တရုတ်နိုင်ငံ၊ ရှန်ဟိုင်းမြို့တွင် ဝယ်လက်တို့ထံမှ လာဘ်ငွေ ကန်ဒေါ်လာ ၇ သိန်းကျော် ရယူခဲ့ကြသည့် အိမ်ခြံမြေအရောင်းဝန်ထမ်း ၃ ဦးကို ရဲတပ်ဖွဲ့က ဖမ်းဆီးထိန်းသိမ်းလိုက်ကြောင်း ဟောင်ကောင်အခြေစိုက် သတင်းဝက်ဘ်ဆိုက်တစ်ခုတွင် ဖော်ပြသည်။
ရှန်ဟိုင်းရှိ အိမ်ခြံမြေအရောင်းဝန်ထမ်း ၃ ဦးသည် လာဘ်ငွေ ယွမ်ငွေ ၅ သန်း (ကန်ဒေါ်လာ ၇၆၅၀၀၀ ခန့်) ယူခဲ့ကြောင်း ရဲတပ်ဖွဲ့ကို ဝန်ခံခဲ့သည်ဟု ဆိုသည်။
ဖမ်းဆီးထိန်းသိမ်းလိုက်သည့် ၃ ဦးတွင် အရောင်းဒါရိုက်တာတစ်ဦးလည်း ပါဝင်ပြီး ရှန်ဟိုင်းမြို့၊ ဖန်းရှန်ခရိုင်ရှိ လူနေအိမ်ရာ စီမံကိန်း၏ တိုက်ခန်းသစ်များ ရောင်းချရာတွင် လာဘ်ငွေ ရယူခဲ့ကြခြင်းဖြစ်သည်။
၎င်းတို့သည် တိုက်ခန်းလာရောက်ဝယ်ယူသော ဝယ်လက်များကို တိုက်ခန်းများ ရောင်းကုန်သွားပြီဟုဆိုကာ လာဘ်ငွေပေးသူတို့ကိုသာ ရောင်းချပေးခဲ့သည်ဟု ဆိုသည်။
ဝယ်လက်တစ်ဦးလျှင် ယွမ်ငွေ တစ်သိန်းမှ နှစ်သိန်းအကြား (ကန်ဒေါ်လာ ၁၅၃၀၀ မှ ၃၀၆၀၀ ကြား) လာဘ်ထိုးခဲ့ကြရကြောင်း နိုင်ငံပိုင် စီစီတီဗွီသတင်းဌာနက ထုတ်လွှင့်သွားပြီး ဆောက်လုပ်ရေးစီမံကိန်း၏အမည်ကိုမူ ထုတ်ဖော်ကြေညာခဲ့ခြင်း မရှိချေ။
ယင်းသို့ လာဘ်ထိုးကာ ဝယ်ယူရသည်အထိ ဖြစ်ပွားရလျက်ရှိခြင်းမှာ ရှန်ဟိုင်းအိမ်ခြံမြေအရောင်းဈေးကွက်တွင် တိုက်ခန်းသစ်များ ရောင်းလိုအား အလွန်နည်းပါးလျက်ရှိခြင်းကြောင့်ဖြစ်သည်ဟု ဆိုသည်။
လွန်ခဲ့သောနှစ်အတွင်း ရှန်ဟိုင်းတွင် နေအိမ်သစ်များ၏ ဈေးနှုန်းမှာ ၄၅ ရာခိုင်နှုန်းအထိ မြင့်တက်ခဲ့သည်။
သို့ရာတွင် အစိုးရ၏ ဈေးနှုန်းတည်ငြိမ်ရေးတင်းကြပ်မှုများကြောင့် ပြန်လည်ဈေးငြိမ်ခဲ့သည်။
“ဒီလိုမျိုး ထပ်ဆောင်းအခကြေးငွေတွေ ကုန်ကျရတာ တရားမဝင်ပါဘူး။ ဒါပေမယ့် ဒီဖြစ်ရပ်က ရှန်ဟိုင်းမှာ လူနေအိမ်ရာသစ်ဖြည့်တင်းပေးနိုင်မှုမရှိဘဲ ရှားပါးနေတဲ့အဖြစ်ကို ထင်ဟပ်ပြသနေပါတယ်။ ဒါက တချို့အိမ်ခြံမြေလောကဝန်ထမ်းတွေ မသမာမှုလုပ်ဖို့ အခွင့်အရေးတစ်ခုအဖြစ် ဖန်တီးပေးသလို ဖြစ်နေတယ်” ဟု ရှန်ဟိုင်းအခြေစိုက် E-house China မှ သုတေသနဒါရိုက်တာ ယန်ယူကျင်းက ပြောကြားသည်။
မြို့ပေါင်း ၆၀ ကျော်မှာ ပေါ်လစီမိတ်ကာတို့က အိမ်ခြံမြေပူဖောင်းပေါက်ကွဲမှုကို တားဆီးနိုင်ရန်အတွက် ဝယ်လက်များ၊ အရောင်းဈေးနှုန်းများ၊ အိမ်ခြံမြေချေးငွေကဏ္ဍများအပေါ် စည်းမျဉ်းတင်းကြပ်မှုများ လွန်ခဲ့သောနှစ်ကုန်ပိုင်းကတည်းက ပြုလုပ်ခဲ့သည်။
ရှန်ဟိုင်းကဲ့သို့ မြို့ကြီးများတွင်မူ အတင်းကြပ်ဆုံးထိန်းချုပ်မှုများ ပြုလုပ်ခဲ့ပြီး အထူးသဖြင့် developer တို့အနေဖြင့် အမြင့်ဆုံးရောင်းချနိုင်သည့် ဈေးနှုန်းပမာဏကို ကန့်သတ်ထားခဲ့ရာ အိမ်ခြံမြေသစ်များ ရောင်းလိုအား အကြီးအကျယ်ကျဆင်းသွားခဲ့ပြီး အချို့ developer တို့ကမူ အရောင်းဆိုင်းငံ့ထားမှုများ ပြုလုပ်လာသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
