ရန်ကုန်မြို့တွင်း ရေကြီးရေလျှံမှု ကာကွယ်ရေး အပါအဝင် မြို့ပြဖွံ့ဖြိုးရေးအတွက် ကမ္ဘာ့ဘဏ်ချေးငွေ အမေရိကန်ဒေါ်လာ ၁၂၅ သန်းကို အပိုင်းသုံးပိုင်းဖြင့် ခွဲဝေသုံးစွဲရန် စီစဉ်ထားကြောင်း ရန်ကုန်မြို့တော် စည်ပင်သာယာရေးဝန်ကြီး ဒေါက်တာမောင်မောင်စိုးက သြဂုတ်လ ၃၀ ရက်က ပြုလုပ်သည့် ရန်ကုန်တိုင်းလွှတ်တော်တွင် ပြောကြားသည်။
ရန်ကုန်ရေကြီးရေလျှံမှုနှင့် ပတ်သက်၍ ကမ္ဘာ့ဘဏ်ချေးငွေကို မည်သို့ ခွဲဝေသုံးစွဲမည် ဆိုသော ဆိပ်ကြီးခနောင်တို မြို့နယ်လွှတ်တော်ကိုယ်စားလှယ် ဒေါ်စန္ဒာမင်း၏ မေးမြန်းချက်အပေါ် ဒေါက်တာမောင်မောင်စိုးက ဖြေကြားခြင်း ဖြစ်သည်။
“ရန်ကုန်မြို့တော် ရေကြီးရေလျှံမှုနဲ့ ဖွံ့ဖြိုးရေးလုပ်ငန်းတွေမှာ သုံးစွဲဖို့ ကမ္ဘာ့ဘဏ်ချေးငွေ ဒေါ်လာ ၁၂၅ သန်းက တကယ်တမ်းဆို နည်းတောင်နည်းနေပါသေးတယ်။ အကုန်ခြုံငုံကြည့်မယ်ဆိုရင် ရေကြီးရေလျှံမှုအတွက် အကုန်သုံးစွဲတာမျိုး မဟုတ်ဘဲ ဒေါ်လာ ၇၇ သန်းသာ သုံးစွဲရမှာပါ။ နိုင်ငံတော်ရဲ့ အကြွေးဖြစ်နေလို့ ဖွံ့ဖြိုးရေးလုပ်ငန်းမှာ စစ်စစ်စေ့စေ့ သုံးရမှာ ဖြစ်ပါတယ်” ဟု ၎င်းက ဆိုသည်။
ရန်ကုန်မြို့တော် စည်ပင်သာယာရေးကော်မတီသည် ၂၀၁၆-၂၀၁၇ ဘဏ္ဍာနှစ်အတွက် မြို့နယ် ၃၁ မြို့နယ်၌ ရေကြီးရေလျှံမှု ကာကွယ်ရန် ဒေါ်လာ ၇၇ သန်း၊ အဆောက်အအုံ ဘေးကင်းလုံခြုံရန် ဒေါ်လာ ၂၂ သန်းနှင့် အရှေ့တောင်အာရှ သဘာဝဘေးအန္တရာယ်ဆိုင်ရာ အာမခံ ရန်ပုံငွေ ထူထောင်ရန် ဒေါ်လာသန်း ၂၀ နှင့် အသိပညာပေးခြင်းနှင့် စီမံကိန်းစီမံခန့်ခွဲရန် ထောက်ပံ့ငွေ ဒေါ်လာတစ်သန်းတို့ကို ခွဲဝေသုံးစွဲရန် စီစဉ်ထားကြောင်း ဆက်လက်ဖြေကြားသည်။
ရေကြီးရေလျှံမှုတွင် ရေစုကန်နှင့် ရေနုတ်မြောင်းများ အဆင့်မြှင့်တင်ခြင်း လုပ်ငန်းစီမံချက်အရ မြို့တွင်းခြောက်မြို့နယ် လမ်းမတော်၊ လသာ၊ ပန်းဘဲတန်း၊ ကျောက်တံတား၊ ဗိုလ်တထောင်၊ ပုဇွန်တောင် မြို့နယ်များ အနေနှင့် တိုက်ရိုက်အကျိုးခံစားခွင့် ရရှိမည်ဖြစ်ပြီး ဆက်စပ်မြို့နယ်များတွင်လည်း ရေကြီးရေလျှံမှုကို ကာကွယ်နိုင်မည့် အကျိုးများ ရရှိမည် ဖြစ်ကြောင်း၊ ထို့အပြင် အခြားမြို့နယ်များတွင် ရေကြီးရေလျှံလုပ်ငန်းများ ဖော်ဆောင်ရန် ခြောက်နှစ်စီမံချက် ရေးဆွဲအကောင်အထည်ဖော်လျက်ရှိကြောင်း ဒေါက်တာမောင်မောင်စိုးက ဆိုသည်။
“ကမ္ဘာ့ဘဏ်ချေးငွေတွေကို ဝန်ကြီးကိုယ်တိုင် ဘယ်လိုသုံးစွဲသွားမယ်ဆိုတာ တိတိကျကျ ရှင်းပြခဲ့တာ မရှိပါဘူး။ ကဏ္ဍအလိုက်ဘဲ အကြမ်းဖျင်း ပြောဆိုသွားတယ်။ ချေးငွေဒေါ်လာ ၁၂၅ သန်း ကုန်သွားမယ်ဆို ပြည်သူလူထုအတွက် ဘယ်လောက်အကျိုးကျေးဇူး ရရှိမယ် ဆိုတာ အရေးကြီးပါတယ်” ဟု လွှတ်တော်အစည်းအဝေးအပြီး သတင်းထောက်များ၏ မေးမြန်းမှုကို ဆိပ်ကြီးခနောင်တိုမြို့နယ် တိုင်းဒေသကြီး လွှတ်တော်ကိုယ်စားလှယ် ဒေါ်စန္ဒာမင်းက ဖြေကြားသည်။
Credit: The Voice
