လျှို့ဝှက်သည်းဖိုစာရေးဆရာမကြီး အဂ္ဂါသာ ခရစ္စတီးနေထိုင်ခဲ့သည့် အင်္ဂလန်နိုင်ငံ၊ လန်ဒန်မြို့ ချယ်လ်ဆီးအရပ်ရှိ အိပ်ခန်း တစ်ခန်းပါ တိုက်ခန်း အရောင်းဈေးကွက်ဝင်လာကြောင်း ဗြိတိန်အခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
မယုံနိုင်ဖွယ် လျှမ်းလျှမ်းတောက် အောင်မြင်ခဲ့သည့် အဂ္ဂါသာ ခရစ္စတီးသည် အဆိုပါတိုက်ခန်းတွင် ၂၈ နှစ်ကြာနေထိုင်ခဲ့ပြီး The Mousetrap ဇာတ်လမ်း အပါအဝင် သူ၏ နာမည်ကျော် ဝတ္ထုအများအပြားကို ယင်းတိုက်ခန်းတွင် ရေးသားခဲ့သည်။
ဆန်းကြယ်သည့်လူသတ်မှုဇာတ်လမ်းများကို နှစ်သက်သူတစ်ဦးဆိုပါက အဂ္ဂါသာ ခရစ္စတီး၏ ယခုတိုက်ခန်းမှာ အခွင့်အလမ်းကောင်းပင် ဖြစ်သည်။
၁၉၆၆ ခုနှစ်တွင် ထုတ်ဝေခဲ့သည့် Third Girl ဝတ္ထုကိုလည်း ဤအခန်းတွင်ပင် ရေးခဲ့ဟန်ရှိသည်။
ခရစ္စတီးသည် Miss Marple ဇာတ်လမ်း၏ ဇာတ်အိမ်တည်ရာ Devon မြို့ရှိ နေအိမ်တစ်လုံးကိုလည်း ပိုင်ဆိုင်ထားသည်။
ယခုအရောင်းဈေးကွက်တင်သည့်အခန်းတွင် ဒုတိယအိမ်ထောင် ဆာမက်ဇ်မာလိုဝမ်နှင့်အတူ ၁၉၄၈ ခုနှစ်မှ ကွယ်လွန်ချိန် ၁၉၇၆ ခုနှစ်အထိ နေထိုင်သွားခဲ့သည်။
နေအိမ်ခန်းတည်ရှိရာ အဆောက်အအုံကြီးကို အာ့ထ်ဒက်ကို ဗိသုကာဟန်ဖြင့် ဆောက်လုပ်ထားပြီး အခန်းအတွင်းတွင် ဧည့်ခန်း၊ မီးဖိုဆောင်၊ ရေချိုးခန်း၊ ကြီးမားသည့်အိပ်ခန်းတို့ပါဝင်ပြီး အလင်းရောင်နှင့် လေဝင်လေထွက်ကောင်းမွန်သည်။
ဈေးကွက်တင်သည့်ကုမ္ပဏီမှာ Pastor Real Estate ဖြစ်ပြီး ခေါ်ဈေးမှာ ပေါင် ၈၅၀၀၀၀ ဖြစ်သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
