မြန်မာနိုင်ငံအောက်ပိုင်း တနင်္သာရီ တိုင်းဒေသကြီးတွင် အကောင်အထည်ဖော် တည်ဆောက်မည့် ထားဝယ် အထူး စီးပွားရေးဇုန်၏ ပထမအဆင့် စီမံကိန်းအတွင်း ထိုင်း-မြန်မာ ပညာရှင်များ လေ့လာဆန်းစစ်မှုများ လုပ်ဆောင်လျက်ရှိကြောင်း အထူးစီးပွားရေးဇုန် စီမံခန့်ခွဲမှု ကော်မတီထံမှ သိရသည်။
လတ်တလောတွင် အဆိုပါ ပထမအဆင့် စီမံကိန်းတွင် ပါဝင်သည့် ထိုင်းနိုင်ငံနယ်စပ်မှ အထူးစီးပွားရေးဇုန်သို့ ဆက်သွယ်မည့်လမ်းမကြီး အကောင်အထည်ဖော်နိုင်ရန် လုပ်ဆောင်လျက်ရှိကြောင်း အဆိုပါကော်မတီမှ တာဝန်ရှိသူတစ်ဦးက ပြောကြားသည်။
ထားဝယ် အထူးစီးပွားရေးဇုန် အကောင်အထည်ဖော်နိုင်ရန်အတွက် သဘာဝ ပတ်ဝန်းကျင်နှင့် လူမှုဘဝဆန်းစစ်လေ့လာချက် (နှုဗ။ှုဗ) ကို လာမည့် သုံးလအတွင်း စတင် လုပ်ဆောင်မည်ဖြစ်ကြောင်း အဆိုပါ စီမံခန့်ခွဲမှု ကော်မတီထံမှ သိရသည်။
ထားဝယ် အထူးစီးပွားရေးဇုန်ကို ဂျပန်နိုင်ငံက စိတ်ဝင်စားမှု ရှိသော်လည်း ဆွေးနွေးညှိနှိုင်းမှုများ ထပ်မံ လုပ်ဆောင်ရန် လိုအပ်နေသေးကြောင်း အထူးစီးပွားရေးဇုန် စီမံခန့်ခွဲမှုကော်မတီ ဒုတိယဥက္ကဋ္ဌ ဦးဖြိုးဝင်းထွန်းက ပြောကြားထားသည်။
အဆိုပါ အထူးစီးပွားရေးဇုန် စီမံကိန်းကို အကောင်အထည်ဖော်ရန် ၂၀၁၀ ပြည့်နှစ်တွင် အီတာလျံ ထိုင်းကုမ္ပဏီနှင့် မြန်မာအစိုးရတို့အကြား လုပ်ငန်းလုပ်ကိုင်ခွင့် သဘောတူစာချုပ် ချုပ်ဆိုခဲ့ပြီး ကုမ္ပဏီက ၂၀၁၂ ခုနှစ်တွင် အထူးစီးပွားရေးဇုန် စီမံကိန်းတွင် ငွေကြေးရင်းနှီးမြှုပ်နှံမှုကို ရပ်ဆိုင်းလိုက်ကြောင်း ကြေညာခဲ့သည်။
လက်ရှိအချိန်တွင် မြန်မာနိုင်ငံ၌ ရေနက်ဆိပ်ကမ်း စီမံကိန်း ပါဝင်သော အထူးစီးပွားရေးဇုန် စီမံကိန်း သုံးခုကို လုပ်ဆောင်လျက်ရှိပြီး ရန်ကုန်မြို့ရှိ သီလဝါ အထူး စီးပွားရေးဇုန်တစ်ခုသာ လုပ်ငန်း လည်ပတ်လျက်ရှိကာ ရခိုင်ပြည်နယ်နှင့် တနင်္သာရီ တိုင်းဒေသကြီးတို့တွင် အကောင်အထည်ဖော်မည့် ကျောက်ဖြူ အထူးစီးပွားရေးဇုန်နှင့် ထားဝယ် အထူး စီးပွားရေးဇုန်တို့ကိုလည်း လုပ်ငန်းများ စတင် အကောင်အထည်ဖော်နိုင်ရန် လုပ်ဆောင်လျက်ရှိသည်။
Credit: The Voice
