ဂျေးဇက်နှင့် ဘီယွန်းစေးတို့ မည်သည့်နေရာတွင် နေအိမ် ဝယ်ယူလိမ့်မည် နည်းဟူသည့် အချက်နှင့် စပ်လျဉ်းပြီး ကောလာဟလများ၊ ငြင်းခုံမှုများစွာ ထွက်ပေါ်လျက်ရှိသည်မှာ ကြာခဲ့ပြီဖြစ်ပြီး ယခုအခါတွင်မူ အဆိုပါ ကောလ ဟာလများ ၊ အငြင်းအခုံများ အဆုံးသတ်ခဲ့ပြီဖြစ်သည်။
ဂျေးဇက်တို့ ဝယ်ယူလိုက်သည့်နေရာမှာ အများခန့်မှန်းထားသည့်အတိုင်းေ လာ့စ်အိန်ဂျလိမြို့အနောက်ပိုင်းရှိ နာမည်ကျော် ဘဲလ်အဲရ်အရပ်တွင် ဖြစ် သည်။ယခုအရောင်းအဝယ်ကို ထဲထဲဝင်ဝင် သိရှိသည့် သတင်းရင်းမြစ်တစ်ခု ကလည်း ဂျေးဇက်တို့သည် ဘဲလ်အဲရ်ရှိခေတ်ပေါ်ဒီဇိုင်းနေအိမ်ကြီးကို ဝယ်ယူ လိုက်ပြီဖြစ်ကြောင်း အတည်ပြုပြောကြားသော်လည်း အမည်နာမ ထုတ်ဖော် ရန်မူ ငြင်းဆိုခဲ့သည်။
အရောင်းအဝယ်ကို တရားဝင်ပြုလုပ်ခဲ့ခြင်းမရှိသော်လည်း အရောင်းအ ဝယ်ဖြစ်ခဲ့သည့် ဈေးနှုန်းမှာ ကန်ဒေါ်လာသန်း ၉၀ ဖြင့် ဖြစ်သည်ဟု ဆိုသည်။
နေအိမ်အဆောက်အအုံကြီးမှာ အလွန်ကြီးမားကျယ်ပြန့်လှပြီး နေအိမ် တစ် လုံးအသွင်ထက် သိပ္ပံစမ်းသပ်ခန်းစခန်းကြီးတစ်ခုအသွင် ပေါ်နေသည်။
ကြမ်းခင်းဧရိယာစတုရန်းပေ ၃၀၀၀၀ အထိ ကျယ်ဝန်းပြီး လသာဆောင်နေ ရာများကိုပါ ထည့်သွင်းတွက်ချက်မည်ဆိုပါက ကြမ်းခင်းဧရိယာ အကျယ်အ ဝန်း ၁၀၀၀၀ ခန့် ပိုမိုလာဦးမည် ဖြစ်သည်။ နေအိမ်ကြီးအတွင်း ကျန်းမာေ ရးလေ့ကျင့်ခန်းမ၊ မီဒီယာခန်းမနှင့် ရေကူးကန် ၄ ခု ပါဝင်သည်။
နေအိမ်၏ အထူးခြားဆုံးအချက်မှာ မှန်တံခါးများနှင့် ပြတင်းပေါက်များ အား လုံးကို ကျည်ကာမှန်များ တပ်ဆင်ထားခြင်း ဖြစ်သည်။ ၂ ဧကခန့် ကျယ်ဝန်း သည့် ခြံဝန်းအတွင်း ဘတ်စ်ကက်ဘောကစားကွင်းအပြင် ဝန်ထမ်းနေအိမ်ေ ဆာင်တို့လည်း ပါဝင်သည်။
ယာဉ်ရပ်နားရန်အတွက် ကားအစင်းရေ ၁၅ စင်းဆန့် ဂိုဒေါင်တစ်လုံးနှင့် ဝန်ထမ်းများ၏ ယာဉ်များရပ်နားရန် နေရာတို့ ပါဝင်သည်။ နေအိမ်ကို စ တင်ဆောက်လုပ်ခဲ့သူမှာ အိုင်ယာလန်ဘီလျံနာ၊ အိမ်ခြံမြေလုပ်ငန်းရှင် ပက်ဒီ မက်ခ်ကီလန်၏ သားဖြစ်သူ ဒင်းမက်ခ်ကီလန်က လွန်ခဲ့သော ၄ နှစ်ကေ ဆာက်လုပ်ခဲ့ခြင်း ဖြစ်သည်။ဤနေအိမ်ကို ဈေးကွက်တင်စဉ်က ခေါ်ဈေးမှာ ကန်ဒေါ်လာ ၁၃၅ သန်းဖြစ်သည်ဟု ဆိုသည်။
အကယ်၍ ယခုအရောင်းအဝယ်ကို တရားဝင် မှတ်တမ်းတင်မည်ဆိုပါက ယခုနှစ်အတွင်း လော့စ်အိန်ဂျလိတွင် ဈေးအကြီးဆုံးနေအိမ်အဖြစ် စံချိန်တင် မည် ဖြစ်သည်။ ဂျေးဇက်၏ အမည်ရင်းမှာ ရှောင်ကာတာဖြစ်ပြီး ဟစ်ပ်ဟော့ ဂီတလောကတွင် ထိပ်သီးဖြစ်သည်ဟု သတ်မှတ်ထားကြကာ ဂရမ်မီဆု ၂၀ ကျော် ရရှိထားသည်။ ဇနီးဖြစ်သူ ဘီယွန်းစေးမှာလည်း ဂရမ်မီဆု ၂၂ ကြိမ် ရရှိထားပြီး ကမ္ဘာပေါ်တွင် အရောင်းရဆုံး တေးသံရှင်များတွင် တစ်ဦးအ ပါအဝင်ဖြစ်သည်။
သူမ၏ မကြာမီက ထုတ်လုပ်ခဲ့သော တေးအယ်လ်ဘမ် Lemonade မှာ တစ် ကမ္ဘာလုံးတွင် ချပ်ရေ ၂ ဒသမ ၅ သန်း ရောင်းချခဲ့ရပြီး ဖြစ်သည်။ ၎င်းတို့ ဇနီးမောင်နှံတွင် အသက် ၅ နှစ်အရွယ် ဘလူးအိုင်ဗီ အမည်ရှိ သမီးငယ်တစ် ဦး၊ မကြာသေးမီက မွေးဖွားခဲ့သော ရူမီနှင့် ဆာအမွှာနှစ်ဦး ထွန်းကားထား သည်။
ဖော့ဘ်မဂ္ဂဇင်းကြီး၏ ခန့်မှန်းချက်အရ ဂျေးဇက်နှင့် ဘီယွန်းစေးတို့၏ စုစုေ ပါင်းကြွယ်ဝမှုမှာ ကန်ဒေါ်လာ ၁ ဒသအ ၁၆ ဘီလီယံဖြစ်သည်ဟု ခန့်မှန်း ထားသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
