၂၀၁၇ ဇန်နဝါရီမှ သြဂုတ်အတွင်း ဧရာဝတီလင်းပိုင် ထိန်းသိမ်းစောင့်ေ ရှာက်ရေးဒေသ သို့ ပြည်တွင်း၊ပြည်ပမှ လာရောက် လေ့လာသည့် ခရီးသွား ဧည့်သည် ၂၈၀ ကျော်ရှိပြီး ယခင်နှစ်ထက် နှစ်ဆကျော် တိုးလာကြောင်း ဧရာဝတီလင်းပိုင် ထိန်းသိမ်းစောင့်ရှောက်ရေးနှင့် အကျိုးတူငါးဖမ်းရေ လုပ် သားအဖွဲ့မှ သတင်းရရှိသည်။
‘‘လက်ရှိ သြဂုတ် တတိယပတ်အထိ ဧည့်သည် အဝင်စာရင်းကို မနှစ်ကနဲ့ ယှဉ် လိုက်ရင် နှစ်ဆကျော်လောက် တိုးလာတာ တွေ့ရပါတယ်။ ပြည်တွင်း က ကိုယ့်မြန်မာတွေ ရော နိုင်ငံခြားသားတွေရော ပို များလာတာကို တွေ့ရပါ တယ်’’ ဟု ဧရာဝတီလင်းပိုင် ထိန်းသိမ်း စောင့်ရှောက်ရေးနှင့် အကျိုးတူ ငါးဖမ်းရေလုပ်သားအဖွဲ့ ခေါင်း ဆောင် ဦးမောင်လေးက ပြောသည်။
၂၀၁၆ အတွင်း ဧရာဝတီလင်းပိုင် ထိန်းသိမ်းစောင့်ရှောက်ရေး ဒေသသို့ နိုင် ငံခြားသား ခရီးသွားဧည့်သည် ၆၃ ဦးနှင့် ပြည်တွင်း ခရီးသွားဧည့်သည် ၉၀ ကျော် စုစုပေါင်း ၁၅၃ ဦးသာ လာ ရောက်လည်ပတ်ခဲ့သော်လည်း ယခု ၂၀၁၇ သြဂုတ်တတိယပတ် အထိ ရှစ်လအတွင်း နိုင်ငံခြား သား ခရီးသွား ဧည့်သည် ၉၅ ဦး နှင့် ပြည်တွင်း ခရီးသွားဧည့်သည် ၁၈၈ ဦး စုစုေုပါင်း ၂၈၃ ဦး အထိ လာရောက် လည်ပတ်သဖြင့် နှစ်ဆကျော် တိုးတက်လာခြင်း ဖြစ်ေ ကြာင်း ၎င်းကပြောသည်။
၂၀၁၆ မေလအတွင်း ဟို တယ်နှင့် ခရီးသွားလာရေးဝန်ကြီး ဌာနမှ ဧရာဝတီ လင်းပိုင် ထိန်း သိမ်းစောင့်ရှောက်ရေးဧရိယာရှိ ကျေးရွာခြောက်ခုတွင် ရပ်ရွာလူ ထုအခြေပြု ခရီးသွားလုပ်ငန်း အဖြစ် စတင်အကောင်အ ထည် ဖော်ခဲ့သဖြင့် ခရီးသွားဧည့်သည် များ စိတ်ဝင်စားမှု မြင့်တက်လာပြီး ယခုနှစ်တွင် လူပိုသိလာကာ ပို၍များပြားလာကြောင်း ၎င်းကပြောသည်။
‘‘ဧရာဝတီလင်းပိုင်တွေရဲ့ သဘာဝနဲ့ နေထိုင်မှုပုံစံကို စိတ် ဝင်စားသူများ လာတာကို တွေ့ရ သလို ကျေးရွာခြောက်ရွာကို အခြေပြုလုပ်ဆောင်နေတဲ့ ရပ်ရွာ လူထုအခြေပြု ခရီးသွားလုပ်ငန်း ကြောင့် အဲဒီကျေးရွာတွေမှာ လည်း ဧည့်သည်တွေလာပြီးတော့ လေ့လာမှုတွေ ပြုလုပ်ကြတဲ့ အတွက် ခရီးသွား ဧည့်သည် ပို များလာတာ ဖြစ်ပါတယ်’’ဟု ဦးမောင်လေးက ပြောသည်။
ဧရာဝတီလင်းပိုင် ထိန်းသိမ်း စောင့်ရှောက်ရေး ဧရိယာအတွင်း ၌ ဆီ သည်၊ မြစ်ကမ်းကြီး၊ စိန်ပန်း ကုန်း၊ မြေစွန်း၊ အေးကျွန်းနှင့် ဆင်ကျွန်းကျေးရွာ တို့ ပါဝင်ပြီး အကျိုးတူ ငါးဖမ်းရေလုပ်ငန်းအဖွဲ့ တွင် အဖွဲ့ဝင် ၅၃ ဦးရှိကာ ငါးဖမ်း ခြင်းအပြင် ဧရာဝတီလင်းပိုင်များ လာရောက်လေ့လာသည့် နိုင်ငံခြား သားများကို လှေဖြင့် လိုက်လံပြသခြင်းမှ အပိုဝင်ငွေများရရှိနေကြောင်း သိရ သည်။
Credit: 7DayDaily
