ရန်ကုန်-ဒလတံတားစီမံကိန်း တည်ဆောက်ရန် အဆင်သင့်နီးပါးဖြစ်နေချိန် တွင် မြန်မာစက်မှုဆိပ်ကမ်း (MIP) က နေရာရွှေ့ပြောင်းပေးရန် ရန်ကုန် တိုင်းဒေသကြီး ဘဏ္ဍာရေး၊ စီမံကိန်းနှင့် စီးပွားရေး ကော်မတီထံ စက်တင် ဘာ ၃ ရက်တွင် စာ ပေးပို့ထားပြီး ဆက်လက် တည်ဆောက်ရန် ကိစ္စအား ပြ ည်ထောင်စုအစိုးရ၏ ဆုံးဖြတ်ချက်အတိုင်း ဆောင်ရွက်သွားမည်ဖြစ်ကြောင်း ဒလမြို့နယ် မဲဆန္ဒနယ်အမှတ် (၂)မှ တိုင်းဒေသကြီး လွှတ်တော်ကိုယ်စား လှယ် ဦးတင်ထွေးတင် (ခ) ဦးမြသိန်းက ပြောကြားသည်။
“အခုမှ သူတို့က ဒီဟာလေးကို နေရာ ပြောင်းရင်ပြောင်း မပြောင်းရင် Tunnel လုပ်ဆိုပြီး ပြောပါတယ်။ မနေ့ကလည်း နယ်သာလန်က လာရှင်း သွားပါတယ်။ ဘာမှ လေ့လာဆန်းစစ်ချက်တွေ လုပ်တာက အနည်းဆုံးေ လးနှစ်သုံးနှစ်ကြာမယ်။ တံတားနဲ့ဆိုရင် အနည်းဆုံး ခုနစ်နှစ် ရှစ်နှစ်ကြာမယ် ဆိုပြီးတော့ ပညာရှင်တွေက ပြောသွားတယ်။ ဒီမှာ အားလုံး လုပ်ပြီးသွားပြီ။ EIA/SIA အကြိမ်ကြိမ် လုပ်ပြီးသွားပြီဖြစ်တဲ့အတွက် ကျွန်တော်တို့ဖြစ်စေချင် တာကတော့ ဆုံးဖြတ်ပြီး တဲ့အတိုင်းလုပ်ပါ။ လျော်ကြေးတွေကလည်း သုံးဘီ လျံလောက်ပေးပြီးပြီဖြစ်တဲ့အတွက် ဒါကိုတော့ မပြောင်းသင့်တော့ဘူး။ လျော် သင့်တဲ့သူတွေ လျော်ပြီးပြီ။ ဖျက်သင့်တာတွေလည်း လုပ်ပြီးပြီ။ အသစ်ေ ဆာက်ပေးရမယ့် ဟာတွေကိုလည်း အကုန်လုပ်ပြီးပြီ။ ဒီဟာတွေ မလုပ်ခင်က ဆိုရင်တော့ ကောင်းတာပေါ့။ အားလုံးလည်း ရွှေ့ပြောင်းဖျက်ပြီးသွားပြီ။ အခု မှ Tunnel လုပ်ဖို့ ချပြတာကတော့ ကျွန်တော်တို့မြို့နယ်အနေနဲ့ သဘောမ ကျဘူး။ အပေါ်က ညွှန်ကြားချက်အတိုင်း ဆက်လုပ်နေမှာ၊ ဆက်လုပ်ဖို့ပဲ သေ ဘာကျပါတယ်။ စီမံကိန်းကို ၂၀၁၈ တစ်လပိုင်းမှာ စတင် အကောင်အ ထည်ဖော်မှာ ဖြစ်ပါတယ်” ဟု ဦးတင်ထွေးတင် (ခ) ဦးမြသိန်းက ပြောကြား သည်။
အဆိုပါကိစ္စနှင့်ပတ်သက်၍ ရန်ကုန်တိုင်းဒေသကြီး ဘဏ္ဍာရေး၊ စီမံကိန်းနှင့် စီးပွားရေးကော်မတီက မြန်မာစက်မှုဆိပ်ကမ်း (MIP) နှင့် တွေ့ဆုံကာ ညှိနှိုင်းမှုများပြုလုပ် သွားမည်ဖြစ်ကြောင်း ၎င်းက ဆက်လက် ပြောကြားသည်။
“ရန်ကုန်-ဒလ တံတားစီမံကိန်းကို အားလုံးဆုံးဖြတ်ပြီးပြီ။ လုပ်ငန်းလည်း စတော့မယ်။ ပြည်ထောင်စုအစိုးရရဲ့ ညွှန်ကြားမှုရော ရန်ကုန်တိုင်း အစိုးရေ ရာ အကျေအလည် ဆွေးနွေးပြီးတော့မှ လုပ်ငန်းစဖို့ ရက်ပိုင်းလေးပဲ လိုေ တာ့မှ စီးပွားရေး ကော်မတီကို စာလာတင်တယ်။ ဒီနေရာလေးကို နည်း နည်းလေး နေရာပြောင်းရွှေ့ဖို့ စာလာတင်တယ်။ ဒါကိုတော့ စီးပွားရေးေ က်ာမတီက အချက်အလက်တွေ အားလုံးကို စုစည်းပြီးတော့ သူတို့နဲ့တွေ့ ဖို့ ပြန်ချိန်းထားတယ်။ သူတို့ကို အကြောင်းပြန်မယ်။ အဲဒီကျမှ အဖြေက သိမှာ။ ဒီဟာကတော့ အရင်အစိုးရလက်ထက်ကတည်းက ခွင့်ပြုခဲ့တယ်။ ဒီဘက်အစိုးရလက်ထက်မှာလည်း ဒလက ပြည်သူ့လွှတ်တော် ကိုယ်စား လှယ်ရဲ့ မေးခွန်းကိုလည်း ပြည်ထောင်စုလွှတ်တော်က လုပ်ပေးပါမယ်ဆိုပြီး ကတိပြုထားတယ်။ တံတားကို တန်ချိန်တစ်သောင်းခွဲ သင်္ဘောတွေ ၀င်လို့ ရအောင် ဆောက်မယ်ဆိုပြီး ကတိပြုပြီးတာကြာပါပြီ” ဟု ဦးတင်ထွေးတင် (ခ) ဦးမြသိန်းက ပြောကြားသည်။
ရန်ကုန်-ဒလ တံတားတည်ဆောက်မှုအား ၂၀၂၁ ခုနှစ် ဇွန်လတွင်ပြီးစီးရန် ခန့်မှန်းထားပြီး တံတားတည်ဆောက်ရန် ကိုရီးယား နိုင်ငံ စီးပွားရေးဖွံ့ဖြိုး တိုးတက်မှု ပူးပေါင်း ဆောင်ရွက်ရေးရန်ပုံငွေ (EDCF Loan) မှ ချေးငွေ အမေရိကန်ဒေါ်လာ ၁၃၇ ဒသမ ၈၃၃ သန်းနှင့် ပြည်တွင်း လိုအပ်ရန်ပုံငွေ အမေရိကန်ဒေါ်လာ ၃၀ ဒသ မ ၃၄၁ သန်း ဖြင့်ဆောင်ရွက်မည်ဖြစ်ပြီး စုစုပေါင်း ခန့်မှန်းကုန်ကျစရိတ် အမေရိကန်ဒေါ်လာ ၁၆၈ ဒသမ ၁၇၄ သန်း ကုန်ကျမည်ဖြစ်ကြောင်း သိရသည်။
Credit: Eleven Media Group
