ရန်ကုန်တိုင်းဒေသကြီးအတွင်းရှိ သိမ်းဆည်းခံ လယ်ယာမြေနှင့် အခြားမြေ များအား မူလပိုင်ရှင်များထံ ပြန်လည်ပေးအပ်နိုင်ရေး၊ လျော်ကြေးပေးနိုင်ရေး အမြန်ဆုံးဖြေရှင်းနိုင်ရန် ဆောင်ရွက်သွားမည်ဖြစ်ကြောင်း လွှတ် တော်ကိုယ် စားလှယ်များက ဆိုသည်။
ထိုသို့ ဆောင်ရွက်နိုင်ရန်အတွက် ရန်ကုန်တိုင်းဒေသကြီး အစိုးရအဖွဲ့နှင့် တိုင်းဒေသကြီးအတွင်းရှိ အမျိုးသားလွှတ်တော် ကိုယ်စားလှယ်များ၊ ပြည်သူ့ လွှတ်တော် ကိုယ်စားလှယ်များ၊ တိုင်းဒေသကြီးလွှတ်တော် ကိုယ်စားလှယ် များ စက်တင်ဘာ ၁၀ ရက်တွင် ရန်ကုန်တိုင်းဒေသကြီး အစိုးရအဖွဲ့ရုံး တွင် တွေ့ဆုံဆွေးနွေးခဲ့ကြောင်း သိရသည်။
ရန်ကုန်တိုင်းဒေသကြီးအတွင်းရှိ သိမ်းဆည်းခံ လယ်ယာမြေအမှုပေါင်း ၁၁၀၀၀ ၀န်းကျင်ခန့်ရှိရာ စစ်ဆေးပြီးစီးမှုမှာ အမှု ၄၀၀ ခန့်သာ ရှိသေးသဖြင့် အဆိုပါအမှုတွဲများကို မြန်မြန်ဆန်ဆန်ဖြင့် ယခု အစိုးရလက်ထက်အတွင်း ပြီးစီးအောင် ဆောင်ရွက်ရန်နှင့် သိမ်းဆည်းခံ မူလပိုင်ရှင်များ မြေပြန်လည် ရရှိရေးကို အရေးကြီးဆုံး အလုပ်အဖြစ် သတ်မှတ်ကာ ဌာနဆိုင်ရာများနှင့် လွှတ်တော်ကိုယ်စားလှယ်များ ပူးပေါင်းဆောင်ရွက်ကြရန် ဆွေးနွေးခဲ့ကြေ ကြာင်း မင်္ဂလာဒုံမြို့နယ် ပြည်သူ့ လွှတ်တော်ကိုယ်စားလှယ် ဦးအောင်လှိုင် ၀င်းက ပြောကြားသည်။
“ဒီဟာတွေကို အမြန်ဆုံးနည်းလမ်းကို ရှာပြီးတော့ လုပ်မယ်ပေါ့။ လုပ်မယ် ဆိုတော့ ရပ်ကွက်ရယ်၊ မြို့နယ်ရယ်၊ ခရိုင်ရယ် တိုင်းရယ်ဆိုပြီး မသွားေ တာ့ဘူး။ တစ်ပြိုင်တည်း တစ်ခါတည်း ပေါင်းစစ်မယ်။ ဥပမာ ဒီနေ့မှာတော့ ကျွန်တော့်မြို့နယ်မှာ အမှု ၅၀ ကို စစ်မယ်ဆိုရင် ရပ်ကွက်၊ မြို့နယ်၊ ခရိုင်၊ တိုင်းတို့က လယ်စစ် ကော်မတီတွေကိုခေါ်၊ ပြီးတော့ လွှတ်တော်ကိုယ်စား လှယ်ပါ ခေါ်ပြီး တစ်ထိုင်တည်း ကြားနာမယ်ပေါ့။ တစ်ထိုင်တည်း ကြားနာပြီးတော့ ဗဟိုလယ်၊စစ်ကို တင်ပြီးတော့ အဲဒီမြေကို ပြန်ပေးမယ်ပေါ့။ အဲဒီလိုပါ။ တစ်ခြား တိုင်းဒေသကြီးတွေမှာတော့ ဒီလိုတော့ မလုပ်ပါဘူး။ ဒါကတော့ ၀န်ကြီးချုပ် အစီအမံပေါ့” ဟု ဦးအောင်လှိုင်ဝင်းက ပြောကြား သည်။
ထိုကဲ့သို့ တစ်ထိုင်တည်း စစ်ဆေးမည် ဖြစ်သောကြောင့် မြေပြင်အခြေအနေ ကွင်းဆင်းစစ်ဆေးရန်၊ လူသက်သေ၊ ပစ္စည်းသက်သေများ ခေါ်ယူစစ်ဆေးရန် အတွက် အခက်အခဲရှိသောကြောင့် မှားယွင်းဆုံးဖြတ်နိုင်ခြေ ရှိသော်လည်း လက်ရှိအစိုးရလက်ထက်တွင် သိမ်းဆည်းခံ လယ်ယာမြေများနှင့်ပတ်သက်၍ မူလပိုင်ရှင်များအား ပြန်လည်ပေးအပ်ရန်နှင့် မြေပြန်လည်မပေးနိုင်ပါက လျော်ကြေးပေးနိုင်ရန် ဆောင်ရွက်သွားမည်ဖြစ်ကြောင်းလည်း ဦးအောင်လှိုင် ၀င်းက ပြော ကြားသည်။
“လယ်ဆိုတာက ထွက်ပြေးသွားလို့ရတဲ့ ပစ္စည်းမဟုတ်တဲ့အတွက် မှားယွင်း ခဲ့ရင်တော့ မှားယွင်းတဲ့ဟာတွေကို ပြန်စိစစ်ပြီးတော့ ပြန်ပယ်ဖျက်လို့ရတယ်။ ဥပဒေမှာလည်း လုပ်ခွင့်ပေးထားတယ်။ အဲဒါကြောင့်မို့ အဓိက,ကတော့ ပေး လိုက်နိုင်ဖို့ပါပဲ။ အမှားမရှိနိုင်ဘူးလို့တော့ မဆိုလိုဘူး။ အမှားရှိမယ်။ သို့သော် အဲဒီအမှားကို ပြန်ပြင်မယ်။ လောလောဆယ် မူလပိုင်ရှင်တွေကို အမြန်ဆုံး ချပေးဖို့ပါပဲ။ ဒီသဘောမျိုးလုပ်မှာပါ” ဟု ဦးအောင်လှိုင်ဝင်းက ဆိုသည်။
အလားတူ လှိုင်သာယာမြို့နယ်မှ ပြည်သူ့လွှတ်တော် ကိုယ်စားလှယ်ဦးဝင်း မင်းက “ကျွန်တော်တို့ အမျိုးသားဒီမိုကရေစီအဖွဲ့ချုပ် အစိုးရအနေနဲ့ကတော့ သိမ်းဆည်းခံ လယ်ယာမြေ လျော်ကြေး၊ နစ်နာကြေးကို လယ်သမားတွေကို ရစေချင်တဲ့အခါကျတော့ ကျွန်တော်တို့အစိုးရ လက်ထက်မှာ အမှုအခင်း ရှင်းနိုင်အောင် ဦးစားပေးပြီးတော့ပေါ့၊ မြန်မြန်ပြီးမယ့်ကိစ္စတွေကို စိစစ်ပြီးေ တာ့ ဖြေရှင်း ဆောင်ရွက်ပေးဖို့ပါ။ အချိန်အတိုင်း အတာတော့ မသတ်မှတ် ထားပါဘူး။ အရင်တုန်းက ဥပဒေနဲ့မညီ သိမ်းခဲ့တာတွေရှိမယ်။ ဒါတွေထဲက လွယ်တဲ့ကိစ္စတွေကို ကျွန်တော်တို့က အရင်ဆုံး ဖြေရှင်းရမှာပေါ့” ဟု ပြော ကြားသည်။
သိမ်းဆည်းခံလယ်ယာမြေနှင့် အခြား မြေများနှင့် ပတ်သက်၍ ပြည်သူ့ လွှတ်တော် ဥက္ကဋ္ဌ ဦးဝင်းမြင့်ကလည်း ဇွန် ၁၂ ရက်က ပြည်သူ့လွှတ်တော် တွင် စီမံကိန်း လုပ်ဆောင်မှု မရှိသေးသည့် သိမ်းဆည်းထားသော မြေနေ ရာများအား မူလပိုင်ရှင်များထံ ပြန်လည်ပေးအပ်ရန် အစီအစဉ် ရှိ မရှိ ကိုယ် တိုင်မေးခွန်းထုတ် မေးမြန်းခဲ့ပြီး လွှတ်တော်ကိုယ်စားလှယ်များ အနေဖြင့် လည်း လယ်ယာမြေများ သိမ်းဆည်းခံရခြင်းမှ ပြန်လည်စိစစ်ရေး ဗဟိုေ က်ာမတီတွင် မပါဝင်ပါက ပါဝင်နိုင်ရန် ဆောင်ရွက်ရန်နှင့် မူလပိုင်ရှင်များ ထံ ပြန်လည်ပေးအပ်နိုင်ရန်အတွက် ဥပဒေနှင့်အညီ မှန်မှန်ကန်ကန်၊ တရားမျှမျှဖြစ်စေရန် အဂတိ၊ ဘက်မလိုက်ဘဲ သက်ဆိုင်ရာအာဏာပိုင်များနှင့် ပူးပေါင်းဆောင်ရွက်ကြရန်လိုအပ်ကြောင်း ပြောကြားထားသည်။
Credit: Eleven Media Group
