သမိုင်းတစ်လျှောက် အကြီးကျယ်ဆုံး လက်ဝှေ့သမားများတွင် တစ်ဦးအပါအဝင်ဖြစ်သော ဖလွိုက်မေဝဲသာသည် လာ့စ်ဗီးဂပ်စ်ရှိ နေအိမ်တစ်လုံး ဝယ်ယူလိုက်ကြောင်း အမေရိကန်အခြေစိုက် သတင်းဝက်ဘ်ဆိုက်တစ်ခုတွင် ဖော်ပြသည်။
မေဝဲသာသည် ဖော့ဘ်မဂ္ဂဇင်းကြီးမှ ထုတ်ပြန်သော ဝင်ငွေအမြင့်မားဆုံးအားကစားသမားများစာရင်းတွင် ၃ ကြိမ်တိုင် ထိပ်ဆုံးနေရာတွင် ရပ်တည်ခဲ့သူလည်း ဖြစ်သည်။
မေဝဲသာက FightHype နှင့် ပြုလုပ်ခဲ့သော တွေ့ဆုံမေးမြန်းခန်းတွင် ဖြေကြားခဲ့ရာ၌ UFC ချန်ပီယံ မက်ဂရီဂေါနှင့် ထိုးသတ်ခဲ့သည့် ပွဲမတိုင်မီ လာ့စ်ဗီးဂပ်စ်ရှိ နေအိမ်ကြီးကို ဝယ်ယူခဲ့ခြင်းဖြစ်ကြောင်း ဖြေကြားထားသည်။
ယခုဝယ်ယူလိုက်သည့်နေအိမ်မှာ မက်ဂရီဂေါနှင့် ယှဉ်ပြိုင်ထိုးသတ်ခဲ့သည့် လာ့စ်ဗီးဂပ်မြို့တွင် ဖြစ်သည်။
FightHype နှင့် တွေ့ဆုံမေးမြန်းခန်း ဗွီဒီယိုဖိုင်ကို YouTube တွင် လွှင့်တင်ထားခဲ့သည်မှာ ရက်သတ္တတစ်ပတ်ခန့်ရှိပြီဖြစ်ပြီး မေဝဲသာက သူ၏နေအိမ်သစ်နှင့်စပ်လျဉ်း၍ အသေးစိတ်ပြောကြားထားသည်များ ပါဝင်သည်။
ဝယ်ယူလိုက်သည့်နေအိမ်သစ်သည် လာ့စ်ဗီးဂပ်စ်ရှိ လက်ရှိနေအိမ်ထက် အဆများစွာသာလွန်ကောင်းမွန်ကြောင်း မေဝဲသာက ဆိုသည်။
သူ၏ လက်ရှိလာ့စ်ဗီးဂပ်စ်နေအိမ်ကို “Big Boy Mansion" ဟု လူသိများသည်။
မေဝဲသာ၏ ပြောကြားချက်အတိုင်း မှန်ကန်မည်ဆိုပါက နေအိမ်သစ်မှာ နိဗ္ဗာန်ဘုံကြီးတစ်ခုသဖွယ်ဖြစ်သည်ဟု ဆိုရမည်ဖြစ်သည်။
အဘယ်ကြောင့်ဆိုသော် မေဝဲသာ၏ လက်ရှိနေအိမ် Big Boy Mansion မှာ ၎င်းအတိုင်းပင်အရာရာပြီးပြည့်စုံနေသောဂန္ထဝင်မြောက်စံ
အိမ်ကြီးဖြစ်သောကြောင့် ဖြစ်၏။Big Boy Mansion သည် ခြံဝန်းအကျယ် ၂၂၀၀၀ စတုရန်းပေရှိပြီး ကိုယ်ပိုင် အင်စတာဂရမ်အကောင့်ပင် ရှိသည်။
ယခုဝယ်လိုက်သော နေအိမ်သစ်တွင် အိပ်ခန်း ၅ ခန်း၊ ရေချိုးခန်း ၇ ခန်းပါဝင်ပြီး ခြံဝန်းအတွင်း ဂေါက်ကွင်းတစ်ခုပင် ပါဝင်သည်။
ယူကျုဗွီဒီယိုအရ မေဝဲသာသည် နေအိမ်ကို အသေးစိတ်ပြုပြုမွမ်းမံမှုများ ပြုလုပ်ထားသည်ကို တွေ့ရသည်။
ခြံဝန်းအတွင်း ကန်ဒေါ်လာ ၁၅ သန်းကျော်တန်ကြေးရှိ မော်တော်ကားများ ရပ်နားထားသည့် ဂိုဒေါင်တစ်ခုလည်း တွေ့ရသည်။
လူ ၁၂ ဦးခန့် ရေချိုးနိုင်သည့် ရေချိုးခန်း၊ စကရင် ၂ ခုပါ အိမ်တွင်းရုပ်ရှင်ရုံ၊ စတုရန်းပေ ၆၀၀ ခန့် ကျယ်ဝန်းသော အဝတ်အစားထားသိုခန်းတို့လည်း ပါဝင်သည်။
အိမ်ခြံမြေမှတ်တမ်းများအရ မေဝဲသာသည် လာ့စ်ဗီးဂပ်တွင်ပင် ၂၀၀၅ ခုနှစ်အတွင်းက ကန်ဒေါ်လာ ၃ သန်းဖြင့် ဝယ်ယူခဲ့သည့် အခြားနေအိမ်တစ်လုံးကိုလည်း ပိုင်ဆိုင်ထားဆဲဖြစ်သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
