မြန်မာနိုင်ငံတွင် ပြည်တွင်း၊ ပြည်ပခရီးသွားများကို ဆွဲဆောင်မှုများ စွာပေးနိုင်သည့် နေရာများစွာရှိသည့်အပြင် ခရီးသွားလုပ်ငန်းပိုမိုတိုး တက်ဖွံ့ဖြိုးစေရန် နေရာဒေသသစ် များဖော်ဆောင်ရန် လုပ်ဆောင် လျက်ရှိရာ မြန်မာ့ကျွန်းသစ် မူလမျိုးရင်းပေါက်ဖွားရာ ပဲခူးရိုးမတောကြီးအတွင်း သဘာဝအတိုင်း အပန်းဖြေအနားယူနိုင်ရန်နှင့် ဆင်စီး၍ တောတွင်းခရီးသွားလာနိုင်ရန် Bago Yoma Eco Resort တစ်ခုကို ဇူလိုင် ၂၉ ရက်က အုတ်တွင်း-ပေါက်ခေါင်း-ပြည် ရိုးမဖြတ်ကျော် ကားလမ်း မိုင်တိုင် ၄၃ ၌ ဖွင့်လှစ် ခဲ့ကြောင်း သိရသည်။
အပန်းဖြေလာရောက်လည်ပတ်သူများအနေဖြင့် ရွှေတောင်၊ ငွေတောင်၊ ခပေါင်းကျေးရွာများရှိ ကရင် တိုင်းရင်းသားတို့၏လူနေမှုဘဝ၊ တောင်ယာလုပ်ငန်းများ အပြင် ရိုးရာချည်ထည်ရက်လုပ်မှုများကို လေ့လာနိုင်မည် ဖြစ်ကာ ပေါလံကြီးတောတွင်းဆင်စခန်းသို့
သွားရောက်၍ ဆင်များထိန်းသိမ်းစောင့်ရှောက်ခြင်း၊ ရေချိုးခြင်း၊ အစာ ကျွေးခြင်းနှင့် တောတွင်းဆင်စီးခြင်းတို့ ဆောင်ရွက်နိုင် ကြောင်း သိရသည်။
လက်ရှိဖွင့်လှစ်လိုက်သည့် Bago Yoma Eco Resort သို့ ပြည်တွင်း၊ ပြည်ပဧည့်သည်များ အဆက် မပြတ်လာရောက်လည်ပတ်လျက်ရှိပြီး နိုင်ငံခြားသား ဧည့်သည်များအနေဖြင့် ရှားပါးငှက်မျိုးစိတ်များဖြစ်သော မြန်မာ့ခေါင်းစိမ်း၊ အောက်ချင်း၊ သစ်တောက်ငှက်မျိုးများ နှင့် အခြားသောငှက်မျိုးစိတ်များ၏ စားကျက်၊ နေထိုင် သွားလာမှုတို့ကို စိတ်ဝင်စားစွာကြည့်ရှုလေ့လာကြကြောင်း တာဝန်ခံဝန်ထမ်း အမျိုးသမီးတစ်ဦးက ပြောသည်။
တောတွင်းခရီးသွားလာ အပန်းဖြေကြသူများ အနေဖြင့် ပြည်မြို့အနီးရှိ ကမ္ဘာ့အမွေအနှစ်စာရင်းဝင် ပျူရှေးဟောင်းမြို့တော် သရေခေတ္တရာ(မှော်ဇာ)နှင့် ပျူ သံခေတ် ရှေးဟောင်းသံဖျက်ဖိုကြီးများကို ဆက်လက် လေ့လာကြည့်ရှုနိုင်ကြောင်းသိရသည်။
''အခုမှ ဖွင့်ထားတာ တွေ့လို့ ခရီးနားရင်း ဝင်ကြည့်တာပါ။ ခရီးသွားတွေ အတွက် အဆင်ပြေပါတယ်။ ခုနောက်ပိုင်း ဒီရိုးမဖြတ်ကျော် လမ်းက ခရီးသည်တင်ယာဉ်လိုင်းတွေလည်းရှိတော့ နောက်ပိုင်းဆို အဆင်ပြေလာမယ့်သဘောရှိတယ်'' ဟု ပေါင်းတည်မြို့မှ ရေတာရှည်မြို့သို့ ရိုးမဖြတ်ကျော်လမ်း အတိုင်း ပြန်လာသည့် ဦးတင်မိုးလှိုင်က ပြောသည်။
Credit: MOI Webportal Myanmar
