ဟောလိဝုဒ်ဂန္ထဝင်ကြယ်ပွင့် ဂျိန်းဖောင်ဒါ ယခုနှစ်အစောပိုင်း ဇန်နဝါရီလအတွင်း အရောင်းဈေးကွက်တင်ခဲ့သော ဘီဗာလီဟေးလ်နေအိမ် ရောင်းမထွက်သောကြောင့် ကန်ဒေါ်လာ ၃ သန်း ဈေးလျှော့ကာ ပြန်လည်အရောင်းဈေးကွက်တင်လာကြောင်း ဟောလိဝုဒ်သတင်း ဝက်ဘ်ဆိုက်တစ်ခုတွင် ဖော်ပြသည်။
ဇန်နဝါရီလဈေးကွက်တင်စဉ်က ခေါ်ဈေးမှာ ကန်ဒေါ်လာ ၁၂ ဒသမ ၉၉ သန်းဖြစ်ပြီး ယခုခေါ်ဈေးမှာ ကန်ဒေါ်လာ ၉ ဒသမ ၉၉ သန်းဖြစ်သည်။
ဇန်နဝါရီဈေးကွက်တင်ပြီးနောက် ရောင်းမထွက်သောကြောင့် မတ်လတွင် ၁၁ ဒသမ ၅ သန်းသို့ လျှော့ချပေးခဲ့သည့်တိုင် ယနေ့တိုင် ရောင်းမထွက်သေးချေ။
ဇန်နဝါရီနှင့် မတ်လဈေးကွက်တင်မှု သတင်းများကို iMyanmarHouse.com တွင် ရေးသားတင်ပြခဲ့ပြီးဖြစ်ရာ ပြန်လည်ဖတ်ရှုလိုပါက (၁) ဇန်နဝါရီဈေးကွက်တင်သည့်သတင်း- http://www.imyanmarhouse.com/news/read/563767 (၂) မတ်လဈေးကွက်တင်သည့် သတင်း- http://www.imyanmarhouse.com/news/read/585771 အင်တာနက်လင့်ခ်များတွင် ဖတ်ရှုနိုင်ပါသည်။
နေအိမ်မှာ စတုရန်းပေ ၇၁၀၀ ကျယ်ဝန်းပြီး နှစ်ထပ်အဆောက်အအုံဖြစ်ကာ အိပ်ခန်း ၆ ခန်း၊ ရေချိုးခန်း ၅ ခန်းပါဝင်သည်။နေအိမ်ဝန်းကျင်တွင် ချောက်ကမ်းပါးနှင့် သမုဒ္ဒရာမြင်ကွင်းတို့၏ ရင်သပ်ရှုမောဖွယ်မြင်ကွင်းများ ရှုမြင်နိုင်သည်။နေအိမ်အတွင်းတွင် ကြီးမားသော အဝတ်ဗီရို၊ မီဒီယာခန်းမ၊ အားကစားလေ့ကျင့်ခန်းမ၊ အိမ်တွင်းရုံးခန်းတစ်ခုတို့အပြင် ဓာတ်လှေကားတစ်ခုပင် ပါဝင်သည်။ခြံအကျယ်အဝန်းမှာ ၃၆၀၀၀ စတုရန်းပေရှိပြီး ရေကူးကန်တစ်ခု၊ မီးလင်းဖိုပါဝင်သည့် နားနေဆောင်၊ ရေတံခွန်ပါဝင်သည့် ဆိတ်ငြိမ်သော ပန်းဥယျာဉ်တို့ ပါဝင်သည်။
နေစွမ်းအင်သုံး ရေပူစနစ်ပါသည့် ရေကန်တစ်ခုလည်း ပါဝင်ပြီး ပြတင်းများမှာ ခရမ်းလွန်ရောင်ခြည်ကာကွယ်သည့်စနစ်၊ အလိုအလျောက်စနစ်သုံး နေကာများ တပ်ဆင်ထားကာ အခန်းအချို့တွင် ဝါးကြမ်းခင်းများ ခင်းထားသည်။
ဂျိမ်းဖောင်ဒါက ပြောကြားရာတွင် ယင်းနေအိမ်သည် ပါတီပွဲများကျင်းပရန် အလွန်ကောင်းမွန်ပြီး ၎င်း၏ ၇၅ နှစ်ပြည့် မွေးနေ့ပွဲကို မိတ်ဆွေ ၁၅၀ ခန့်ဖြင့် ကျင်းပခဲ့ကြောင်း ပြောကြားသည်။
ဂျိန်းဖောင်ဒါသည် ဧပြီလအတွင်းတွင် လော့စ်အိန်ဂျလိရှိ အိပ်ခန်း ၄ ခန်းပါနေအိမ်ကို ကန်ဒေါ်လာ ၅ ဒသမ ၄၅ သန်းဖြင့် ဝယ်ယူခဲ့ရာ အဆိုပါသတင်းကိုလည်း iMyanmarHouse.com တွင် ရေးသားဖော်ပြခဲ့ပြီးဖြစ်ပါသည်။
ပြန်လည်ဖတ်ရှုလိုပါက http://www.imyanmarhouse.com/news/read/596626 အင်တာနက်လင့်ခ်တွင် ဖတ်ရှုနိုင်ပါသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
