ရှမ်းပြည်နယ်တောင်ပိုင်း ပအိုဝ်းကိုယ်ပိုင်အုပ်ချုပ်ခွင့်ရ ပင်လောင်းမြို့တွင် ဒေသ သို့မဟုတ် တိုင်းရင်းသား အမည်တစ်ခုဖြင့် ဟိုတယ်ကို တည်ဆောက်လျက်ရှိကာ လာမည့်နှစ် မတ်လတွင် ဖွင့်လှစ်ရန် စီစဉ်ထားကြောင်း Soil Energy ကုမ္ပဏီမှ ဟိုတယ်ပိုင်ရှင် ဦးစည်သူထင်ကျော်က ပြောကြားသည်။
အဆိုပါဟိုတယ်မှာ ပင်လောင်းမြို့တွင် ပထမဆုံး ဆောက်လုပ်သော ဟိုတယ်ဖြစ်ကြောင်း ဒေသခံများထံမှ သိရသည်။
“ဒီဒေသမှာရှိတဲ့ လိုဏ်ဂူတွေကို အခြေပြုပြီးတော့ ခရီးစဉ်ရေးဆွဲမှာပါ။ လက်ရှိကတော့ ဟိုတယ်က ခြောက်ဆယ်ရာခိုင်နှုန်းလောက် ပြီးနေပါပြီ။ ဒေသထွက် ပစ္စည်းတွေကို ကုန်ကြမ်းအဖြစ် အသုံးပြုပြီးတော့ တည်ဆောက်ထားပါတယ်။ ကြယ်လေးပွင့်အဆင့် ဖြစ်အောင် ဆောက်လုပ်နေပါတယ်” ဟု ၎င်းက ဆိုသည်။
အဆိုပါ ဟိုတယ်တည်ဆောက်ရန် သက်ဆိုင်ရာ အာဏာပိုင် အဖွဲ့အစည်းများထံမှ ခွင့်ပြုချက်ရရှိပြီး ဖြစ်ကြောင်းနှင့် ယင်းဟိုတယ်တွင် အခန်း ၃၀ ပါဝင်မည် ဖြစ်ကြောင်း ဦးစည်သူထင်ကျော်က ရှင်းပြသည်။
ပင်လောင်းမြို့တွင် ထုံးကျောက်ဂူ အမျိုးအစား သဘာဝလိုဏ်ဂူ ၂၀ ခန့်နှင့် ရေတံခွန်များရှိပြီး ယင်းတို့ကို အခြေခံသည့် တောင်တက်ခရီးစဉ်များ (Treekingါ)၊ စွန့်စားခရီးစဉ်များ (Adventure) အဓိက ပြုလုပ်ရန် စီစဉ်ထားကြောင်း ၎င်းထံမှ သိရသည်။
“ဒေသဆိုင်ရာ အဆင့်မီဟိုတယ်၊ တည်းခိုခန်းတွေ ဖွင့်နိုင်တာ အားပေးရမယ်။ ဒါမှ ဘယ်နေရာသွားသွား အဆင်ပြေမယ်လေ။ ပင်လောင်းက လမ်းဆုံမြို့ဆိုတော့ နေရာလည်းကောင်းတယ်” ဟု မြန်မာနိုင်ငံဧည့်လမ်းညွန်များအသင်း အလုပ်အမှုဆောင်တစ်ဦးက ဆိုသည်။
အဆိုပါ ဟိုတယ်ကို ပင်လောင်းမြို့ပေါ်တွင် တည်ဆောက်ထားခြင်း ဖြစ်ပြီး အင်းလေးဒေသ၊ လွိုင်ကော်ဒေသနှင့် နေပြည်တော် စသည့် ခရီးစဉ်ဒေသများနှင့် လမ်းကြောင်းသင့်သောကြောင့် ယင်းအနီးဝန်းကျင်ဒေသများ ဖြစ်သော ပင် လောင်း၊ ဖယ်ခုံ၊ မိုးဗြဲဒေသများ ပိုမိုစည်ကားလာနိုင်ကြောင်း ခရီးသွားလုပ်ငန်းရှင်များက ဆိုသည်။
Credit: The Voice
