အမေရိကန်ပြည်ထောင်စု၊ ကွန်နက်တီကပ်ပြည်နယ် အနောက်တောင်ဘက်စွန်းရှိ ဖဲရ်ဖီးဒ်ခရိုင်၊ ဒါရီယန်မြို့တွင် မြေခွေး၊ မြွေပါနှင့် အခြားတောရိုင်း တိရစ္ဆာန်များစွာရှိသော ကျွန်းကြီးတစ်ကျွန်း အရောင်းဈေးကွက်ဝင်လာကြောင်း နယူးယောက်အခြေစိုက် အိမ်ခြံမြေ သတင်း ဝက်ဘ်ဆိုက်တစ်ခုတွင် ဖော်ပြသည်။
တောရိုင်းသဘာဝအလှများရှိရာအဖြစ် နာမည်ကျော်သည့်ကျွန်းဖြစ်ပြီး ဝန်းကျင်ပင်လယ်နှင့် တောအုပ်မြင်ကွင်းများကို ၃၆၀ ဒီဂရီ ရှုမြင်နိုင်သည်။
နေအိမ်အဆောက်အအုံတစ်လုံးပါဝင်ပြီး အိပ်ခန်း ၅ ခန်း၊ ရေချိုးခန်း ၈ ခန်းပါဝင်ကာ ကျွန်းအကျယ်အဝန်းမှာ ၇ ဒသမ ၁ ဧကခန့် ရှိသည်။
“ဒါရီယန်မှာ ကမ်းစပ်နဲ့ ဆက်စပ်နေပြီး ၇ ဧကကျော်ကျယ်ဝန်းတဲ့ တခြားဒီလိုနေရာမရှိပါဘူး” ဟု အရောင်းဈေးကွက်တင်သည့် Sotheby’s International Realty မှ အကျိုးဆောင် ကင်မ် ဟပ်ဖာ့ဒ်က ပြောကြားသည်။
နေအိမ်အဆောက်အအုံကို ၂၀၀၉ ခုနှစ်တွင် ဆောက်လုပ်ခဲ့ခြင်းဖြစ်ပြီး စုစုပေါင်း အခန်း ၁၁ ခန်း ပါဝင်သည်။
တောင်ဘက်တွင် လောင်းအိုင်းလန်း၏ ရှုမျှော်ခင်းများကို တွေ့မြင်ရမည်ဖြစ်ပြီး မြောက်ဘက်တွင်မူ Goodwives မြစ်နှင့် Rings End တံတားတို့၏ အလှကို တွေ့မြင်နေရသည်။
၂၀၁၆ ခုနှစ်၊ ဇွန်လအတွင်းက ပထမဆုံးအကြိမ် အရောင်းဈေးကွက်တင်ခဲ့သော်လည်း ရောင်းမထွက်ခဲ့ချေ။
နံရံများကို ဆေးအဖြူရောင်သုတ်ထားပြီး မျက်နှာကျက်မှာ ၁၂ ပေခန့် မြင့်မားသည့်အပြင် ကြမ်းပြင်မှ မျက်နှာကျက်အထိ မြင့်မားသည့် ပြင်သစ်တံခါးများ တပ်ဆင်ထားခြင်းကြောင့် ပြာလဲ့လဲ့ ပင်လယ်ရေပြင်၏ အလှကို နေအိမ်တွင်းမှ ခံစားကြည့်ရှုနိုင်သည်။
ယင်းသို့သော တံခါးပေါင်း ၁၀ ခုခန့်ပါဝင်ရာ နေအိမ်သို့လာရောက်လည်ပတ်မည့် ဧည့်သည်များသည် နေအိမ်တွင်းမှ ဝိုင်သောက်ရင်း ကမ်းစပ်မှ လှေများကို လှမ်းမျှော်ကြည့်ရှုနိုင်သည်။
အေးစက်သော ဆောင်းလများတွင် အအေးဒဏ်ကို အံတုနိုင်ရန်အတွက် ထုံးကျောက်ဖြင့် ပြုလုပ်ထားသော မီးလင်းဖို ၂ ခုပါဝင်ပြီး စာဖတ်ခန်းနှင့် ရုံးခန်းတစ်ခန်းလည်း တွေ့ရသည်။
အိပ်ခန်း ၅ ခန်းလုံးတွင် သီးခြားရေချိုးခန်းများ ပါဝင်ပြီး ရေစိမ်ကန်တစ်ခုစီလည်း ထည့်သွင်းပေးထားသည်။
ကျွန်းပေါ်တွင် မြက်ခင်းများ၊ သစ်သီးဝလံမျိုးပေါင်းများစွာ ပါဝင်ရာ ချယ်ရီ၊ စပျစ်၊ ပန်းသီးနှင့် ဇီးချိုသီးပင်များလည်း အပါအဝင်ဖြစ်ကာ ကျယ်ပြောသည့် ဟင်းသီးဟင်းရွက်စိုက်ခင်းတစ်ခုလည်း တွေ့ရသည်။
မူလက အဆိုပါကျွန်းကို ၂၀၀၇ ခုနှစ်အတွင်း ကန်ဒေါ်လာ ၅ ဒသမ ၂၇ သန်းဖြင့် အရောင်းအဝယ်ဖြစ်ခဲ့ပြီး စားကျက်မြေ အကျယ်အဝန်း ၃ ဒသမ ၅ ဧကပါဝင်သည်။
နောက်ပိုင်း ၂၀၁၂ ခုနှစ်တွင် စားကျက်မြေကို Darien Land Trust သို့ ရောင်းချလိုက်သည်။
ကျွန်းပေါ်နှင့် စားကျက်မြေသည် ရွှေ့ပြောင်းကျေးငှက်များနှင့် တောရိုင်းတိရ စ္ဆာန်တို့ ကျက်စားစုဝေးရာဖြစ်လာခဲ့ပြီး ဗျိုင်း၊ ငဟစ်၊ သိမ်း၊ မြေခွေး၊ မြွေပါနှင့် အခြား တိရစ္ဆာန်မျိုးစိတ်များစွာ တွေ့ရကြောင်း ဈေးကွက်တင်သည့်
ကုမ္ပဏီ၏ ကြော်ငြာတွင် ဖော်ပြထားသည်။
ခေါ်ဈေးမှာ ကန်ဒေါ်လာ ၁၆ ဒသမ ၂၅ သန်းဖြစ်သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
