မြန်မာ့အိမ်ခြံမြေဈေးကွက်မှာ အရောင်းအ၀ယ်ပိုင်းက လက်ရှိမှာ မြင့်မား စွာ ပြောင်းလဲမှုမရှိပေမဲ့ ရန်ကုန်တိုင်း အစိုးရက မြို့စွန်တွေနဲ့ မြို့သစ်တွေမှာ အိမ်ရာစီမံကိန်းဖော်ထုတ်လာတာတွေကြောင့် ပွင့်လင်းရာသီမှာ တန်ဖိုးနည်း အိမ်ရာဈေးကွက် ပိုကောင်းလာနိုင်တယ်လို့ သိရပါတယ်။
မြန်မာ့အိမ်ခြံမြေ လုပ်ငန်းရင်းနှီးမြှုပ်နှံသူတွေ၊ ဆောက်လုပ်ရေး လုပ်ငန်းရှင်ေ တွ၊ အိမ်ခြံမြေလုပ်ငန်းနဲ့ ဆက်စပ်နေတဲ့ စီးပွားရေးလုပ်ငန်းတွေအနေနဲ့ မြန် မာ့ အိမ်ခြံမြေဈေးကွက်ဟာ ၂၀၁၇ အစောပိုင်းကာလမှာ ဈေးကွက် အားေ ကာင်းလာနိုင်တယ်လို့ မျှော်လင့်ခဲ့ပေမဲ့ အရောင်းအ၀ယ် သိသိသာ သာ ပြောင်းလဲတာမျိုးမရှိခဲ့ပါဘူး။ ဒါ့အပြင် အစိုးရက သူတို့သက်တမ်းမှာ အိမ် ရာစီမံကိန်းတွေကို ဖော်ထုတ်မယ်ဆိုတဲ့ သတင်းကြောင့် ရန်ကုန်မြို့စွန် အိမ်ခြံမြေတွေ အခုလာမယ့် ပွင့်လင်းရာသီမှာ အရောင်းအ၀ယ် ကောင်း လာနိုင်တယ်လို့ အိမ်ခြံမြေအကျိုးဆောင်တွေဆီက သိရပါတယ်။
'ရန်ကုန်တိုင်းမြို့စွန့် အိမ်ခြံမြေဈေးကွက် အရင်ဈေးထက်သိသိသာသာ ကျ ဆင်းသွားတယ်။ ဒဂုံဆိပ်ကမ်း၊ တောင်ပိုင်း၊ အရှေ့ပိုင်းတွေမှာ ဆိုရင် အရင် ကပေါက်ဈေး ၃၅ သိန်း၊ သိန်း ၄၀ ရှိတဲ့မြေကွက်ဆို ၃၀ ပဲရှိတယ်။ သင်္ဃန်း ကျွန်းဘက်မှာဆိုရင် အရင်သိန်း ၁၃၀၀ နဲ့မြေကွက်ဆိုရင် အခု သိန်း ၁၀၀၀ ပဲရှိတယ်။ တခြားမြို့နယ်တွေနဲ့ မြို့လယ်ကောင်တွေမှာလဲ လျှော့ဈေးနဲ့ေ ခ်ါဆိုမှုတွေ ရှိလာပါတယ်။ အခုအချိန်မှာ အစိုးရကမြို့စွန်ဘက်မှာ အိမ်ရာ စီမံကိန်းမှာ ဖော်ဆောင်မှာဆိုတော့ရင်းနှီးမြှုပ်နှံမယ့်သူတွေ၊ ၀ယ်ယူနေထိုင် သူတွေ အနေနဲ့လာမယ့်ပွင့်လင်းရာသီမှာ မြို့စွန့်အိမ်ခြံမြေ၀ယ်နိုင်ခြေ ရှိပါ တယ်။'လို့ရန်ကုန်အိမ်ခြံမြေအကျိုးဆောင်တစ်ဦးကပြောပါတယ်။
ရန်ကုန်အိမ်ခြံမြေဈေးကွက်မှာ ကျပ်သိန်း ၁၅၀၀ အထိအိမ်ခြံမြေဈေးကွက်ေ တွသာ ကာလပေါက်စေးထက်ကျဆင်းနေပေမဲ့ ကျပ်သိန်း ထောင်သောင်းချီ ရှိနေတဲ့အိမ်ခြံမြေဈေးကွက်နဲ့ အငှားဈေးကွက်အခိုင်အမာရှိနေခြင်း၊ အိမ်ခြံမြေဈေးကွက် ပြန်ကောင်းလာနိုင်တယ်ဆိုတဲ့မျှော်လင့်ချက်တွေရှိနေတာကြောင့်ဈေးနှုန်းကျဆင်းခြင်းသိပ်မရှိသေးဘဲ အမြင့်မှာသာ ပျံသန်းဆဲဖြစ် တယ်လို့ သိရပါတယ်။
'ကျပ်သိန်း ထောင်ချီနေတဲ့အိမ်ခြံမြေတွေကတော့ ၀ယ်ကတည်းက အမြင့်ဈေး နဲပ ၀ယ်ထားတာ၊ ၀ယ်တဲ့သူအများစုက ကြွယ်ဝတဲ့သူဆိုတော့ မရောင်းရလဲ ဘာမှမဖြစ်ဘူးလေ။ ဒါကြောင့် ဈေးကွက်ဖွံ့ဖြိုးမယ်ဆိုရင် ရောင်းရ၀ယ်ရ လွယ်ကူတဲ့မြို့စွန့်က တန်ဖိုးနည်းအိမ်ရာတွေပဲ အရာင်းအ၀ယ်ပိုဖြစ်လာနိုင် ပါတယ်။
ဒါ့အပြင် ယခုနှစ်မှာအကောင်အထည်ပေါ်လာပြီဖြစ်တဲ့ရန်ကုန်-ဒလစီမံ ကိန်းကြောင့်လာမယ့်ပွင့်လင်းရာသီမှာ ရန်ကုန်မြို့ရဲ့တစ်ဖက်ကမ်းမြို့ နယ်တွေဖြစ်တဲ့ ဒလမြို့နယ်၊ တွံတေးမြို့နယ်၊ ကော့မှူးမြို့နယ်၊ ကွမ်းခြံကုန်း မြို့နယ်၊ ဆိပ်ကြီးခနောင်မြို့နယ်မြို့နယ်တွေမှာ အိမ်ခြံမြေအရောင်းအ၀ယ်ကောင်းလာနိုင်ဖွယ်ရှိတယ်။ တံတားထိုးပြီးရင် ရန်ကုန်တိုင်းနဲ့ ဧရာဝတီတိုင်းကြား ကုန်စီးဆင်းမှုက ဒလမြို့နယ်နဲ့ အနီးဆုံးမြို့တွေမှာ ကောင်းမွန်လာမှာဆိုတော့အိမ်ခြံမြေလုပ်ငန်းမှ ရင်းနှီးမြှုပ်နှံသူတွေအတွက် မျက်စိကျစရာဖြစ်နေတယ်။
ဒါ့အပြင်စီးပွားရေးအချက်အချာကျတဲ့ မြို့နယ်တွေဖြစ်တဲ့ လသာ၊ ပန်းပဲတန်း၊ ဗိုလ်တထောင်၊ ကျောက်တံတားမြို့နယ်တွေရဲ့ တစ်ဖက်ကမ်းမှာ ရှိတာကြောင့် တံတားပြီးတာနဲ့ ဖွံ့ဖြိုးမှု မြန်လာမှာဆိုတော့ ရင်းနှီးမြှုပ်နှံသူတွေ၊ ၀ယ်ယူနေထိုင်သူတွေအနေနဲ့ လာမယ့်ပွင့်လင်းရာသီမှာ အ၀ယ်လိုက်နိုင်တယ်။ အချက်အချာကျတဲ့နေရာတွေ၊ ကွန်ဒိုတွေ၊ တိုက်ခန်းတွေ တည်ဆောက်လို့ရမယ့် မြေနေရာတွေ အေ၇ာင်းအ၀ယ်ကောင်းလာနိုင်တယ်လို့ သိရပါတယ်။
မြန်မာ့အိမ်ခြံမြေဈေးကွက်တစ်ခုလုံးအေးစက်နေတာကြာမြင့်ခဲ့ပြီဖြစ်ပေမဲ့ ခုနောက်ပိုင်းအရောင်းအ၀ယ်ဖြစ်လာတာတွေ့ရပြီးဈေးနှုန်းတွေလည်း ကျဆင်းနေပါတယ်။ နောက်ပိုင်းမှာ ရန်ကုန်တိုင်းမြို့နယ်တွေအတွင်းမှာ ဖွံ့ဖြိုးရေးစီမံကိန်းတွေ၊ အိမ်ရာစီမံကိန်းတွေ အကောင်အထည်ဖော်နေတာကြောင့် ပွင့်လင်းရာသီအိမ်ခြံမြေ ဈေးကွက်ကပိုကောင်းလာနိုင်တယ်လို့ သိရပါတယ်။
Credit: The Modern
