မြန်မာနိုင်ငံနှင့် ဂျပန်နိုင်ငံတို့ ပူးပေါင်း အကောင်အထည်ဖော် တည်ဆောက်လျက်ရှိသော သီလဝါ အထူးစီးပွားရေးဇုန် စီမံကိန်း၏ ဇုန်ဘီစီမံကိန်းတွင် မြန်မာသီလဝါ အထူးစီးပွားရေးဇုန် အများပိုင်ကုမ္ပဏီ (MTSH) က မြေဟက်တာ ၃၀ဝ ကျော် အကောင်အထည်ဖော်ခွင့် ရရှိမည်ဖြစ်ကြောင်း အဆိုပါကုမ္ပဏီထံမှ သိရသည်။
MTSH ကုမ္ပဏီသည် သီလဝါ အထူးစီးပွားရေးဇုန်၏ ဇုန်အေ စီမံကိန်း၌ မြေ ၃၅ ဟက်တာခန့်တွင် အိမ်ရာနှင့် စီးပွားရေး အဆောက်အအုံများကိုသာ အကောင်အထည်ဖော်ခွင့် ရရှိခဲ့ပြီး ယခု ဆက်လက် တည်ဆောက်နေသည့် ဇုန်ဘီ စီမံကိန်းတွင် စက်မှုလုပ်ငန်းများအတွက် အကောင်အထည်ဖော်ခွင့် ရရှိမည်ဖြစ်ကြောင်း MTSH ကုမ္ပဏီ၏ တာဝန်ရှိသူတစ်ဦးက ပြောကြားသည်။
“ကျွန်တော်တို့ ဇုန်အေမှာလုပ်တုန်းက ကိုယ့်တွဲဖက် ကုမ္ပဏီတွေဆီက လေ့လာခွင့် ရရှိထားပြီ။ ဒါကြောင့် ဇုန်ဘီမှာကျတော့ Industry ပိုင်းကိုပါ အကောင် အထည်ဖော်သွားမှာပါ”ဟု ၎င်းကဆိုသည်။
သီလဝါအထူးစီးပွားဇုန်၏ ဇုန်ဘီ စီမံကိန်းတစ်ခုလုံးသည် မြေဟက်တာ ၇၀ဝ ခန့်ကျယ်ဝန်းမည်ဖြစ်ပြီး ကနဦး အနေနှင့် ဇုန်ဘီစီမံကိန်းကို မြေ ၂၆၂ ဟက်တာခန့် အကောင်အထည်ဖော်သွား မည်ဖြစ်ကြောင်း MTSH ထံမှ သိရသည်။
လက်ရှိ အကောင်အထည်ဖော် တည်ဆောက်ပြီးစီးလျက်ရှိသည့် ဇုန်အေ စီမံကိန်း၌ နိုင်ငံတကာကုမ္ပဏီများက စက်ရုံ ၇၉ ခုအထိ ရင်းနှီးမြှုပ်နှံထားပြီး စက်ရုံ ၃၅ ရုံခန့်မှာ လုပ်ငန်းများလည် ပတ်လျက်ရှိနေပြီဖြစ်ကြောင်း MTSH ထံမှ သိရသည်။
Credit: The Voice
