ရန်ကုန်မြို့လယ်တွင် ၂၅ ထပ်အမြင့်ရှိ ကြယ်ငါးပွင့်ဟိုတယ်ဖွင့်လှစ်မည်

စင်ကာပူအခြေစိုက် Pan Pacific ဟိုတယ်လုပ်ငန်းစု က ရန်ကုန်မြို့ Junction City ၌ ၂၅ ထပ်ရှိသည့် ကြယ်ငါးပွင့်ဟိုတယ်ကို လာမည့် နိုဝင်ဘာတွင်စတင်ဖွင့်လှစ်မည်ဖြစ်ကြောင်း ယင်းလုပ်ငန်းစုက ထုတ်ပြန်ကြေ ညာသည်။

ကြယ်ငါးပွင့်အဆင့်ရှိ အဆို ပါဟိုတယ်သည် ရန်ကုန်မြို့ အ ချက်အချာကျသည့် ဗိုလ်ချုပ်ဈေး၊ဆူးလေစေတီနှင့် ရွှေတိဂုံစေတီ အနီးတစ်ဝိုက်တွင် ဖွင့်လှစ်ခြင်း ကြောင့် ဈေးကွက်အလားအလာ ကောင်းသည်ဟု ထုတ်ပြန်ချက်က ဆိုသည်။

‘‘အခုလို ဟိုတယ်ဖွင့်လှစ် ခြင်းက အာရှ-ပစိဖိတ်ဒေသမှာ ခြေလှမ်းသစ် ထပ်မံလှမ်းယူတာ ပါ။ နောက်ပြီး မြန်မာနိုင်ငံရဲ့ ခရီး သွားလုပ်ငန်းနဲ့ ဟိုတယ်ကဏ္ဍ တွေ တိုးတက်ဖို့လည်း အထောက် အကူပြုသွားမှာပါ’’ဟု Pan Pacific ဟိုတယ်အုပ်စု အမှု ဆောင်အရာရှိချုပ် မစ္စတာလိုသာ နက်စ်မန်းက ပြောသည်။

ယခုဖွင့်လှစ်သည့် ဟိုတယ် သည် စီးပွားရေးလုပ်ငန်းရှင်ကြီး များနှင့် ဇိမ်ခံအနားယူလိုသည့် ခရီးသွားများကို ဦးတည်ကြောင်း ထုတ်ပြန်ချက်တွင် ပါရှိသည်။ အဆိုပါ Pan Pacific ဟိုတယ် အုပ်စုသည် မြန်မာနိုင်ငံတွင် ParkRoyal အမည်ဖြင့် ရန်ကုန်နှင့် နေပြည်တော်၌ ဟိုတယ်နှစ်လုံး ဖွင့်လှစ်ထားသည်။

‘‘သူတို့က ကြယ်ငါးပွင့်အ ဆင့်ဆောက်ထားလို့ သတ်မှတ် လိုက်တာဖြစ်မယ်။ အခုနောက် ပိုင်း ကြယ်တွေနဲ့ ဟိုတယ်တွေ ကို သတ်မှတ်လေ့မရှိတော့ဘူး’’ ဟု မြန်မာနိုင်ငံ ဟိုတယ်လုပ်ငန်း ရှင်များအသင်း ဒုတိယဥက္ကဋ္ဌ ဦးခင်မောင်ပြုံးက ပြောသည်။

လက်ရှိတွင် ရန်ကုန်မြို့၌ ကြယ်ငါးပွင့်အဆင့်ရှိ ဟိုတယ် ရှစ်လုံးခန့်သာ ရှိကြောင်း ၎င်းက ဆက်လက်ပြောသည်။

မြန်မာနိုင်ငံတွင် လက်ရှိ ဟိုတယ် ၁,၄၃၂ လုံးဖွင့်လှစ်ထားပြီး ရန်ကုန်၌ ၃၅၄ လုံး ဖွင့်လှစ်ထားသည်။ မြန်မာနိုင်ငံတွင် ၁၀ နိုင်ငံက ဟိုတယ်လုပ်ငန်း ၅၆ ခုလာရောက် ရင်းနှီးမြှုပ်နှံလုပ်ကိုင် နေသည်။ ယင်းတို့အနက်စင်ကာပူနိုင်ငံက ဟိုတယ်လုပ်ငန်း ၂၆ ခုဖြင့် အများဆုံးရင်းနှီးမြှုပ်နှံထားပြီးထိုင်းနိုင်ငံက ဒုတိယအများဆုံး ဖြစ်သည်။ ထို့နောက် ဟောင် ကောင်နှင့် ဂျပန်တို့က အဆင့် လိုက် အများဆုံးရင်းနှီးမြှုပ်နှံထား သည်။

Credit: 7DayDaily