ရန်ကုန်မြို့တော်စည်ပင်သာယာရေးနယ်နိမိတ်အတွင်းရှိ ခွင့် ပြုချက်မဲ့ အဆာက်အအုံများ၊ အထပ် မြင့်များ ပိုမိုဆောက်လုပ်နေကြခြင်း များအား ထိရောက်သော ဒဏ်ငွေများ တိုးမြှင့်ကောက်ခံရန် အစီအစဉ် ရှိ/မရှိ နှင့်ပတ်သက်၍မေးမြန်းမှုအပေါ် ကန့် ကွက်သူများ၏ အကြောင်းပြချက်ကို လည်း ထည့်သွင်းစဉ်းသင့်ကြောင်း၊ လူမှုရေးအရလည်း စဉ်းစားဆုံးဖြတ်ရ ကြောင်း မြို့တော်ဝန်က ပြန်လည်ဖြေ ကြားခဲ့သည်။
အဆိုပါမေးခွန်းတွင် ““ရန်ကုန်မြို့တော်စည်ပင်သာယာရေး နယ် မိတ်အတွင်း ခွင့်ပြုချက်မဲ့ အဆောက် အအုံများတည်ဆောက်ကြခြင်း၊ ခွင့်ပြု အထပ်အရေအတွက်ထက် ပိုမိုအထပ် မြင့်ဆောက်လုပ်နေကြခြင်းအား ထိ ရောက်စွာတားမြစ်သွားနိုင်ရန် ယခုထက် ပိုမိုများပြားထိရောက်သော ဒဏ်ငွေများ တိုးမြှင့်ပြဋ္ဌာန်းကောက်ခံသွားရန် အစီ အစဉ်ရှိပါသလား၊ ယင်းသို့ဖြစ်ရပ်များ မပေါ်ပေါက်ရေးအတွက် ပြည်သူလူထု အား ပညာပေးလုပ်ငန်းများဆောင်ရွက် သွားရန် အစီအစဉ်ရှိပါသလား၊ (၅)ထပ်ထက်မပိုသော လူနေတိုက်ခန်းများ နှင့် အဆောက်အအုံများ တည်ဆောက် ရန် တည်ဆောက်ခွင့်ပါမစ်များကို စာရွက်စာတမ်းပြည့်စုံပါက ဘယ်နှရက် အတွင်း ခွင့်ပြုမိန့်ချထားပေးပါသလဲ၊ အဆောက်အဦ တည်ဆောက်ခွင့်ပါမစ် လွယ်ကူစွာ ရက်အနည်းငယ်အတွင်း ရရှိနိုင်ရေးအတွက် အစီအစဉ်များ ချမှတ်ဆောင်ရွက်သွားရန် အစီအစဉ် ရှိ/မရှိ””ကို မရမ်းကုန်းမြို့နယ် မဲဆန်္ဒ နယ် အမှတ်(၁) ရန်ကုန်တိုင်းဒေသကြီး လွှတ်တော်ကိုယ်စားလှယ် ဦးရန်ရှင်း က ဒုတိယအကြိမ် ရန်ကုန်တိုင်းဒေသ ကြီးလွှတ်တော် ပဉ်္စမပုံမှန်အစည်းအဝေး ဒုတိယနေ့တွင် မေးမြန်းခဲ့သည်။
ယင်းမေးမြန်းမှုကို မြို့တော် ၀န် ဦးမောင်မောင်စိုးက လက်ရှိတွင် ပထမအဆင့်အနေဖြင့် လုပ်ငန်းရပ် ဆိုင်းခြင်းနှင့် တရားဥပဒေအရ တရား စွဲဆိုခြင်းများသာပြုလုပ်နေပြီး ဒဏ်ငွေတိုးမြှင့်ကောက်ခံခြင်း မရှိသေး ကြောင်း ဖြေကြားခဲ့ခြင်းကြောင့် ဆက်စပ်မေးခွန်း ထပ်မံမေးမြန်းရာတွင် ပတ်ဝန်းကျင်မှ ခွင့်ပြုချက်မရဘဲ အထပ်မြင့်ဆောက်ခြင်းကိစ်္စများအား မည်သို့အရေးယူမည်ကို သိရှိလိုပါ ကြောင်းမေးမြန်းရာ မြို့တော်ဝန်မှ ကန့်ကွက်သူများ၏ အကြောင်းပြချက် ကိုလည်း ထည့်သွင်းစဉ်းသင့်ကြောင်း၊ လူမှုရေးအရလည်း စဉ်းစားဆုံးဖြတ်ရ ကြောင်း ပြန်လည်ဖြေကြားခဲ့ပါ သည်။
Credit: Weekly Headline
