ပြည်တွင်းရှိ ပုဂ္ဂလိကအာမခံကုမ္ပဏီများအနေဖြင့် အာမခံအမျိုးအစားလေးမျိုးကို ပြီးခဲ့သည့် ဇူလိုင်လမှ စတင်၍ ထပ်မံလုပ်ကိုင်ခွင့် ရရှိခဲ့ကြောင်း ပုဂ္ဂလိက အာမခံကုမ္ပဏီများထံမှ သိရသည်။
လက်ရှိတွင် မြန်မာနိုင်ငံ၌ ပုဂ္ဂလိကအာမခံကုမ္ပဏီ ၁၁ ခုရှိပြီး အာမခံအမျိုးအစား ကိုးမျိုးကို လုပ်ကိုင်ခွင့် ပြုထားကြောင်း သိရသည်။ ပြီးခဲ့သည့် ဇူလိုင်လမှ စတင်ကာ အာမခံအမျိုးအစား လေးမျိုးဖြစ်သည့် ခရီးသွားအာမခံ၊ ရေယာဉ်ကိုယ်ထည်အာမခံ၊ တောင်သူလယ်သမား အသက်အာမခံ၊ ကိုယ်အင်္ဂါထိခိုက်မှုအာမခံ စသည်တို့ကို ပုဂ္ဂလိက ကုမ္ပဏီများမှ စတင်ဝန်ဆောင်မှု ပေးလျက် ရှိကြောင်း ပုဂ္ဂလိကအာမခံကုမ္ပဏီများထံမှ သိရသည်။
''ပုဂ္ဂလိကအာမခံကုမ္ပဏီတွေအနေနဲ့ မြန်မာ့အာမခံ မှာ အာမခံအမျိုးအစားပေါင်း ၄၆ မျိုးကျော်ရှိပြီး စစချင်း ခြောက်မျိုး ချပေးခဲ့ပါတယ်။ နောက်တော့ ၁၁ မျိုးအထိ လုပ်ကိုင်ခွင့်ရခဲ့ပြီး သိပ်မကြာခင်မှာပဲ အာမခံအမျိုး အစား စုစုပေါင်း ၂ဝ လောက်ကို ပုဂ္ဂလိကကို လုပ်ကိုင် ဖို့အတွက် ခွင့်ပြုပေးမယ်လို့ သိရပါတယ်။ ဒါ့အပြင် မြန်မာ့ အာမခံမှာ မရှိသေးတဲ့ အာမခံအမျိုးအစားသစ်တွေကိုလည်း တင်ပြလာတဲ့အပေါ်မှာ စိစစ်ခွင့်ပြုဖို့ ရှိတဲ့အခါမှာ ကျွန်တော်တို့အနေနဲ့ သီးနှံအာမခံကို Pilot Project အနေနဲ့ လုပ်ကိုင်ဖို့အတွက် ပြင်ဆင်မှုအနေအထားတွေ ရှိပါတယ်''ဟုGlobal World Insuranceကုမ္ပဏီမှ ဒါရိုက်တာ ဦးစိုးဝင်းသန့်က ရှင်းပြသည်။
ပုဂ္ဂလိကအာမခံကုမ္ပဏီနှင့် အာမခံကိုယ်စားလှယ် များတွေ့ဆုံပွဲကို စက်တင်ဘာ ၈ ရက်က ရန်ကုန်မြို့တွင် ကျင်းပခဲ့ပြီး အဆိုပါအခမ်းအနားတွင်Global World Insurance ကုမ္ပဏီမှ ဒါရိုက်တာ ဦးစိုးဝင်းသန့်က ကိုယ်စားလှယ်များအား ရှင်းလင်းပြောကြားခဲ့ခြင်းဖြစ် သည်။ အဆိုပါအခမ်းအနားတွင် အာမခံဝန်ထမ်းဟောင်း များအသင်းသို့ အလှူငွေကျပ်ခြောက်သိန်းကိုGlobal World Insurance ကုမ္ပဏီက ပေးအပ်လှူဒါန်းခဲ့သည်။
''အာမခံဈေးကွက်မှာ အာမခံကိုယ်စားလှယ်တွေ အပြင် အာမခံပွဲစားတွေ ပေါ်ပေါက်လာပါလိမ့်မယ်။ အာမခံပွဲစားကတော့ မြန်မာပြည်မှာ မရှိသေးပါဘူး။ အာမခံဥပဒေရေးဆွဲစဉ်ကတည်းက အာမခံပွဲစားတွေကို လည်း လိုင်စင်ပေးမယ်ဆိုတဲ့ ရည်ရွယ်ချက်နဲ့ ဆွဲထားပါ တယ်။ ဒါပေမယ့် တစ်နေ့တော့ ရောက်လာမှာပါ။ တခြားနိုင်ငံတွေမှာ ရှိပြီးသားပါ။ သိပ်မဝေးလှတဲ့ အနာ ဂတ်မှာပေါ့။ ၂ဝ၁၉ လောက်မှာ အာမခံပွဲစားဆိုတာ ထပ် ပေါ်လာဖို့ရှိပါတယ်။ အာမခံကိုယ်စားလှယ်ဆိုတာ အာမခံ ကုမ္ပဏီရဲ့ အေးဂျင့်တွေပါ။ အာမခံပွဲစားဆိုတာက အာမခံ ထားသူတွေရဲ့ အေးဂျင့်တွေပေါ့။ အဲလို ကွာသွားပါတယ်။ အာမခံထားသူတွေရဲ့ အေးဂျင့်တွေ ပေါ်ပေါက်လာရင် တော့ အာမခံထားသူတွေက ပိုအကျိုးရှိတယ်။ အာမခံ ထားချင်တယ်ဆိုရင် ဘယ်ကုမ္ပဏီမှာ ထားလို့သင့်တော်လဲ ဆိုတာကို အာမခံပွဲစားတွေက လိုက်ကြည့်ပေးနေမှာပေါ့''ဟု စီမံကိန်းနှင့်ဘဏ္ဍာရေးဝန်ကြီးဌာန ဒုတိယဝန်ကြီး (ငြိမ်း)ဒေါက်တာမောင်မောင်သိမ်းက အဆိုပါအခမ်းအနား တွင် အာမခံဈေးကွက်နှင့် အလားအလာအပေါ် သုံးသပ် ပြောကြားခဲ့သည်။
ပုဂ္ဂလိက အာမခံကုမ္ပဏီများအနေဖြင့် အဓိက အများဆုံးဆောင်ရွက်ပေးနေရသည့် အာမခံဝန်ဆောင်မှု မှာ အလုံးစုံမော်တော်ယာဉ် အာမခံအမျိုးအစားနှင့် မီးအာမခံတို့ဖြစ်ကြောင်း သိရသည်။
အလားတူ လျော် ကြေးပေးအပ်ရမှု အများဆုံးမှာလည်း မော်တော်ယာဉ် အလုံးစုံ အာမခံမှဖြစ်ပြီး ယခုကဲ့သို့ အာမခံအမျိုးအစားများ ထပ်မံဝန်ဆောင်မှု ပေးလာနိုင်သည့်အတွက် အာမခံဈေး ကွက် ပိုမိုကျယ်ပြန့်လာနိုင်ပြီး ပြည်သူများကြား တွင်လည်း အာမခံဗဟုသုတနှင့် အသိအမြင်ဆိုင်ရာ အသိ ပညာပေးမှုများ ပိုမိုဆောင်ရွက်ရန် လိုအပ်ကြောင်း အာမခံပညာရှင်များက သုံးသပ်သည်။
Credit: The Mirror
