အရှေ့တောင်အာရှ နိုင်ငံများအသင်း (အာဆီယံ) ကတော့ ယင်းရဲ့ တည်ထောင်မှု အနှစ် ၅၀ ကို ပြည့်မြောက်လာနိုင်ခဲ့ပြီ ဖြစ်ပါတယ်။
ယင်းကာလအတွင်းမှာတော့ စီးပွားရေးရာနဲ့ လူမှုဆိုင်ရာ တိုးတက်မှုတွေ၊ ကုန်ထုတ်လုပ်မှု အချက်အချာနေရာအဖြစ် ရပ်တည်လာနိုင်မှု၊ နိုင်ငံရေးရာ တည်ငြိမ်မှုတို့နဲ့ ဖြစ်ပေါ်ကြုံတွေ့ခဲ့ရပါတယ်။
ယခုဆိုရင်လည်း အဖွဲ့ဝင် ဆယ်နိုင်ငံထဲမှာဆိုရင်လည်း ဖိလစ်ပိုင်နဲ့ ဗီယက်နမ်တို့လို ကမ္ဘာ့အမြန်ဆန်ဆုံးနှုန်းနဲ့ စီးပွားရေးတိုးတက်မှုနှုန်းတွေ ရှိနေတဲ့ နိုင်ငံတစ်ချို့ကိုလည်း မြင်တွေ့ထားနေရပြီ ဖြစ်ပါတယ်။စုစုပေါင်း လူဦးရေ သန်း ၆၂၀ ကျော် နဲ့ စီးပွားရေးအင်အား ကန်ဒေါ်လာ ၂ ဒသမ ၆ ထရီလီယံ ရှိနေတဲ့ ယင်းအဖွဲ့ကြီးအနေနဲ့ ရင်းနှီးမြှုပ်နှံမှု အလားအလာကလည်း ကြီးမားနေပါတယ်။
၂၀၂၀ မတိုင်ခင် အာဆီယံဒေသဟာဆိုရင် ကမ္ဘာ့ပဉ္စမမြောက်
အကြီးဆုံး စီးပွားရေးအင်အားကို ပိုင်ဆိုင်လာနိုင်တော့မယ်
ဆိုပြီးတော့လည်းကမ္ဘာ့စီးပွားရေးဖိုရမ်ကခန့်မှန်းထားပါတယ်။သို့ပေသော်ငြားလည်း အဖွဲ့ဝင်နိုင်ငံတွေအကြား တစ်စုတစ်စည်းတည်း စုပေါင်းစီးပွားရေးအင်အားစုကိုဖန်တီးမှု ပန်းတိုင်ကလည်း လျှောက်လှမ်းရဦးမှာ ဖြစ်ပါတယ်။
နိုင်ငံတွေအကြား ကုန်သွယ်မှုအတားအဆီးတွေ ရုတ်သိမ်းဖို့၊ ကုန်စည်၊ ၀န်ဆောင်မှု၊ လုပ်သားလွတ်လွတ်လပ်လပ်စီး ၀င်နိုင်ခွင့်ရှိမယ့် တစ်ခုတည်းသောဈေးကွက်ဖန်တီးဖို့ဆိုတဲ့ ၂၀၁၅ စီမံချက်တွေ ချမှတ်လုပ်ဆောင်ထားနေပြီဆိုသော်ငြားလည်းစီးပွားရေးလုပ်ငန်းတွေ
အနေနဲ့ကတော့ကန့်သတ်တားဆီးမှုတွေနဲ့ ဆက်လက်ရင်ဆိုင်နေရဆဲဖြစ်
ပါတယ်။
၁၉၆၇ ဘန်ကောက်မြို့မှာ စတင်တည်ထောင်ချိန်နောက်ပိုင်း တည်ထောင်ခါစငါးနိုင်ငံဖြစ်တဲ့ အင်ဒို၊ မလေး၊ ဖိလစ်ပိုင်၊ စင်
ကာပူနဲ့ ထိုင်းတို့ ပါဝင်တဲ့ အာဆီယံဟာဆိုရင် စီးပွားရေးတိုးတက်ဖွံ့ဖြိုးမှုနဲ့ ငြိမ်းချမ်းမှုတို့ကို တိုးမြင့်ဖြစ်ပေါ်စေခဲ့ပါတယ်။
ယင်းနောက်ပိုင်းကစလို့ ဆင်းရဲပြီး စိုက်ပျိုးရေးအခြေခံနိုင်ငံတွေအဖြစ်ကနေ မော်တော်ကားနဲ့ မိုဘိုင်းဖုန်းတွေလိုမျိုးထုတ်ကုန်အများအပြား အခြေပြုထုတ်လုပ်တဲ့အချက်အချာနိုင်ငံတွေအဖြစ် ပြောင်းလဲလာခဲ့ကြပါတယ်။
၂၀၁၆ ကဆိုရင်လည်း အာဆီယံရဲ့ ဂျီဒီပီဟာ ဒေါ်လာ ၂ ဒသမ ၆ ထရီလီယံ ထိ မြင့်တက်လာခဲ့ပြီး ယင်းဟာ ဗြိတိန်စီးပွားရေး အရွယ်အစားနဲ့ တူတူလောက်ပဲ ဖြစ်ပါတယ်။ ၁၉၇၀ လောက်တုန်းကဆိုရင် ဂျီဒီပီက ဒေါ်လာ ၃၇ ဒသမ ၆ ဘီလီယံသာ ရှိနေခဲ့တာဖြစ်ပါတယ်။
ယခုအခါမှာတော့ အာဆီယံရဲ့ တိုးတက်မှုဟာ လာမယ့် နှစ်မှာ
၎ ဒသမ ၉ ရာခိုင်နှုန်း ရှိမယ်လို့ သိရပြီး မြန်မာ၊ ဗီယက်နမ်နဲ့ ဖိလစ်ပိုင်တို့ဟာလည်း ဒေသတွင်း အမြန်ဆန်ဆုံးနှုန်းနဲ့ တိုးတက်ချဲ့ကားလာနိုင်တော့မယ်ဆိုပြီးတော့လည်း သုတေသနတွေက ဖော်ပြနေလျက်ရှိပါတယ်။
ဒေသရဲ့ တိုးတက်မှုအလားအလာအားကောင်းမှုကလည်း ရင်းနှီးမြှုပ်နှံမှုတွေကို ပိုမိုဆွဲဆောင်ထားနိုင်လျက်ရှိပါတယ်။ နာမည်ကြီးအမှတ်တံဆိပ် Coca-cola Co ဟာဆိုရင် ဗီယက်နမ်နဲ့ မြန်မာတို့မှာ တိုးချဲ့လုပ်ဆောင်နေသလို
Appleဆိုရင်လည်း အင်ဒိုနီးရှားမှာ သုတေသနစင်တာတွေ တည်ဆောက်နေပြီ ဖြစ်ပါတယ်။
Credit: SFJ Strategy First
