သြစတေးလျနိုင်ငံတောင်ပိုင်း၊ တောင်သြစတေးလျပြည်နယ်၊ စိန့်ပီတာမြို့ တွင် နေအိမ်တစ်လုံးလုံးဝယ်ယူရန်မလိုဘဲ နေအိမ်၏ အုတ်ခဲတစ်လုံးချင်းစီကို ဝယ်ယူသွားကာ ရင်းနှီးမြှုပ်နှံမှု ပြုလုပ်နိုင်ပြီဖြစ်သည်။
စိန့်ပီတာမြို့ ရှိ အိပ်ခန်း ၂ ခန်းပါနေအိမ်ဖြင့် အဆိုပါအစီအစဉ်စတင်လိုက်ခြင်းဖြစ်ပြီး ရင်းနှီးမြှုပ်နှံသူတို့သည် သြစတေးလျဒေါ်လာ ၇၄ ဒေါ်လာမှစတင်ပြီး အဆိုပါနေအိမ်တွင် ရင်းနှီးမြှုပ်နှံမှု ပြုလုပ်နိုင်ပြီ ဖြစ်သည်။
စိန့်ပီတာမြို့ ၊ ချာ့ခ်ျလမ်းရှိ ထိုနေအိမ် နောက်ဆုံးအရောင်းအဝယ်ဖြစ်ခဲ့သည်မှာ ဒေါ်လာ ၈၂၅၁၀၀ ဖြင့် ဖြစ်သည်။
ယခုအခါ ယင်းနေအိမ်ကို တစ်လုံးလုံးဝယ်ရန်မလိုဘဲ နေအိမ်ကိုဆောက်လုပ်ထားသည့် အုတ်ခဲတစ်လုံးစီ ဝယ်ယူနိုင်မည့် အခွင့်အလမ်းဖြင့် ကမ်းလှမ်းထားပြီး ရင်းနှီးမြှုပ်နှံမည့်သူတို့သည် မိမိတို့ရင်းနှီးထားသည့် ပမာဏအလျောက် ထိုနေအိမ်ငှားခ ခွဲဝေရရှိမည် ဖြစ်သည်။
ယခုစွန့်ဦးလုပ်ငန်းကို ဦးစီးကမကထလုပ်သည်မှာ အိမ်ခြံမြေရင်းနှီးမြှုပ်နှံမှု ကုမ္ပဏီဖြစ်သော BrickX မှ ဖြစ်သည်။
BrickX သည် ဆစ်ဒနီနှင့် မဲလ်ဘုန်းတို့တွင် ပြီးခဲ့သောနှစ်အတွင်း ယခုလုပ်ငန်းကို စတင်အကောင်အထည်ဖော်နေခဲ့ပြီး ဝင်ရောက်ရင်းနှီးမြှုပ်နှံကြသူပေါင်း ၆၅၀၀ ကျော်ရှိသည်။
BrickX ၏ အမှုဆောင်အရာရှိချုပ် အန်သိုနီ မစ်လက်က ပြောကြားရာတွင် စိန့်ပီတာမြို့ နေအိမ်သည် လက်ရှိအားဖြင့် ရက်သတ္တပတ်လျှင် ငှားရမ်းခ ဒေါ်လာ ၅၄၀ ရရှိနေပြီး ယခုစီမံကိန်းဖြင့် ဈေးကွက်သို့ ပို့ဆောင်ပေးမည့် Adelaide မြို့နေအိမ်များတွင် ပထမဆုံးဖြစ်ကြောင်း ပြောကြားသည်။
Adelaide သည် တောင်သြစတေးလျပြည်နယ်၏ မြို့တော်ဖြစ်ပြီး သြစတေးလျနိုင်ငံတွင် ပဉ္စမမြောက် လူဦးရေအထူထပ်ဆုံးမြို့ကြီး ဖြစ်သည်။
BrickX ၏ စွန့်ဦးစီမံကိန်းတွင် ဝင်ရောက်ရင်းနှီးမြှုပ်နှံထားသူတစ်ဦးဖြစ်သည့် မစ္စတာ ကင်နဲလေက ပြောကြားရာတွင် BrickX ၏ ခြေလှမ်းမှာ အလွန်ကောင်းမွန်လှကြောင်း၊ အထူးသဖြင့် လူငယ်များအတွက် အိမ်ခြံမြေဈေးကွက်သို့ ဒေါ်လာအနည်းငယ်မျှဖြင့် ဝင်ရောက် ရင်းနှီးမြှုပ်နှံမှု ပြုလုပ်နိုင်မည့် အခွင့်အလမ်းဖော်ဆောင်ပေးခြင်းလည်းဖြစ်ကြောင်း ပြောကြားသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
