မြို့ပေါင်း ၉၆ မြို့၏ မြို့ပြဖွံ့ဖြိုးရေးစီမံကိန်းနှင့် စက်မှုဇုန် စီမံကိန်းများ ရေးဆွဲ ထားပြီး နမူနာအားဖြင့် မန္တလေးမြို့ပြဖွံ့ဖြိုးရေး စီမံကိန်း၊ စစ်ကိုင်းမြို့ပြ စီမံကိန်း၊ ဟုမ္မလင်းမြို့ပြစီမံကိန်း အပါအ၀င် မြို့ပြစီမံကိန်း ၁၃ ခုကို တင်ပြ ထားပြီး ၂၀၁၇ ခုနှစ်အောက်တိုဘာတွင် ဆောင်ရွက်ရန် စီမံ လျာထားေ ကြာင်း ဆောက်လုပ်ရေးဝန်ကြီးဌာန ဒုတိယ၀န်ကြီး ဦးကျော်လင်း၏ ပြော ကြားချက်အရ သိရသည်။
နေပြည်တော်တွင် သြဂုတ် ၃ ရက်ကကျင်းပသည့် ပြည်သူ့လွှတ်တော် အ စည်းအဝေး၌ ဟုမ္မလင်း မဲဆန္ဒနယ်မှ လွှတ်တော်ကိုယ်စားလှယ် ဦးမျိုးညွန့်၏
“မြို့ပြစီမံကိန်း၊ ကျေးရွာစီမံကိန်းများရေးဆွဲရာတွင် မည်သည့် အချက်များေ ပ်ါတွင် မူတည်၍ ရေးဆွဲပြီး ပြည်သူလူထုသို့ ပွင့်လင်းမြင်သာစွာ ချပြနိုင်ခြင်း ရှိ၊ မရှိ” မေးခွန်းကို ဒုတိယ၀န်ကြီး ဦးကျော်လင်းက ဖြေကြားရာတွင် အထက် ပါကဲ့သို့ ထည့်သွင်းပြောကြားခဲ့ခြင်းဖြစ်သည်။
နိုင်ငံတစ်ဝန်းတွင် မြို့ပြဒေသ ဖွံ့ဖြိုးရေးစီမံကိန်းများ ရေးဆွဲဆောင်ရွက်လျက် ရှိရာတွင်
- National Growth Center အဖြစ် ရန်ကုန်၊ မန္တလေး၊ နေပြည်တော် သုံး မြို့ဖြစ်ပြီး
- အထူးစီးပွားရေးဇုန်များအဖြစ် ထားဝယ်၊ သီလ၀ါ၊ ကျောက်ဖြူ SEZ တို့ ပါ ၀င်ကြောင်း၊
- Region Growth Center အဖြစ် မော်လမြိုင်၊ ပဲခူး၊ မုံရွာ၊ မြစ်ကြီးနား၊ ပုသိမ် စသည့် အုပ်ချုပ်ရေးဗဟိုဖြစ်သည့် တိုင်းဒေသကြီး၊ ပြည်နယ်မြို့ေ တ်ာများ၊ မြို့ကြီးများ၊ လူမှုရေး၊ စီးပွားရေး၊ ဖွံ့ဖြိုးမှုအလားအလာရှိသော မြို့ကြီးများပါဝင်ကြောင်း၊
- Special Growth Center များအဖြစ် မြ၀တီ၊ မူဆယ်၊ တမူးစသည့် နယ်စပ် ကုန်သွယ်မှုမြို့များ၊ ပုဂံ၊ အင်းလေး၊ မြောက်ဦး ကဲ့သို့သော ခရီးသွား ၀န်ေ ဆာင်မှု လုပ်ငန်း အခြေပြုမြို့များ၊ မြိတ်မြို့၊ ငရုတ်ကောင်း၊ မိုးကုတ်မြို့ ကဲ့ သို့သော သယံဇာတထွက်ကုန် အခြေပြုမြို့များအဖြစ် သတ်မှတ်ဆောင် ရွက်လျက်ရှိကြောင်း ဒုတိယ၀န်ကြီး ဦးကျော်လင်းက ပြောကြားသည်။
“မြန်မာနိုင်ငံရှိ မြို့များအနက် လူဦးရေငါးသောင်းမှ တစ်သိန်းရှိ Secondary City များမှာ ၂၀၁၄ ခုနှစ်တွင် ၂၅ မြို့ရှိရာမှ ၂၀၄၀ ပြည့်နှစ်တွင် ၄၃ မြို့အထိ တိုးတက်ရောက်ရှိမည်ဟု ခန့်မှန်းထားပါတယ်။
မြို့ပြများ၏လူဦးရေ ပျံ့နှံ့နေထိုင်မှုနှင့် မြို့ပြဖြစ်ထွန်းမှုပုံစံကို ထည့်သွင်း စဉ်း စားပြီး မြို့ပြများစနစ်တကျ ရေရှည်ဖွံ့ဖြိုးတုိုးတက်စေရန်၊ နေထိုင်မှု အဆင့် အတန်းမြင့်မားစေရန်နှင့် အခြေခံအဆောက်အအုံများ ဖြည့်ဆည်းပေးနိုင်ရန် မြို့ပြစီမံကိန်းများကို Planned City Development ပုံစံများ ရရှိအောင် ကြိုတင်စီမံဆောင်ရွက်လျက်ရှိပါတယ်။
ဆောက်လုပ်ရေးဝန်ကြီးဌာနသည် မြို့များ၏ လူမှုစီးပွားဖွံ့ဖြိုးမှု အလားအ လာများအရ ဦးစားပေး နယ်မြေများ သတ်မှတ်ပြီး မြို့ပြဖွံ့ဖြိုးရေး စီမံကိန်း များကို ရေးဆွဲဆောင်ရွက်လျက်ရှိပါတယ်” ဟု ၎င်းက ဆက်လက် ပြောကြား သည်။
မြန်မာနိုင်ငံ၏ အမျိုးသား ဘက်စုံဖွံ့ဖြိုးတိုးတက်ရေး မူဝါဒများကို အခြေခံ၍
- လူဦးရေငါးသောင်းအထက်ရှိ မြို့ ၆၈ မြို့၊
- ငါးသောင်းအောက်မြို့ ၁၁ မြို့နှင့်
(၁)တိုင်းဒေသကြီး၊ ပြည်နယ်လိုအပ်ချက်အရ မြို့ပေါင်း ၁၇ မြို့နယ်၏ မြို့ပြ ဖွံ့ဖြိုးရေးစီမံကိန်းများနှင့် စက်မှုဇုန်စီမံကိန်းများ ရေးဆွဲခဲ့ပြီး စုစုပေါင်းမြို့ေ ပါင်း ၉၆ မြို့၏ မြို့ပြဖွံ့ဖြိုးရေး စီမံကိန်းများရေးဆွဲခဲ့ပြီးဖြစ်ကြောင်း၊
(၂)နမူနာအားဖြင့် မန္တလေးမြို့ ဖွံ့ဖြိုးရေးစီမံကိန်း၊ ရမည်းသင်း၊ မုံရွာ၊ စစ် ကိုင်း၊ ကလေး၊ လဟယ်၊ ထားဝယ်၊ မော်လမြိုင်၊ ပခုက္ကူ၊ ဟိုပုံး၊ ပုသိမ်၊ လွိုင်ကော် မြို့ပြစီမံကိန်းများနှင့် ကျိုက်ထီးရိုးပတ်ဝန်းကျင်ဒေသ ဖွံ့ဖြိုးရေး စီမံကိန်းများကို တင်ပြထားကြောင်း၊
(၃) မြို့ပြဖွံ့ဖြိုးရေး စီမံကိန်းများရေးဆွဲမှုကိုလည်း ပြည်သူအများ သိရှိစေရန် ပွင့်လင်းမြင်သာမှုရှိစွာဖြင့် ချပြဆွေးနွေး ဆောင်ရွက်လျက်ရှိကြောင်း
(၄) မြို့ပြစီမံကိန်း အဆိုပြုသဘောထား ပုံစံများကိုလည်း သက်ဆိုင်ရာ တိုင်းဒေသကြီး၊ ပြည်နယ်အစိုးရအဖွဲ့များသို့ ပေးပို့ထားပြီးဖြစ်ကြောင်း၊
(၅) မြို့ပြစီမံကိန်း ရေးဆွဲရန်လျာထားချက်တွင် ဟုမ္မလင်းမြို့၏ မြို့ပြစီမံကိန်း လည်းပါဝင်ပြီး ၂၀၁၇ ခုနှစ် အောက်တိုဘာတွင် ဆောင်ရွက်ရန် စီမံလျာ ထားပြီးဖြစ်ကြောင်း ဆောက်လုပ်ရေး ဒုတိယ၀န်ကြီး ဦးကျော်လင်းက
ပြောကြားသည်။
ထို့ပြင် ဆောက်လုပ်ရေးဝန်ကြီးဌာန အနေဖြင့် မြို့ပြစီမံကိန်းများကို ရေးဆွဲေ ဆာင်ရွက်ရာတွင် သက်ဆိုင်ရာတိုင်းဒေသကြီး၊ ပြည်နယ်အစိုးရအဖွဲ့မှ မြို့ပြ ဖွံ့ဖြိုးရေး စီမံကိန်းများကို လွှတ်တော်အဆင့်ဆင့်သို့ တင်ပြပြီး စီမံကိန်း ပုံစံ အတည်ပြုချက်နှင့် ခွင့်ပြုချက်ရယူခြင်း၊ အစိုးရ၏ သဘောတူညီချက်ဖြင့် စီမံ ကိန်းအဆင့်အလိုက် အကောင်အထည်ဖော်ခြင်း၊ ဌာနဆိုင်ရာ အဖွဲ့အစည်း များ၊ မြို့မိမြို့ဖများနှင့် တွေ့ဆုံဆွေးနွေးခြင်း စသည့်လုပ်ငန်းစဉ်များဖြင့်ေ ဆာင်ရွက်လျက်ရှိကြောင်း ဦးကျော်လင်းကဆိုသည်။
ထို့အတူ အမျိုးသားနယ်မြေဒေသ ဖွံ့ဖြိုးရေးစီမံကိန်းမူဘောင်နှင့်အညီ မြန် မာနိုင်ငံ မြို့ပြစနစ်ထူထောင်ခြင်းနှင့် မြို့ပြစီမံကိန်းများ စနစ်တကျ စဉ်ဆက် မပြတ် ရေးဆွဲဆောင်ရွက်သွားနိုင်ရန် JICA၊ KOICA၊ UN-Habitat စသည့်
နိုင်ငံတကာ အဖွဲ့အစည်းများနှင့် ဆောက်လုပ်ရေးဝန်ကြီးဌာနတို့ ပူးပေါင်းကာ စွမ်းရည်မြှင့်တင်ခြင်း လုပ်ငန်းများလည်း ဆောင်ရွက်လျက်ရှိကြောင်း ဒုတိယ ၀န်ကြီးက ဆက်လက်ပြောကြားသည်။
မြို့ပြ၊ ကျေးလက်စီမံကိန်းများသည် ပြည်သူဗဟိုပြုဖွံ့ဖြိုးရေး စ်ီမံကိန်းများဖြစ် သည့်အတွက် ပြည်သူဗဟိုပြုလုပ်ငန်းများ စဉ်ဆက်မပြတ် တိုးတက်မှု ရရှိေ စရေး ဒေသန္တရဖွံ့ဖြိုးရေး စီမံကိန်းများကို ဌာနဆိုင်ရာများ၊ အဖွဲ့အစည်းများ၊ အရပ်ဘက်အဖွဲ့အစည်းများ၊ စီးပွားရေးလုပ်ငန်းရှင်များ၊ လွှတ်တော်ကိုယ် စားလှယ်များ၊ ရပ်မိရပ်ဖများနှင့် ပူးပေါင်း၍ ပြည်သူလူထုထံ ပွင့်လင်းမြင်သာ စွာ ကျယ်ကျယ်ပြန့်ပြန့် သိရှိစေရေးအတွက် ချပြဆောင်ရွက်လျက်ရှိကြောင်း ဒုတိယ၀န်ကြီး ဦးကျော်လင်းက ဆိုသည်။
Credit: Eleven Media Group
