သပိတ်ကျင်းမြို့နယ်အတွင်း တပ်မတော်ကသိမ်းယူထားသည့်လယ်မြေဧက ၂၆၀၀ ပြန်လည်စွန့်လွှတ်

မန္တလေးတိုင်းဒေသကြီး သပိတ်ကျင်းမြို့နယ်အတွင်း တပ် မတော်က သိမ်းယူထားသော လယ်ယာမြေဧက ၂,၆၀၀ စွန့်လွှတ်ခဲ့ပြီး မူလတောင်သူများထံ ပြန်ပေးရန် စိစစ်နေကြောင်း တိုင်းဒေသကြီး လွှတ်တော်ကိုယ်စားလှယ်ဦးတင်မြင့်ဆွေက ပြောသည်။

သပိတ်ကျင်းမြို့နယ် မိုင်း ဒိုင်းကျေးရွာအုပ်စု၊ ဖုန်ကုန်းကျေး ရွာအုပ်စုနှင့် စမ္ပာယ်နဂိုကျေးရွာ အုပ်စုတို့မှ ၁၉၉၅ က တပ်မတော်က သိမ်းဆည်းထားသည့် လယ်ယာမြေများကို လက်ရှိတွင် အသုံး ပြုခြင်းမရှိ၍ ပြန်လည်စွန့်လွှတ် ခြင်းဖြစ်ပြီး
မူလတောင်သူများထံ ယခုလအတွင်း ပြန်ပေးရန် စိစစ် နေသည်။

‘‘သိမ်းကတည်းက သူတို့ သိပ်အသုံးမပြုတဲ့မြေတွေ။ သူတို့ အသုံးမပြုလို့လည်း လုပ်ရဲတဲ့ တောင်သူတွေက ဝင်လုပ်နေ တယ်။ ကြောက်တဲ့တောင်သူတွေ က ဝင်မလုပ်ဘူးပေါ့။ အဲဒီမှာ မူလတောင်သူတွေရော၊ မူလတောင် သူမဟုတ်တာတွေရော ဝင်လုပ် နေကြတယ်။ တချို့က သိမ်းခံရ တာနှစ်ဧကဆိုရင် ဝင်လုပ်နေတာက လေးဧကလောက်ပေါ့။ ဒါတွေ ကို အကုန်ရှင်းပြီး စိစစ်ရမှာ။ အခု သပိတ်ကျင်းမြို့နယ်ထဲမှာရှိတဲ့ ရပ်ကျေးလယ်ပြန်စစ်အဖွဲ့တွေ ရော၊ လယ်ဆည်အဖွဲ့တွေရော အကုန်သင်တန်းပေးနေတယ်။ ပြီးတာနဲ့ လုပ်ငန်းစတင်သွားမှာ’’ဟု ဦးတင်မြင့်ဆွေက ပြောသည်။

အဆိုပါကိစ္စနှင့်ပတ်သက်၍ သိမ်းဆည်းခံရသော ဒေသခံ တောင်သူအချို့ကို ဆက်သွယ်ရန် ကြိုးစားသော်လည်း ဆက်သွယ် မရခဲ့ပေ။ မန္တလေးတိုင်းဒေသကြီးတွင် သိမ်းဆည်းခံမြေများနှင့် ပတ် သက်၍ ယခင်အစိုးရလက်ထက်မှ လက်ရှိ အစိုးရသစ်အထိ ပြန်လည်စွန့်လွှတ်သည့်လယ်ယာမြေ ဧကသုံးသောင်းခွဲရှိသည့်အနက် အငြင်းပွားမှုမရှိသော ဧက ၃၄,၀၀၀ ကို မူလတောင်သူများထံ လွှဲပြောင်းပေးခဲ့ကြောင်း မန္တလေးတိုင်းဒေသကြီးစိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဒေါက်တာစိုးသန်းက ပြောကြားသည်။

ပြန်လည်စွန့်လွှတ်မြေဧက ၃၅,၀၀၀ တွင် တပ်မတော်က သိမ်း ဆည်းထားသော မြေဧက တစ် သောင်းခွဲဖြစ်ပြီး ကျန်မြေများကို ဌာနဆိုင်ရာနှင့် အရပ်ဘက်အဖွဲ့ အစည်းများက သိမ်းယူခဲ့ကြောင်း ပြီးခဲ့သည့်ဇူလိုင်က ပြုလုပ်ခဲ့သော
သတင်းစာရှင်းလင်းပွဲတစ်ခုတွင် ၎င်းက ပြောကြားသည်။

Credit: 7Daydaily