့သူကလည်း လိပ်စာအတိုင်း ရှိနေရမယ်။ ကတ်နဲ့ တိုက်စစ်မယ်။ ရောင်းစားခွင့်၊ လွှဲပြောင်းခွင့် မရဘူးလို့ ကတ်မှာ စည်းကမ်းက ပါပြီးသား။ စစ်ဆေးတွေ့ရှိရင် ကတ်ကို ပြန်သိမ်းမယ်။ ပျောက်ရင်တောင် ပြန်လျှောက်ခိုင်းထားတယ်”ဟု ၎င်းက ဆိုသည်။
ယင်းသို့ စစ်ဆေးရာတွင် စာရင်း မှန်ကန်မှုရှိပါက ကျူးကျော်ကတ် အသိမ်းခံရသူများကိုလည်း အမှန်အတိုင်း ဖြစ်စေရန် ဆောင်ရွက်ပေးမည် ဖြစ်ကြောင်း ကျူးကျော်စာရင်း ကောက်ယူရေးအဖွဲ့ထံမှ သိရသည်။
ကျူးကျော်စာရင်းများကို ရန်ကုန်တိုင်းတွင်း မြို့နယ် ၃၇ မြို့နယ်တွင် ၂၀၁၆ ခုနှစ်၊ စက်တင်ဘာလမှ ယခုနှစ် ဇူလိုင်လအထိ ကောက်ယူခဲ့ပြီး အိမ်ထောင်စု တစ်သိန်း ခြောက်သောင်းကျော်ကို စမစ်ကတ် ထုတ်ယူပေးခဲ့ကြောင်း ကျူးကျော် စာရင်းကောက်ယူရေး အဖွဲ့ထံမှ သိရသည်။
Credit: The Voice
