စင်္ကာပူနိုင်ငံသား ၁၀ ဦးတွင် ငါးဦးနီးပါးက မဝေးတော့သည့် အနာဂတ်တွင်
လူနေအိမ်ခြံမြေ ၀ယ်ယူလိုကြကြောင်း အာရှထိပ်တန်းအိမ်ခြံမြေ၀က်ဘ်ဆိုက်ဒ်
PropertyGuru ၏ ၂၀၁၇ ပထမနှစ်ဝက်အတွက် ဒေသဆိုင်ရာ
အိမ်ဝယ်ယူလိုစိတ်စစ်တမ်းအရ သိရသည်။
ယင်းစစ်တမ်းတွင် စင်္ကာပူက ထိုင်း၏ ရလဒ် ၄၃ ရခိုင်နှုန်းထက် မြင့်သော်လည်း ၅၂ ရာခိုင်နှုန်းနှင့် ရာခိုင်နှုန်း ၆၀ အသီးသီး ရှိကြသည့် မလေးရှားနှင့် အင်ဒိုနီးရှားတို့၏ ရလဒ်များအောက် နိမ့်သည်။
စင်္ကာပူတွင် ယင်းသို့ အိမ်ခြံမြေ၀ယ်ယူလိုစိတ် အားကောင်းသော်လည်း အိမ်ခြံမြေရှာဖွေသူများသည် အိမ်ခြံမြေဈေးနှုန်းများနှင့်ပတ်သက်၍ စိုးရိမ်နေကြရဆဲ ဖြစ်သည်။
အိမ်ခြံမြေ၀ယ်ယူရန်တတ်နိုင်မှုအခြေအနေသည် ၂၀၁၆ ခုနှစ် ဒုတိယနှစ်ဝက်အတွက် စစ်တမ်းကအတိုင်း ယခုနှစ်ပထမနှစ်ဝက်တွင် စင်္ကာပူက ၂၉ ရာခိုင်နှုန်း၊ ထိုင်းက ၃၄ ရာခိုင်နှုန်း၊ အင်ဒိုနီးရှားက ၅၂ ရာခိုင်နှုန်းနှင့် မလေးရှားက ၃၈ ရာခိုင်နှုန်း ရှိခဲ့ပြီး မပြောင်းလဲခဲ့ပေ။
"စင်္ကာပူမှာ အိမ်ဝယ်လိုစိတ် ဆက်လက်အားကောင်းနေတာကို တွေ့ရပေမဲ့
သုံးစွဲသူတွေက အိမ်ဝယ်ဖို့ သူတို့ရဲ့ တတ်နိုင်စွမ်းနဲ့ ပတ်သက်ပြီး စိုးရိမ်မှုတွေကို ဆက်လက်ဖော်ပြနေကြပါတယ်။ စင်္ကာပူအိမ်ခြံမြေဈေးကွက်ဟာ ၂၀၁၈ ခုနှစ်မှာ
ပြန်လည်နာလန်ထူလာနိုင်ပေမဲ့လည်း ၀ယ်ယူဖို့တတ်နိုင်စွမ်းနဲ့ပတ်သက်လို့
စိုးရိမ်မှုတွေဟာ ရောင်းလိုအားကို ဆက်လက်ကန့်သတ်နေနိုင်ပါတယ်" ဟု PropertyGuru လုပ်ငန်းစု၏ စီအီးအို (အမှုဆောင်အရာရှိချုပ်) ဟာရီဗွီခရစ်ရ်ှနန်က ပြောကြားခဲ့သည်။
စင်္ကာပူနိုင်ငံသားများသည် အိမ်သစ်နှင့် အသုံးပြုပြီး ပြန်လည်ရောင်းချသည့် အိမ် နှစ်မျိုးစလုံးကို ၀ယ်ယူလိုကြကြောင်း၊ ထိုင်း၊ အင်ဒိုနီးရှားနှင့် မလေးရှားတို့မှ နိုင်ငံသားတို့က
အိမ်သစ်ကိုသာ ၀ယ်ယူလိုကြကြောင်းလည်း အထက်ပါစစ်တမ်းက ဖော်ပြခဲ့သည်။
အိမ်ဝယ်ယူရာတွင် တည်နေရာနှင့် လုံခြုံမှုတို့ကို အဓိကအချက်များအဖြစ်
စဉ်းစားမည်ဖြစ်ကြောင်းလည်း စစ်တမ်းတွင် ဖြေဆိုသူများက ပြောကြားခဲ့ကြသည်။
PropertyGuru သည် စင်္ကာပူ၊ မလေးရှား၊ ထိုင်းနှင့် အင်ဒိုနီးရှားတို့မှ နိုင်ငံသား ၃,၁၀၀ ကို မေးမြန်းစစ်တမ်းကောက်ယူ၍ ၎င်းစစ်တမ်းကို ဆန်းစစ်လေ့လာခဲ့ခြင်းဖြစ်ကြောင်း သိရသည်။
ခင်အေးချမ်း မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com
