ပြည်တွင်း၌တရားမဝင် လာရောက်ဖွင့်လှစ်လုပ်ကိုင်လျက်ရှိသော
လိုင်စင်မဲ့ နိုင်ငံခြားသားအကျိုးဆောင်များမှာ ငါးဆယ်ကျော်အထိ အရေအတွက်ရှိလာပြီဖြစ်သော်လည်း၎င်းအကျိုးဆောင်များ
အားပြတ်ပြတ်သားသားအရေးယူနိုင်မည့် ဥပဒေမရှိသေးခြင်းသည် အားနည်းချက်တစ်ရပ်ဖြစ်နေကြောင်း အိမ် ခြံ မြေ ဝန်ဆောင်မှုအသင်း
ဒုတိယ ဥက္ကဌ မှ ပြောသည်။
""အရင်က လိုင်စင်မဲ့အကျိုးဆောင်အဖြစ် ပြည်ပကလာလုပ်နေတဲ့သူတွေရှိတယ်။ဒါပေမယ့် အစက သိပ်မသိမသာနဲ့ဖြည်းဖြည်းချင်းများလာတာ။အခုမရှိဘူးဆို ၅၀ ဝန်းကျင်လောက်အထိရှိလာပြီ။ အရင်က ဘယ်လိုလာလဲဆိုရင် အစပိုင်း ဆောက်လုပ်ရေးလုပ်ငန်းလုပ်တဲ့လိုင်စင်နဲ့ ဆောက်လုပ်ရေးပိုင်းမှာ ဝင်လုပ်ကြတယ်။အဲဒီကနေ အခန်းရောင်းရင်းနဲ့ တစ်ခြားအခန်းလိုချင်တဲ့သူတို့နိုင်ငံသားတွေကို ပြန်ပြီး အကျိူးဆောင်းလုပ်ကြတယ်။ဒါတွေန၏ပတ်သက်ပြီး ကျွန်တော်တို့တွေ စာရင်းကောက်ယူထားတာတွေရှိတယ်။ဒါပေမယ့် ဘယ်ကိုသွားတိုင်ရမလဲ။တိုင်ရင်လည်း ဘယ်ဥပဒေနဲ့ အရေးယူလို့ရမလဲ။အဲဒါကြောင့်လောလောဆယ်မှာတော့စောင့်ကြည့်နေတုန်းပါပဲဒီလိုအရေးမယူနိုင်သေးတာဥပဒေရဲ့အားနည်းချက်တွေကြောင့်လို့ပြောလို့ရပါတယ်။တကယ်လို့ ဥပဒေတွေသာရှိလာရင်တော့ ပြတ်ပြတ်သားသားအရေးယူလို့ရသွားမယ် "ဟု မြန်မာနိုင်ငံအိမ် ခြံ မြေ ဝန်ဆောင်မှုအသင်း(ဗဟို)မှ ဒုတိယ ဥက္ကဌ ဖြစ်သူ ဦးသန်းဦးမှ ပြောပြသည်။
လိုင်စင်မဲ့ပြည်ပ အကျိုးဆောင်များအား လုပ်ကိုင်ခွင့်ပြုရန် မြန်မာနိုင်ငံ ရင်းနှီးမြုပ်နှံမှုကော်မရှင်အနေဖြင့် ဥပဒေဖြင့်သော်လည်းကောင်အမိန့်ညွှန်ကြားချက်တစ်စုံတစ်ရာဖြင့်သော်လည်းကောင်း ခွင့်ပြုပေးထားခြင်းမရှိကြောင်းလည်းသိရသည်။
ပြည်တွင်း၌ လိုင်စင်မဲ့တရားမဝင်လာရောက်လုပ်ကိုင်နေသော နိုင်ငံခြားသားအကျိုးဆောင်များအား သက်ဆိုင်ရာသံရုံးများမှ စာထုတ်သတိပေးမှုများပြုလုပ်ခဲ့သော်လည်း လိုက်နာမှုအားနည်းကြောင်းသိရသည်။
ယင်းကဲ့သို့လာရောက်လုပ်ကိုင်နေကြသူများမှာ ဆောက်လုပ်ရေးကုမ္ပဏီ ၊ အလှကုန် ကုမ္ပဏီ ၊ လူသုံးကုန်ပရိဘောဂ ကုမ္ပဏီများနှင့် တွဲဖက်လုပ်ကိုင်ကြကြောင်းအများစုမှာဆောက်လုပ်ရေးကုမ္ပဏီများမှ
အကျိုးဆောင်လုပ်ငန်းလုပ်ကိုင်သူများဖြစ်ကြောင်း သိရသည်။
မင်းချို မှ iMyanmarHouse.com အတွက် အထူးရေးသားဖော်ပြသည်။
Credit: iMyanmarHouse.com
