ရန်ကုန်တိုင်းဒေသကြီး ကာကွယ်ရေးဝန်ကြီးဌာန စစ်ထောက် ချုပ်ရုံးပိုင် ဒဂုံမြို့နယ် တပ်မတော်စစ်သမိုင်း ပြတိုက်နေရာတွင် အဆင့်မြင့် ဟိုတယ်ဆောက်လုပ်ရန် မြေနေရာကို BOT စနစ် ဖြင့် နှစ် ၅၀ ငှားရမ်းထားပြီး ဆောက်လုပ်နေသည့်ကာလတွင် မြေငှားရမ်းခအနေဖြင့် တစ်နှစ်လျှင် အမေရိကန်ဒေါ်လာ ငါးသိန်းရရှိမည်ဖြစ်ကာ စီးပွားဖြစ်လည်ပတ်နေသည့် အချိန်တွင် တစ်နှစ်လျှင် အမေရိကန်ဒေါ်လာ ၁ ဒသမ ၈၂,၂၅၆ သန်း ရရှိမည်ဖြစ်ကြောင်း ရန်ကုန်တိုင်းဒေသကြီးအစိုးရအဖွဲ့ စီမံကိန်း နှင့် ဘဏ္ဍာရေးဝန်ကြီး ဦးမြင့်သောင်းက အောက်တိုဘာ ၃ ရက်၌ ပြောဆိုသည်။
စီးပွားရေးတိုးတက်မှု
ရန်ကုန်စစ်သမိုင်းပြတိုက်နေရာတွင် အမေရိကန်ဒေါ်လာ သန်း ၃၂၀ ကျော် ရင်းနှီး မြှုပ်နှံလုပ်ကိုင်မည့် ဟိုတယ်စီမံကိန်းတစ်ခု ဆောင်ရွက်နေသည့်သတင်း မှန်ကန်မှုရှိ မရှိ မှန်ကန်မှုရှိပါက အဆိုပါမြေနေရာသည် မည်သည့်ဌာနပိုင်မြေနေရာနှင့် အဆောက် အအုံဖြစ်ကြောင်း၊ အကျယ်အဝန်းဧရိယာ မည်မျှရှိ၍ မည်သည့်စနစ် မည်သည့်ပုံစံဖြင့် စာချုပ်ချုပ်ဆို၍ စီမံကိန်းလုပ်ကိုင်ကြောင်း နှင့် ပြည်သူများအတွက် မည်ကဲ့သို့ အကျိုးကျေးဇူးရှိမည်ကို အသေးစိတ်သိရှိလိုကြောင်း၊ ခွင့်ပြုခဲ့သည့် စီမံကိန်းအပေါ် ပြည်ထောင်စုနှင့် တိုင်းဒေသကြီး အစိုးရမှထုတ်ပြန်ထားရှိသည့် မြို့ပြအိမ်ရာစီမံကိန်းဆိုင်ရာ အချက်အလက်စည်းကမ်းများနှင့် ညီညွတ်မှု ရှိမရှိကို သိရှိလိုကြောင်း အောက်တိုဘာ ၃ ရက်က ကျင်းပသည့် ဒုတိယအကြိမ် ရန်ကုန်တိုင်းဒေသကြီးလွှတ်တော် ပဉ္စမပုံမှန်အစည်းအဝေး၌ ဒဂုံမြို့နယ် မဲဆန္ဒနယ်အမှတ်(၂) လွှတ်တော်ကိုယ်စားလှယ် ဦးကျော်ဇေယျ၏မေးမြန်းမှုကို ရန်ကုန်တိုင်း ဝန်ကြီးက အထက်ပါအတိုင်း ပြန်လည်ဖြေဆိုခဲ့သည်။
ဒီစီမံကိန်းကြီးပြီးရင်တော့ အလုပ်အကိုင်တွေရရှိခြင်း ရန်ကုန်မြို့ရဲ့စီးပွားရေးတိုးတက်မှုကို အထောက်အကူဖြစ်စေ ခြင်းတို့ ဆောင်ရွက်ပေးမှာဖြစ်ပါတယ် ဟု ၎င်းက လွှတ်တော် အတွင်း ပြန်လည်ဖြေကြားခဲ့သည်။
လုပ်ငန်းစီမံကိန်းကိုဆောင်ရွက်ခြင်းအတွက် မြန်မာနိုင်ငံက ထုတ်ပြန်ထားသော မြန်မာနိုင်ငံသား ရင်းနှီးမြှုပ်နှံမှု ဥပဒေနှင့် အညီ မြန်မာနိုင်ငံရင်းနှီးမြှုပ်နှံမှုကော်မရှင်က ပါမစ်များ ထုတ် ပေးထားသည့် လုပ်ငန်းဖြစ်ကြောင်း ရန်ကုန်တိုင်းစီမံကိန်းနှင့် ဘဏ္ဍာရေးဝန်ကြီးဦးမြင့်သောင်းက ထပ်မံပြောဆိုခဲ့သည်။
ဆက်စပ်မေးခွန်းအနေဖြင့် ဦးကျော်ဇေယျက မိမိသိရှိထားချက်အရ ယခုစီမံကိန်းမှာ တိုင်းဒေသကြီးသတ်မှတ်ချက်နှင့် အထပ်အရေအတွက်မှာ ကိုက်ညီမှုမရှိဟုယူဆသဖြင့် သိရှိလိုခြင်း ဖြစ်ကြောင်းမေးမြန်းရာ ဝန်ကြီးက ဆောက်လုပ်ရေးဝန်ကြီးဌာန စည်ပင်သာယာရေးကော်မတီနှင့် မြန်မာနိုင်ငံ ရင်းနှီးမြှုပ်နှံမှု ကော်မတီ တို့ညှိနှိုင်းပြီး အထပ်အရေအတွက်ကို အဆုံးအဖြတ်ရယူ ရဦးမည်ဟုယူဆကြောင်း ပြန်လည်ဖြေကြားခဲ့သည်။
Credit: Myanmar Times
